04/08/2025
٧ ألعاب نقدر نلعبهم مع ولادنا مش هايكلفونا اى حاجه
١) لعبة الأسئلة ( مكان نفسك تروحه / حاجه نفسك تشتريها / عادة عايز تبطلها / صديق بقالك كتير ما كلمتوش ) وكل سؤال ممكن يفتح جنبه نقاشات حول السؤال ده
٢) لعبة الطلبات ( كل واحد يطلب من التاني طلب يتمني انه يحققه زى مثلا نفسي أخرج مع صحابي / نفسي اروح الجيم .... ونشوف مدى إمكانية تنفيذ الطلبات دى )
٣) لعبة حاضر ( هاقولك حاجه وانت تقول عليها حاضر اي كان الحاجه دى 🤣🤣 ) ماعدا الممنوعات زى التليفون أو الحلويات تفضل بقوانين البيت
٤) لعبة مميزاتي ( كل واحد يقول مميزات الآخر ايه الحاجات اللي هو مميز فيها زى الطيبه / الايثار / الانجاز / التنظيم ) من غير ما نقول العيوب من وجهة نظرنا دى لعبة المميزات بس
٥) لعبة الفانوس السحرى ( معاك فانوس هاتطلب ٣ طلبات ويتحققوا اطلب يا بطل )
٦ ) ماذا يحدث لو ونقول حاجات شبهه ماذا يحدث لو سافرنا بلد تانيه ؟
بابا اشتغل شغل تاني ؟
ماما اشتغلت شغل تاني وهكذا
٧) بتعرفني طيب جاوب ( كل واحد يسأل التاني أسئلة عنه زى تعرف اكتر لون بحبه ايه ؟ التاني يقول مثلا احمر ف تقوله صح او غلط حسب الاجابه أسئلة من النوعية دى ونشوف بنعرف بعض اد ايه
شروط اللعب
مافيش تليفون مع حد الام والاب والأطفال
احترام الاجابات كلها
عدم التقليل او الهزار المحرج لحاد
يلا نبدأ اللعبه
يلا نبدأ البهجه
