NewTone Park

19/06/2024

Այս տարվա առաջին Գիտարբուքը Նյուտոնում 🤩

Գրանցվե’ք նախապես, քանի որ տեղերը սահմանափակ են:

#Գիտարբուք՝ «Հանրային տարածքների տնտեսական, մշակութային, քաղաքական ներուժը՝ ճգնաժամերին դիմակայելու համատեքստում» թեմայով

16/04/2024

Մեզ հյուր էր եկել հայտնի Armenia foodblog-ն՝ ի դեմս Աբրահամի ❤️

12/04/2024

Բա իմացա՞ք... Նյուտոնը բացվեց 🥳

Սա նշանակում է, որ արդեն կարող եք գալ մեզ մոտ` Աջափնյակ վարչական շրջանում գտնվող Բուենոս Այրեսի այգի` շուրջ 4 հեկտար մակերեսով կանաչապատ զբոսայգում և դրանում գտնվող 6000 ք/մ մակերեսով ջրային ավազանի մոտակայքում մեկ գավաթ գինու շուրջ վայելելու ձեր հանգիստը 🔥

Իսկ ի՞նչ է անհրաժեշտ այս գայթակղիչ «նախագիծը» կյանքի կոչելու համար 😋

Շատ բան չէ... պարզապես անհրաժեշտ է ոտքով կամ նոր MAN ավտոբուսներով հասնել Հալաբյան և Մարգարյան փողոցների (Ֆիզիկայի) խաչմերուկ` Հալաբյան 65/4 հասցեում գտնվող NewTone Park սրճարան ✅

Ի դեպ, սրճարանը զերծ է նաև մեքենաների աղմուկից, քանի որ երթևեկելի գոտու ու սրճարանի միջև բավականին լայն մայթ և կանաչապատ հատված կա ))

Դե ինչ, սիրով սպասում ենք բոլորիդ ❤️

#Սրճարան #Աջափնյակ #Նյուտոն #Երևան

31/08/2023

Գիտարբուքն այս պահին

29/08/2023

Մեզ համար բացառիկ պատիվ է արտահերթ #Գիտարբուք-ի շրջանակներում ՝ այս հինգշաբթի՝, հյուրընկալել հայերենագետ, բանասիրական գիտությունների թեկնածու, Լեյդենի համալսարան PhD Հրաչ Մարտիրոսյանին:

Մեր սիրելի պրն. Մարտիրոսյանը կխոսի հետևյալ թեմաներից.

- հայոց լեզվի ծագումը․ որտեղի՞ց է գալիս մեր լեզուն,

- լեզվի պատմական զարգացումը․ ի՞նչ լեզուների հետ է առնչվել հայերենը,

- արդի հայերենի խնդիրներն ու մարտահրավերները։

Գրանցվեք նախապես, քանի որ տեղերը շատ սահմանափակ են:

#Գիտարբուք՝ «Մեր հարափոխ ու հավերժական Մայրենին» թեմայով

09/08/2023

Այն մասին, թե ինչպես պատահական «հայտնագործվեց» թեյի փաթեթը 😀

Պատմում են, որ թեյի վաճառքի այս տարբերակի արմատները գնում են դեպի հեռավոր 1904 թվական՝ ԱՄՆ, երբ վաճառական Թոմաս Սալիվանը որոշեց հաճախորդներին թեյն ուղարկել ոչ թե ավանդական թիթեղյա անոթներով, այլ մետաքսե փոքրիկ պարկերով...

Բայց Սալիվանը միտք չուներ առաջարկել թեյի թրմման նոր տարբերակ, այլ ուղղակի գտել էր, որ այսպես՝ պարկերով ուղարկելը կլինի ավելի ձեռնտու ))

Արդյունքում, հաճախորդների մի մասը (որոնց թվում նաև Նյու Յորքի ճաշարաննների տերերը), հավանաբար, կարծել են որ կարիք չկա պարկը բացելու ու թեյը ջրի մեջ լցնելու, և անհրաժեշտ է թեյը թրմել անմիջապես պարկերի մեջ...

