06/01/2025
Hello this is Victor
抱歉這麼遲通知大家。
我們Pi明天就是最後一日營業啦。3年多的時間，話長唔長話短唔短。多謝大家一直的支持。唔知大家還記得我們店名其中的意義嗎？ 開始同結束都係同一點上。而我們開始了，最後在這個地點也要結束啦。希望在這3年多的時間裡，有做到大家的避風港。很高興在Pi這個點上遇到大家。
現在係時候為這個地方畫上完美的句號。
我們以後有機會再見，如果再開一定會通知大家。 現在短暫的休息，是為了未來更遠的路程。
———————————————-
Hello this is Francis，我地幾位忍痛決定，暫時放低Pi主理人身份，休息一陣子，回想起呢幾年，同拍檔Victor一齊捱過疫情、捱過吵鬧，但捱唔過現實嘅租金同身體問題。
我地係Pi互相見對方見客人多過家人，經歷咗3個4季春夏秋冬，甚少陪伴家人和休息，現在我需要好好照顧我的家人和年老的狗狗。
我地初心係打造一個屬於澳門人的咖啡社區，係城市中有一個地方可以喘氣和聚腳放鬆嘅地方，係Pi除咗見到自己人，總會見到好多浪浪等待一個家，我地想貓貓可以慰藉人嘅心靈，而過程又可以幫貓貓搵主子，人和動物的互相治癒，我哋都會變得善良和正能量，3年了，Pi團隊至少救了50隻浪浪，幫佢地找了40多個家，好多啡友一齊幫忙照顧貓貓，互相學習照顧寵物，以上嘅初心係你地同Pi一齊去完成。
好多謝係Pi遇見每一位啡友，認識好多朋友，好多謝你地一直支持，我們有緣再見。期待未來以其他身份相遇。
