PIZZA DEL FORNO Bou-ismail

14/07/2026

12/07/2026

البوووم! 💥 الباك في الجيب والزغاريد راهي دايرة حالة🎉🎉

بكل فخر، وبقلوب تفيض بالفرحة والسرور، نرفعو الشابو للبطل تاعنا عبد الرحيم مشنتال اللي دارها وجاب شهادة البكالوريا ب معدل 18٫62✨ بتفوق يرفع الراس ...
يا عبد الرحيم، سهرت الليالي، تعبت مع الكتوبة، واليوم ربي سبحانو ما ضيعلكش تعبك وفرحت كامل الحومة ووالديك لعزاز .....
🍕 التميّز هذا لازملو ڤعدة زينة عند "دال فورنو"

ولأن الفرحة الكبيرة لازمها حطة تليق بـ "الشامبـيون"، البيتزيريا راهي تفتحلك أبوابها وتقولك: "الڤادومة والنجاح عليك، والعشاء البنين ڤاع علينا!"
بلاصتك راهي محجوزة في الصدارة ..🥳
راك معروض عندنا ، أرواح وفرحنا بحضورك ، كادو صغير من عندنا ليك تقديراً لنجاحك ....
ليكيب تاع دال فورنو راهي واجدة وتستنى فيك.. بصحتك الباك و عقبال لنجاحات كبار في الجامعة إن شاء الله 🎉

16/06/2026

ما دام المحل راه فاتح " الماء صدقة لوجه الله" طول العام
ـــــــــــــــــــــــــ
عن سعد بن عبادة رضي الله عنه قال: قُلتُ: يا رسولَ اللهِ، إنَّ أمِّي ماتَتْ، أفأتَصدَّقُ عنها؟ قال: نَعمْ، قُلتُ: فأيُّ الصَّدقةِ أفضَلُ؟ قال: سَقْيُ الماءِ.
(رواه النسائي، وحسنه الألباني) .....

ــــــــــ الماء أرخص موجود و أغلى مفقود ــــــــــ

14/06/2026

ألف مبروووك! الزغاريد راهي تلالي وفرحة كبييرة بزااف بكات العينين من الفرحة! 🥳🎉
اليوم قاع رانا فرحانين ، و نرفعوا الشابو لـ بنتنا الذكية والفحلة "عيساوي ندى"، لي دارت حالة و تربعت على عرش التميز وجابت أعلى معدل في شهادة التعليم المتوسط (BEM) بمعدل يطير العقل: 18.52! 🚀🎓
هذا الإنجاز العظيم ما جاش بالساهل ولا من فراغ، هذا ثمرة تاع سهر الليالي، والتعب، والتبكار، ودعاوي الخير تاع الوالدين لي وقفو معاها دقيقة بدقيقة وساندوها حتى لحقت لهاد القمة. ندى اليوم شرفتنا كامل، وبينت بلي الإرادة والعمل هما السلاح لي نطلعو بيه لالعالي!
🍽️ تكريم ملكي يستاهل هاد الإنجاز!
لأنو هاد الفوز مشي عادي، ولازم يتقابل بحاجة تليق بمقامها وقيمتها... محل "دال فورنو" (Del Forno) حب يشارك ندى وعائلتها هاد الفرحة الشابة على طريقتو الخاصة! 🍕🔥
الدعوة موجهة للبطلة ندى وعائلتها الكريمة:
طاولة فخمة وملكية راهي تستنا فيكم في "دال فورنو"! باش تتذوقوا أبن وأفخم المأكولات .....وسط جو كلو بهجة وتقدير. هاد العشاء مشي مجرد وجبة....هو تحية احترام وتقدير من عندنا لهاد النابغة ولي سهروا على نجاحها.
لـ ندى: واصلي التألق يا بنتي هادي برك الخطوة الأولى والمشوار مازال طويل ومعمر بالنجاحات..... ربي يقدرك☺️☺️☺️
لعائلة عيساوي: يعطيكم الصحة على التربية، والوقفية، والتضحية.. هاد التاج لي راهو فوق راس بنتكم اليوم هو أكبر هدية ليكم..🥳🥳🥳🥳🥳

30/05/2026

إن شاء الله جاز عليكم العيد بالصحة والستر والهنا بعد هاد العطلة الخفيفة يسعدنا بزاف نعلنو لزبائننا الكرام بلي رجعنا للخدمة وفتحنا الأبواب من جديد 🥰بإذن الله راكم كامل بخير وعيدكم مبروك..🥳🥳🥳✨
محل Del Forno يعلن ليكم بلي عطلة العيد خلاصت💥 ورانا رجعنا للعمل بصفة رسمية😉😉
الفرن راه شاعل....العجينة واجدة....والفرماج راه يستنى....
{خصت غير لمتكم الزينة وتشريفكم لينا أرواحو تنحو الغبينة }
و تبداو معانا سمانة جديدة ببنّة جديدة .....
🎉 المحل راه مفتوح إبتداء من اليوم.... أهلاً وسهلاً بيكم ....

23/05/2026

زبائننا الأفاضل، عائلة "دال فورنو" الأعزاء.... ✨
_______
حابين نعلمكم بلي المحل رايح يأخذ استراحة قصيرة بمناسبة العيد😉 هاد العطلة رايحة تسمح لطاقم العمل تاعنا باش يجوزو هاد المناسبة الدينية العظيمة مع عائلاتهم وذويهم، ويدو قسط من الراحة.......☺️
________
أبواب المحل رايحة تكون مغلقة طيلة أيام العيد ..... على أن نلتقي مجدداً ونستأنف العمل إن شاء الله بعد انقضاء عطلة العيد مباشرة وبشكل طبيعي...🥳🥳
_____________
صحا عيدكم، تجوزوه بالصحة والستر والراحة، ونستناو عودتكم بشوق كبير.. 🍕❤️

22/03/2026

🍕✨ بعد شهر رمضان المبارك… شهر الصفاء واللمة،
ترجع Pizzeria del forno تفتح أبوابها من جديد… لكن هاذ المرة بتجربة أرقى ومذاق ما يتنساش ✨🍕
❤️ هنا ماشي غير تاكل… هنا تعيش لحظة، إحساس، وذوق مختلف
كل حاجة مدروسة باش تكون التجربة كاملة… من أول نظرة حتى آخر لقمة.... 😉
📢 رجعنا باش نصنعولكم لحظات تذوق استثنائية،
وين كل زيارة تتحول لتجربة تستاهل تتعاود… وأكثر
💫 الجديد راهو يستناكم، والأجواء أدفى، والطعم أقوى
📍 مرحبا بيكم تنورونا… وتخلو del forno تكون وجهتكم المفضلة من جديد
🎉 صحا عيدكم… ومرحبا بكم في عالم الذوق الحقيقي😋😋
الإفتتاح يكون يوم الإثنين 23مارس 2026

17/02/2026

إلى زبائننا الكرام…
نُعلمكم أن محلّنا سيُغلق أبوابه 😌 لنعود إليكم بعد شهر رمضان المبارك بطاقةٍ أكبر، وعطاءٍ أجمل، وتجديدٍ يليق بثقتكم الغالية 😊
نعدكم بأن تكون عودتنا أقوى وأفضل بإذن 😉
شكرًا لدعمكم الدائم، ورمضانكم مبارك، أعاده الله علينا وعليكم بالخير واليُمن والبركات. ✨
☺️☺️☺️