19/10/2023
Բարև ձեզ, մենք ԼուՄա-ի հիմնադիրներն ենք՝ Մարգարիտն ու Լուսինեն։ Մենք մտերիմ ընկերուհիներ ենք, տարիներ շարունակ միասին հաղթահարել ենք բազում դժվարություններ, խոչընդոտներ, սակայն հավատարիմ ենք մնացել ընկերության գաղափարին։ Տարիներ առաջ որոշեցինք միասին որևէ գործունեություն սկսել, որը ոչ միայն կամրացնի մեր ընկերությունը, նաև կլինի նպատակային։ Մեր երազանք էր ունենալ սրճարան, որը ամեն առումով տարբերվող կլինի։ Հաշվի առնելով մեր հայրենիքում պատերազմից հետո ի հայտ եկած դժվարությունները, մեր շրջապատի մարդկանց համար դրական որևէ քայլ անելու տենչանքը, ինչպես նաև բազում այլ մշակութային և սոցիալական խնդիրներ՝ մենք որոշեցինք, որ սրճարանը իր ֆորմատով պետք է կարծրատիպեր կոտրի, լինի վայր, որը, անկախ սահմանափակ կարողություններից, կդառնա ինքնաարտահայտման, զվարճանքի, գիտելիքի ձեռքբերման մի յուրովի կենտրոն։
Այսպիսով մենք սկսում ենք մեր գործունեությունը, այն բավականին դժվար է լինելու, սկսում ենք ամեն ինչ զրոյից, սակայն վստահ ենք, որ այդ բարդ ուղին պատվով հաղթահարելու ենք և փոքր քայլերով անելու ենք մեծ փոփոխություններ։💜
