23/12/2018
No amoi soit's wia friahra sei,
no oamoi soo auf's Christkind gfreit.
Da Mama vor de Fiass rumsteh -
dahoam hoid sei ned aussegeh!
Mit'm Papa eifrig Kripperl baun,
ganz heimlich in de Schubladen schaun.
Und in der Speis recht gierig suacha,
noch siasse Platzal, braune Kuacha.
Auf d'Nocht vorm Schlaffa Gschichtn hern,
vo Hexn, Geister, Wolf und Bären.
Und na im draam im Märchenland-
mid Engerl danzen, Hand in Hand.
Ganz fest dro glaam - und ned liang:
As Christkind seng durch d'Stubn fliang!
Und's gar ned dawartn kemma,
Bis am Bam de Liachtl brenna!
De Gschenka findn und se gfrein -
no oamoi soll's wia friahra sein!
Mia wünschen eich a scheene besinnliche Weihnachtszeit!
Grillservice scheidegger