Ի վերջո, թրմման այս տարբերակը աչքի ընկավ իր հարմարավետությամբ և բավականին արագ մեծ տարածում գտավ 🙃

Որպես օրինակ նշենք, որ արդեն 1929 թվականին ինժեներ Ադոլֆ Ռամբոլդը ստեղծեց մի մեքենա, որն ունակ էր րոպեում արտադրել մինչև 80 փաթեթ 😮

Ժամանակի ընթացքում այս տարբերակն էլ ավելի տարածվեց ու կատարելագործվեց և այժմ թեյի փաթեթները թեյի ընդհանուր շուկայում մեծ մասնաբաժին ունեն ))

Ահա այսպիսի անսպասելի ու հետաքրքիր (ենթադրյալ) պատմություն՝ մարդկության ամենասիրելի ըմպելիքներից մեկի՝ թեյի աշխարհից 😋

#Նյուտոն #Թեյ #Սրճարան

04/08/2023

«6 րոպեանոց երգը չի՛ կարող հիթ դառնալ». փոքրիկ պատմություն՝ Queen-ի «Bohemian Rapsody» երգի հիթ դառնալու մասին 😋

Ինչպես հասկացաք չակերտներից, ամենավերևում գրված միտքը մեր պնդումը չէ... նման կարծիքի էին ժամանակին «երաժշտական վերնախավի» ներկայացուցիչները, երբ արդեն ժամանակն էր Queen-ի այդ խելահեղ ստեղծագործությունը թողարկել սինգլի տեսքով ու հնչեցնել ռադիոյով... բայց ամեն ինչի մասին հերթով ))

«Բոհեմյան Ռափսոդիան» 2018-ին ճանաչվել է 20-րդ դարի երգերից ամենաշատ նվագարկվածը (ավելի քան 1,6 միլիարդ անգամ) և 70-ականների երգերից միակն այդ պահի դրությամբ, որի դիտումների քանակը Youtube-ում հատել է 1 միլիարդի շեմը, իսկ հենց թողարկվելու տարում՝ 1975 թվականին, երգի կրկնօրինակի ավելի քան մեկ միլիոն օրինակ է վաճառվել 🔥

Այս ստեղծագործության վերաբերյալ բազմաթիվ են տպավորիչ փաստերն ու վիճակագրությունները, բայց մեր այսօրվա նյութը մի փոքր այլ բանի մասին է...

Ուրեմն, երգի ձայնագրումից հետո պարզվում է, որ դրա ամբողջական տարբերակն ունի շուրջ 6 րոպե երկարություն (5 րոպե 55 վայրկյան), իսկ այն «շատ երկար է ռադիոյով հնչելու համար ու այն երբեք հիթ չի կարող դառնալ» (չէ, սա էլի մենք չենք ասում, այսպես էին ասում քննադատներն ու «երաժշտական վերնախավը» 😀)... Բայց պարզվեց, որ Queen-ը, որոշ անհատներ ու մարդկությունը մի քիչ այլ ծրագրեր ունի այս երգի մասով ))

Երգը սինգլի (այսինքն, երբ ձայներիզի մի կողմում ընդամենը մի երգ է) տեսքով կարող էր այդպես էլ չթողարկվել ու գուցե նաև հիթ չդառնալ, եթե չլիներ այս հետաքրքիր դեպքը, որի մասին պատմել է խմբի պրոդյուսեր Ռոյ Թոմաս Բեյքերը...

