chef rached marini

20/09/2026

🔥 الحمد لله… ختامها مسك يا ناس 🔥

اليوم أسدلنا الستار على عرس عائلة غمراني، ناس قصر الأبطال ❤️💪
فرحة كبيرة بزواج ابنتهم، ربي يهنيها ويهني عريسها ويكتب لهم حياة كلها فرح وهناء 🤲💍

🙏 شكراً من القلب لعائلة غمراني على حسن الاستقبال، الكرم والضيافة… ناس كبار والواجب معاهم كبير ❤️

تعبنا، خدمنا، ولكن كي نشوفو الفرحة في وجوه الناس نقولو: الحمد لله… التعب يهون! 🔥👨‍🍳

فريق شاف راشد مريني مازال في الطريق…
كل عرس عندو حكاية، وكل محطة عندها بصمتها 💪🔥

🚨 واللي جاي؟ خليوه مفاجأة!
انتظرونا… القادم أقوى بإذن الله! 🔥🔥

18/09/2026

17/09/2026

🔥 ختامها مسك… والحمد لله على التمام 🔥

من العلمة، عند لافامي روبة، ومن قاعة الحفلات خليل، نعلنوا ختام رحلة كانت عامرة بالخدمة، التعب، التحدي والنجاحات 💪🔥

ربي يهني ختنا العروس، ويبارك لها في حياتها الجديدة 🤲❤️
وشكر كبير وموصول للعائلة الكريمة على حسن الاستقبال، كرم الضيافة وحسن الظن… شرفتونا وفرحتونا 🙏❤️

كانت رحلة ممتعة ومليانة محطات 👇🔥
📍 أولاد براهم — لافامي بن زرطيحة
📍 عين الكبيرة — لافامي سعدون
📍 مقرة — لافامي جنان
📍 سطيف — لافامي بن صادق
📍 أولاد براهم — لافامي نوارة
📍 وأخيراً العلمة — لافامي روبة ❤️‍🔥

من هذا المنبر، نقول شكراً من القلب لكل عائلة وثقت فينا واستقبلتنا بكل محبة واحترام… ثقتكم هي اللي تزيدنا قوة باش نكملو ونقدمو الأفضل دائماً 💪🔥

وكل التحية لفريقنا اللي كان حاضر في كل محطة، تعب معانا ووقف وقفة رجال:
👨‍🍳 شاف عباس
👨‍🍳 شاف فؤاد
شاف فوزي
والرحلة مهما كانت طويلة… كي يكون الفريق واحد، التعب يولي إنجاز والنجاح يولي عادة 🔥🏆

الحمد لله ختامها مسك… والقادم بإذن الله أقوى وأكبر.
انتظرونا، مازال الجديد في الطريق 🔥🔥

15/09/2026

🔥🔥 مقرة… كانت محطة، والعلمة هي التحدي القادم! 🔥🔥

الحمد لله، أنهينا عرس عائلة جنان بمقرة وسط أجواء استثنائية وفرحة كبيرة ❤️‍🔥

من القلب، شكراً لعائلة جنان على حسن الاستقبال وكرم الضيافة 🙏❤️
ناس مقرة أثبتوا مرة أخرى أن الكرم والأصالة ماشي كلام… هذي تربية وأصل 👏🔥
ربي يحفظكم ويهنيكم ويفرحكم ديما 🤲

لكن… مازال ما حبّسناش! 😎🔥

🚐💨 من مقرة مباشرة إلى العلمة…
الطريق مازال طويل، والتحدي الجاي راهو يستنانا! 💪🔥

شنو راح يكون في العلمة؟
خلوها مفاجأة… 😏🔥

فريق شاف راشد راهو داخل على محطة جديدة، بطاقة أكبر، حماس أكبر، وإن شاء الله فرحة أكبر ❤️‍🔥

مقرة شكراً ❤️
والعلمة… حضّروا رواحكم 🔥🔥🔥

14/09/2026

🔥🔥 اليوم الرحلة تبدات… وفريق شاف راشد حطّ الرحال في ولاية المسيلة، وبالضبط في مقرة! 🔥🔥

