30/01/2025
الحمد لله الذى لا يحمد على مكروه سوواه ، اللهم آجرنا في مصيبتنا، وأخلفنا خيرًا منها..
على مدار اكتر من 5 سنين فى مطعم ريحانه حاولنا نجتهد ونقدم لكل عملائنا خدمة كويسة بسعر مناسب وقبل كل ده حاولنا اننا نرضى ربنا..ونعمل جودة ونضافه نأكل منه احنا وعيلنا قبل اى حد..
وانهاردة للاسف مضطرين نبلغكم نقفل بسبب انتهاء مدة ايجار المحل وعدم قدرتنا على الاتفاق على عقد جديد..
كلنا أمل فى ربنا اننا نقدر نلاقى محل قريب بسعر مناسب خلال فترة قصيرة.. مش طالبين غير دعوة صادقة من اى حد يعرفنا او ميعرفناش بتيسير الامر..عشان نقدر نرجع ونحافظ على البيوت المفتوحه والناس اللى شغاله معانا..ودى اهم حاجة بنفكر فيها والله..
و اذا لا قدر الله معرفناش نرجع فا بنبراء ذمتنا وبنعتذر لكل عملائنا لو قصرنا فى يوم فى حق حد..وبنشكر عملائنا اللى كتير منهم بقيوا اخواتنا واصحابنا قبل اى حد..وبنقولهم باذن الله هنرجع نكمل قصتنا او نعمل قصة أجمل..قدر الله وماشاء فعل ولا حول ولاقوة الابالله العلي العظيم.
اخواتكم إدارة مطعم ريحانه.
