Stevia - Healthy Cake

21/09/2026

🎒📚 دخول مدرسي موفق لأبنائنا الصغار!
🧑‍🏫🧑‍🎓نتمنى لأطفالنا عامًا حافلًا بالتعلم والتفوق، ولأوليائهم الصبر والمرافقة الجميلة. 🤍♥️

20/09/2026

كيف هي الاجواء مع الدخول المدرسي؟

20/09/2026

20/09/2026

امسية طيبة للجميع ♥️
مانيش نبان بزاف هاذ الايام مع ترتيبات المنزل والدخول المدرسي
ومع ذلك جبتلكم وصفة بزاف بنينة وصحية توالم وليدتنا
سواء لفطور الصباح او يدوها معاهم كلمجة نوضو يا الشاطرات
على بركة الله نبدأ الوصفة
1 بيض عرب مع 4 ملاعق سكر التمر الرطب
نمزج المكونات جيدا بعدها نضيف كاس زبدة حيوانية دايبة او زيت الزيتون او أي زيت صحي تحبوه نمزج جيدا
بعدها نضيف 3 ملاعق فرينة الذرة النوعية الممتازة
مع 2 ملاعق كاكاو نوعية ممتازة وملعقة صغيرة بيكاربونات وعصرة ليمون
نمزج المكونات جيدا ونزيد شوية فرينة كاملة حتى نتحصل على عجينة متماسكة بعدها نقطع شوكولاطة سوداء 70 % كاكاو قطع صغيرة وندخلها في العجين
نشكل كريات حجم 30 غ نحطهم في السنيوة ونبسطها غير بصبعنا شوية
السر في الطهي تاعو نحط السنيوة في الفرن التحت كامل ونشعل من فوق حتى يتشقق وياخد تحميرة وحد 5 دقاءق بعدها نطفي من فوق ونزيد نشعل من تحت ونرفد سنيوة لفوق مدة طهي 4 دقاءق
و شهية طيبة
جربو الوصفة ورجعولي بالخبر

17/09/2026

ليلة سعيدة للجميع ♥️

16/09/2026

اللهم اغفر له وارحمه، وعافه واعف عنه، وأكرم نزله، ووسع مدخله، واغسله بالماء والثلج والبرد، ونقِّه من الخطايا كما ينقى الثوب الأبيض من الدنس» (رواه مسلم).
وفاة إبن عمتي أن لله وإن اليه راجعون

16/09/2026

صباح الخيرات
نهاركم مبروك وزين

15/09/2026

سلام الله عليكم
على حسب تعليقات منشور البارحة حول خبز التوست الصحي
وراكم تحوسو على الوصفة راح نشاركها معاكم
3 كيسان فرينة القمح الكامل
فنجان مخلط بالزرارع ( بذور الكتان حبة حلاوة بسباس بذور يقطين جوز مقطع صغير جلجلان محمص تين مجفف )
ملعقة كبيرة عسل التمر المعصور على البارد قرصة ملح
للامانة انا درت ملعقة كبيرة خميرة الخبز لي عندو خميرة طبيعية احسن
2 ملاعق زيت الزيتون
نلم المكونات بالماء دافئ وبعدها نزيدلهل ملعقة كبيرة زبدة حيوانية وندخلها في العجين ونخليها ترتاح مدة 15 دقيقة
بعدها نحل العجين على شكل مستطيل ونروليه على شكل حربوش
ونحطو في مول ونبسطو ونخليه حتى يخمر ويضاعف حجمو
بعدها نذهنو بشوية حليب ونزيد نرش فوقو شوية زرارع
ندخلو الفرن سخون مسبقا كي يطيب من تحت نزيد نشعلو من فوق
خليه حتى يبرد باش تقطعيه
كملاحضة فقط كي يبرد لفيه papier film واحتفضي بيه في الثلاجة كي تحتاجي اجبدي قيس ما تكلي
وشهية طيبة

14/09/2026

سلام الله عليكم احبتي الصحيين ومتابعي صفحتي الكرام
بما أنو الدخول المدرسي على الابواب
جربت وصفة خبز 🍞 التوست الصحي وجا باسم الله ماشاء الله
لي تحب الوصفة تخليلي رايها في التعليقات