وين يعيطولنا… نلبّيو النداء 💪
وين تكون الفرحة… تلقانا حاضرين 👨‍🍳🔥

خدمة رجال، بنّة تهبل، نظافة وإتقان… والباقي خليه علينا! 😎

مقرة اليوم عندها موعد مع شاف راشد والفريق 🔥
ربي يقدّرنا ونكونو قدّ الثقة، ونزيدو نفرحو عائلة جديدة ❤️

👀 واش رايكم؟ واش تتوقعو يكون في المائدة هاذ المرة؟
خلوها في التعليقات… والجديد نخليه مفاجأة 😉🔥

انتظرونا… الرحلة مازالت طويلة، والقادم أقوى! 💪🔥

11/09/2026

🌧️❄️ الشتاء شتاء… والمطر مطر… والخدمة عند شاف راشد ما توقفش! 🔥👨‍🍳

الحمد لله، في هاذي اللحظات أسدلنا الستار على عرس أخت حبيبنا يعقوب سعدون وناس عين لكبيرة من لاصال مامي، في جو شتوي ممطر، لكن العزيمة سخونة والخدمة حاضرة 💪🔥

🍽️ غداء: زيتون بالكفتة + مسفوف
🌙 عشاء: شربة طعام + سلاطة

تعب، برد، مطر… لكن كي تكون الخدمة أمانة، شاف راشد والفريق ما يعرفوش المستحيل. 👊

🚨 والرحلة مازال ما سالاتش!
من عين لكبيرة نتجهو مباشرة إلى سطيف – قاعة لافراح هيفاء، لتحضير وجبة عشاء عند لافامي بن صادق.

🔥 كل عرس تحدّي… وكل تحدّي نخليو فيه بصمتنا.
ربي يقدرنا ويعطينا القوة باش نبقاو ديما عند حسن ظن عائلاتنا ❤️

شاف راشد مريني… الخدمة هي الكلام، والنتيجة هي الرد. 👑🔥
انتظرونا… القادم مازال أقوى!

11/09/2026

الحمد لله 🤲🔥
عرس بن زرطيحة سامي راهو تسدّ بنجاح!
بعد تعب كبير وخدمة ما فيهاش اللعب، الحمد لله كنا قدّ التحدي وكمّلنا وليمة 1200 طرف 💪🔥

ربي يهني خويا العريس سامي ويعطيه حياة عامرة بالفرحة والهناء 🤲❤️

وكلمة حق لازم نقولوها: شكراً للافامي بن زرطيحة على حسن الاستقبال، الكرم والتواضع ❤️🙏 شرفتونا وثقتكم وسام على صدورنا.

🔥 واللي يعرف شاف راشد يعرف بلي الخدمة الكبيرة ما توقفناش!
ما لحقناش نطويو المئزر… شدّينا الطريق مباشرةً لعين لكبيرة، عند لافامي سعدون للمرة الثانية! 😎💪

1200 طرف خلصناها… والتحدي الجديد راهو بدا! 🔥
ربي يقدرنا، والفريق حاضر…
واللي جاي؟ خلوه علينا! 🔥🔥

10/09/2026

🔥🔥 الحمد لله… المهمة الأولى تمت بنجاح! 🔥🔥

500 شخص؟ ✅
عشاء كامل؟ ✅
والخدمة؟ حتى آخر طبق والحمد لله! 💪👨‍🍳

اليوم كان الموعد عند لافامي بن زرطيحة، خويا ياسين – أولاد براهم ❤️
وقدّمنا بحمد الله عشاء لـ 500 شخص، وكان المينيو عامر بالبنّة:

🥘 دوّارة
🥩 كبدة صوص
🍗 طاجين زيتون
🍯 طاجين لحلو
🌶️ حميس حار

والحمد لله اللي وفقنا وخلانا قدّ المسؤولية 🤲❤️

لكن… مازال ما ساليناش! 😎🔥
من بعد 500 شخص… نروحو مباشرةً لتحضير غداء لـ 1300 شخص! 😱🔥

1300 شخص… 1300 طبق… وتحدّي جديد! 💪🔥
هل نقدروا عليها؟
بإذن الله نقدروا… والهمة ما تهبطش! 🚀👨‍🍳

خليوكم معانا…
القادم أقوى، والمفاجآت مازال جاية! 🔥🔥🔥

🤲 ربي يقدرنا ونكونو ديما عند حسن ظنكم.

انتظرونا… 1300 شخص، وشف راشد داخل للتحدّي! 💥👨‍🍳