Այսպես, ուրեմն, քննադատությունների ֆոնին խմբում որոշում են երգի ձայնագրությունը հանձնել Capital FM-ի դիջեյ Քեննի Էվերեթին, ով սկզբում երգից միայն կարճ հատվածներ է հնչեցնում (լսողների նյարդերի հետ է խաղում 😁), իսկ արդեն հանգստյան օրերին հնչեցնում է այն ամբողջական տարբերակով 14 անգամ, որից հետո արդեն դիջեյ Պոլ Դրյուն է երգը հնչեցնում իր շոուում, որին էլ արդեն հաջորդում է իրար հերթ չտվող երկրպագուների պահանջը՝ թողարկել երգը սինգլի տեսքով... Բնականաբար, դեպքից հետո երգի թողարկումն իրեն երկար սպասեցնել չտվեց 🤩

Հ.Գ. Ահա, հենց այսպես են երբեմն-երբեմն մարդու ստեղծած տարբեր գլուխգործոցներ՝ գիտությունից մինչև արվեստ, տալիս ճեղքում ընդունված պատկերացումներն ու ապահովում զարգացում իրենց, ոլորտի ու ընդհանուրի համար 😉

#Նյուտոն #Արվեստ

01/08/2023

Օօօ... գիտեի՞ք, թե ինչ դրական ազդեցություններ կարող է ունենալ գինին օրգանիզմի վրա 🤩🍷

Ո՞չ... դե տեսեք 👇

✅ Սիրտ-անոթային հիվանդությունների առաջացման ռիսկի նվազում

Հետազոտությունների համաձայն, գինու (հստկապես` կարմիր) օգտագործումը կարող է նվազեցնել սրտային հիվանդությունների առաջացման ռիսկը` շնորհիվ դրանում առկա հակաօքսիդանտների:

✅ Հակաօքսիդանտ հատկություններ

Ինչպես արդեն հասկացաք, գինին պարունակում է հակաօքսիդանտներ, որոնք, օրինակ` օգնում են օրգանիզմին նվազեցնել դրանում առկա ազատ ռադիկալները, ինչը դրականորեն է ազդում մարդկային առողջության վրա:

✅ Հակաբորբոքային հատկություններ

Որոշ ուսումնասիրություններ ցույց են տալիս, որ գինում առկա մասնիկները ունեն նաև հակաբորբոքային հատկություններ:

✅ Ոսկրերի ամրություն

Գինու օգտագործումը կարող է ամրացնել ոսկրերը և նվազեցնել օստեոպորոզի (ոսկրերի թուլացում) առաջացման հավանականությունը ծերերի մոտ:

✅ Կոգնիտիվ (ճանաչողական) գործառույթների բարելավում

Գինու բաղադրիչների մի մասը (օրինակ` ռեսվերատրոլը) կարող են «ամրացնել» ուղեղի բջիջները և բարելավել մարդու ճանաչողական գործառույթները:

Այսպիսի բաներ ))

Ասենք նաև, որ խոսքը գինու չափավոր օգտագործման մասին է, իսկ դրա չարաշահումը կարող է հանգեցնել ոչ ցանկալի հետևանքների 😬

#Նյուտոն #Սրճարան #Երևան #Գինի

24/07/2023

Քիչ առաջ մեկնարկեց Գիտարբուքներից հերթականը 😎🚀

Այսօրվա մեր հյուրը տնտեսական գիտությունների թեկնածու, «Ամերիա» ՓԲԸ կառավարման խորհրդատվական ծառայության տնօրեն Տիգրան Ջրբաշյանն է, ով բանախոսում է «Գիտական հետազոտություններ. դեպի առավել արդյունավետ համակարգ» թեմայով 🔥

Ինչպես արդեն հասկացաք, բանախոսության թեման գիտական հետազոտություններն են, իսկ եթե ավելի «բաց» խոսենք, ապա շոշափվում են դրանցում Հայաստանի և հայերի ներուժի, գիտական հետազոտությունների կազմակերպման նոր մոդելի և կրթական համակարգի արդիականացման անհրաժեշտության վերաբերյալ թեմաներ 🎤

#Նյուտոն #Սրճարան #Գիտարբուք