27/05/2026
Արդեն 10 տարի... Ասելն է հեշտ։ Թվում է՝ մի ամբողջ կյանք է, մի մե՜ծ պատմություն, բայց մեզ համար այն մեկ ակնթարթ էր։
Այս տարիների ընթացքում Հատիս այգի-ռեստորանի պատերից ներս այնքա՜ն բաներ ենք կիսել ձեզ հետ... Լսել ենք հուզմունքով ասված առաջին կենացներ, ուրախացել ենք, երբ նոր ընտանիքներ են կազմվել, նշել ենք ձեր ու ձեր բալիկների ծնունդները, ամենասպասված հոբելյաններն ու կյանքի կարևորագույն պահերը։ Մենք տեսել ենք ձեր ամենաանկեղծ ժպիտները, ուրախության արցունքներն ու այն իսկական, պարզ երջանկությունը, որը ստեղծվում է միայն այն ժամանակ, երբ հարազատ ու սիրելի մարդիկ հավաքվում են մեկ սեղանի շուրջ։
Ու գիտե՞ք... այս ամենը պարզապես հնարավոր չէր լինի առանց ձեզ։ Առանց ձեզ՝ մեր սիրելի՛ հյուրեր, որ արդեն 10 տարի շարունակ ձեր կյանքի ամենաթանկ ու նվիրական պահերը հենց մեզ եք վստահում։
Անչափ շնորհակալ ենք, որ այս երկար ու գեղեցիկ ճանապարհը մեզ հետ եք անցնում։ Մեզ համար իսկապես մեծագույն երջանկություն է լինել ձեր ամենաջերմ հիշողությունների մի մասնիկը։
Ու դեռ այնքա՜ն նոր, լուսավոր ու սիրուն պատմություններ ենք ստեղծելու միասին...
#հատիսռեստորան
