12/09/2026
الوالد تاعي عندو لاطونسيو واضطراب في نبضات القلب منذ مدة وهو يتعالج وعايش حمد الله.. الحادثة عندها حوالي شهرين كان يمشي وفقد التوازن وطاح على راسو عاود ناض وكمل يمشي عادي ومخبرناش رغم اسئلتي المتكررة يوميا نسقسيه اذا كشما طاح ولا كشما قاسه وهو ديما يقولي مشفيتش مطحتش مكان والو حتى جا نهار وبدا يعيطلي بأسماء اخرى ويهدر معايا بنفس الكلام معاود يوميا وبعدها وينسى كلش (زهايمر) و فجأةً عندها سمانة ماينوضش طريح الفراش مايهدر مايتحرك يشوفنا فقط بعينيه جرينا بيه للطبى فكل الاختصاصات قالولنا كلش تاعو مليح كما كان من قبل.. مهم بعدما درنالو IRM و لقينا المشكل عندو نزيف فالمخ وقالنا الطبيب طاح على راسو من اشهر والحمد الله الدم مامشالوش بزاف ولازم تجريو بيه للعملية.. وفهاذ اللحظات لي نكتب فيها راه في غرفة العمليات للجراحة فيها خير ان شاء الله.
دعواتكم بالشفاء العاجل لأبي 🙏
محكيتلكمش علاجال الدراما بغيت نوصلكم مساج بلي من هاذ لحكاية.. راهم كاين مثلا شيخ كبير طاح على رأسه ولا مرا او حتى الاطفال كاين لي مايهدروش ومايخبروش العائلة على اساس الامر عادي وبعدها يكملو حياتهم اليومية..ومع الوقت متفهموهمش وشبيهم وحتى وعلابالكم ولقيتوهم نورمال ماتستهزاوش زورو الطبى وديرولهم سكانار خير ما تطفر فيهم حتى يفوت الأوان ، امالا الدور تاعكم تعسوهم وتحرصوهم خاصة الاطفال وكبار السن لي عندهم لاطونسيو وكاش امراض وربي يجيب الخير.
