OpenLine BOOKS

Anrufen Wegbeschreibung Website

OpenLine BOOKS PODCAST

07/11/2026

DY PLEQËT DHE MIZA

Vjeshta po i afrohej fundit dhe, nga gjithë ato miza që mbushnin fshatin gjatë verës, njëra u kishte mbijetuar të gjitha «stuhive». Ishte nga ato mizat kryeneçe që i ngjiten kalit në bythë, pikërisht nën bisht, ku s’i bën punë as bishti.

Të dy përpiqeshin ta vrisnin, por gjithmonë dështonin. Plaka e qortonte të shoqin se nuk ishte i zoti të vriste as një mizë. Ai ia kthente njësoj kur dështonte ajo. Edhe më parë ziheshin për vogëlsira. Tani kishin edhe mizën. Ndërsa ata grindeshin, ajo shijonte lirinë.
Një pasdite, plaku mbështolli gazetën dhe iu afrua së shoqes.

— Mos lëviz. E ke në kokë.

— Mos më bjer fort.

Pa e ngritur mirë gazetën, miza iku.

— Pse s’i re?!

— S’më la kohë.

— Derisa mendohesh ti, ajo bëhet gjyshe.

Pak më vonë, miza iu ul plakut në ballë. Plaka rrëmbeu pecetën e lagur.

— Tani mos lëviz ti.

Goditja e zuri përmes fytyrës.

— Ma nxore syrin!

— Prit të shoh ku ra.

Miza ecte në buzë të filxhanit.

Të nesërmen, plaka vuri pak mjaltë në një pjatë. U ulën përballë dhe pritën.

— S’e do mjaltin tënd, tha plaku.

— Ti e bleve.

— Për mua, jo për të.

Më në fund, miza u ul në pjatë. Të dy goditën njëherësh. Pjata u përmbys dhe mjalti iu derdh plakut në prehër.

— E vrave?

Ngritën gazetën. Pastaj dorën. Asgjë.

Kur plaku u ngrit, miza iu ul në gjurin e lyer me mjaltë.

— Ja ku është!

— Mos!

Por plaka e kishte ngritur tashmë dorën.

Atë mbrëmje, ai fërkonte gjurin, ndërsa ajo ndiqte mizën me sy. Kur u ul mbi fotografinë e dasmës, plaku zgjati dorën për gazetën.

— Lëre, tha plaka. Sapo e pastrova xhamin.

Një ditë, plaka e gjeti mizën të mbytur në gotën gjysmë të mbushur me qumësht. Mezi priti t’ia tregonte plakut. Ai u përkul mbi gotë.

— U mbyt, ë?

Në shtëpi ra një qetësi e padurueshme. Gazeta mbeti e palosur mbi tavolinë. Herë pas here, ndonjëri kthente kokën nga dritarja.

Tani prisnin verën. Veç nuk e dinin nëse do ta mbërrinin edhe një herë sezonin e mizave.

06/11/2026

Këtu askush nuk ngutet, por të gjithë mbërrijnë në kohë. Atje (demek te ne) të gjithë nguten, por asnjëri nuk mbërrin në kohë!

06/11/2026

Është vështirë t’ua ndryshosh mendjen atyre që kanë vendosur të të keqkuptojnë.

XHABIR AHMETI: NJË JETË NË SHËRBIM TË LETËRSISËNë revistën OpenLine sjellim një përmbledhje të shkrimit të «Luaj derën»,...
30/10/2026

XHABIR AHMETI: NJË JETË NË SHËRBIM TË LETËRSISË

Në revistën OpenLine sjellim një përmbledhje të shkrimit të «Luaj derën», kushtuar Xhabir Ahmetit me rastin e ditëlindjes së tij, me lidhjen drejt materialit origjinal.

«Luaj derën» i kushton një shkrim Xhabir Ahmetit me rastin e ditëlindjes, duke veçuar kontributin e tij në letërsi, dramaturgji dhe përkthim.

14/10/2026

LIRIA QË ROBËRON
Miniese për pensionistët

Dhe vjen një moment në jetë kur nuk di çfarë të bësh me lirinë. Je i lirë nga puna, nga detyrimet që të kanë vjedhur pjesën më të madhe të jetës. Je i lirë të shkosh ku të duash, të bësh çfarë të duash, por çuditërisht nuk ndien më nevojë për shumë gjëra.

Për vite të tëra ke ëndërruar ditën kur nuk do t’i japësh më llogari askujt për kohën tënde. Dhe kur ajo ditë vjen, kupton se detyrimet nuk të kanë marrë vetëm kohën, por të kanë mësuar edhe si ta jetosh atë.
Sepse njeriu mësohet të luftojë për lirinë, por jo gjithmonë mëson të jetojë me të.

Dhe kështu, nëse nuk je mësuar të jesh i lirë, një ditë edhe liria e tepërt mund të të robërojë.

Danke an Canal9 und Nicolas Imwinkelried für das Gespräch über meinen Roman „Ich, Mario“.Im Beitrag spreche ich darüber,...
09/07/2026

Danke an Canal9 und Nicolas Imwinkelried für das Gespräch über meinen Roman „Ich, Mario“.

Im Beitrag spreche ich darüber, warum dieses Buch kein autobiografischer Bericht ist, sondern ein Roman über Herkunft, Migration, Namen, Identität und die Frage, wie man sich selbst treu bleibt, wenn das Leben einen immer wieder neu einordnet.

Wer Lust hat, kann das Gespräch hier anschauen:

[vod version='2' width='1920' height='1080' player='5105' stretch='0' autoplay='0' loop='0']1jijk03um28z4[/vod] Im Roma in Naters spricht Muhamet Ajeti über seinen ersten Roman. Darin verarbeitet er Erlebnisse aus seinem Leben und die Figur Mario.

Adresse

Belalpstrasse 5
Naters
3904

Öffnungszeiten

Dienstag 08:00 - 00:00
Mittwoch 08:00 - 00:00
Donnerstag 08:00 - 00:00
Freitag 08:00 - 01:00
Samstag 08:00 - 01:00
Sonntag 09:00 - 15:00

Telefon

+41791711003

Website

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn OpenLine BOOKS etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.

Verknüpfungen

Teilen

Restaurants in der Nähe

Andere Restaurants in Naters

Alles Anzeigen