02/12/2017
قبل ماتقولي هي ديه محتاجه سؤال حابين نقولك لالا استني مش اللي في دماغك خالص
احنا مش هنتكلم عن القشطه اللي بناخدها من اللبن وعارفيناها طول عمرنا ، احنا هنتكلم عن فاكهه اسمها "قشطه" وديه بقي واحده من الفواكه اللي مبناخدش بالنا منها مع ان كلنا اكيد محتاجينها في حياتنا بشكل مستمر وعشان فوايدها عظيمه جدا ومفيده ليك هنكلمك عنها ونعرفك ايه اشهر انواعها :
(القشطه الهندي - القشطه البلدي - قشطه قلب الثور)
ودلوقتي تعالي نعرف فوايدها ايه !!!!🙄
1- بتقلل نسبه الكولسترول الضار في الجسم
2- بتحمي من الاصابه بأمراض القلب
3- بتعالج الاورام السرطانيه
4- بتساعد في طرد الفيروسات والبكتيريا
5- بتحتوي علي الالياف عشان كدا مفيده جدا للجهاز الهضمي
6- بتساعد علي تقويه الجهاز المناعي والتخلص من السموم
7- واخيرا هي واحده من افضل الفواكه اللي بتقاوم نزلات البرد
قولنا عمرك سمعت عن ثمره القشطه قبل كدا ولالا ؟😉
