19/04/2021
Ամեն ինչ սկսվեց 2013 թվականին…
Ավելի ճիշտ՝ հունվարի 20 - ին, երբ Famille Group-ի համահիմնադիրները պարզեցին, որ նրանցից յուրաքանչյուրի մտքով անցել է սրճարան ունենալու գաղափարը։
Այդ տարիներին Երևանի սրճարանները կարելի էր մատների վրա հաշվել և մեծ բազմազանություն չկար։
Սկսվում են քննարկումները լոկացիայի և կոնցեպտի վերաբերյալ։ Ի՞նչն է մարդկանց ստիպում սրճարան այցելել, և ի՞նչը՝ այդ սրճարան վերադառնալ։ Պատասխանն է՝ հարմարավետությունն ու անհոգության զգացումը։ Հենց այդ հիմնասյուների վրա կառուցեցին սրճարանի գաղափախոսությունը։
Գործին մեծ հոգատարությամբ մոտեցան. Արամը, Անին, Ալբերը և Ելենան ամեն բան որոշեցին պատրաստել իրենց ձեռքերով, սկսված սրճարանի ձևավորումից՝ մինչև կահավորում։ Նույնիսկ աթոռները եղել են Անիի և Ալբերտի տատիկի տան աթոռները, որոնք պրովանս ոճի մեջ հմտորեն ռեստավրացիա անելուց հետո ոչնչով չեն զիջում ֆրանսիական սրճարաններում գտնվող կահույքին։ Անձնակազմը հյուրերին պետք է վերաբերվեր ջերմորեն, ասես՝ իրենց սեփական տուն եկած հյուրերին։
Կոնցեպտը, մոտեցում ու լոկացիան կան՝ բա անու՞նը։ Երկար քննարկումներից հետո Ալբերտի մտքին գալիս է «Մալօկկօ» բառը, որը ոչ մի տեղից վերցված չէ, այլ ամբողջովին Ալբերտի երևակայության արդյունքն է։ Այս անունը միանգամից սիրվում է բոլորի կողմից և որոշվում է, որ քաղաքի ամենաջերմ սրճարանը կանվանվի «Մալօկկօ»։
Համեղ մենյու կազմելը վստահվում է Անիին, բրենդինգն Արամն իր վրա է վերցնում, իսկ Ալբերտն ու Ելենան զբաղվում են ինտերիերի ձևավորմամբ։
Երբ ամեն ինչ պատրաստ էր, որոշվեց սրճարանը բացել Մարտի 8-ին...
