18/04/2025
‼️APEL I HAPUR DREJTËSIE: VRASJA BARBARE E QENIT NË VLORE NUK MUND TË KALOJË PA NDËSHKIM‼️
Më 16 prill 2025, në fshatin Llakatund të Vlorës, një burrë u filmua duke goditur brutalisht një qen të shtrirë në rrugë me një shkop druri, deri në vdekje. Pamjet tregojnë qartësisht se kafsha nuk përbënte asnjë kërcënim – ajo ishte e pafajshme, e qetë, dhe e pambrojtur. Por ai vazhdoi ta godiste edhe pasi ajo kishte pushuar së marrë frymë. Vrasje e ftohtë. E qëllimshme. E dokumentuar. Dhe ende pa pasoja.
⚠️ Kjo nuk është një ngjarje e izoluar. Është një tjetër kapitull i zi në një seri mizorie sistematike ndaj kafshëve endacake në Shqipëri. Dhe është një dështim i hapur i institucioneve për të vepruar.
‼️Kujtojmë: Kodi Penal i Republikës së Shqipërisë, Neni 207/b dhe c parashikon qartë:
⬇️Neni 207/b
Vrasja me dashje e kafshës së shoqërimit
(Shtuar me ligjin nr. 44/2019, datë 18.7.2019)
Vrasja me dashje e kafshës së shoqërimit dënohet me gjobë ose me burgim deri në gjashtë muaj.
⬇️Neni 207/c
Keqtrajtimi i kafshës
(Shtuar me ligjin nr. 44/2019, datë 18.7.2019)
Keqtrajtimi ose torturimi i një kafshe, duke i shkaktuar dëmtime të përhershme shëndetësore, dënohet me
gjobë ose me burgim deri në tre muaj.
Kur vepra ka sjellë si pasojë vdekjen e kafshës, dënohet me burgim deri në gjashtë muaj.
‼️Nëse vepra kryhet publikisht apo në mënyrë të përsëritur, dënimi rritet dhe autori mund të përballet me burgim deri në tre vjet.
Nëse nga kjo sjellje shkaktohet ndikim negativ te publiku, veçanërisht te fëmijët, atëherë ndëshkimi duhet të jetë edhe më i ashpër, në përputhje me rrethanat rënduese.
Këto nuk janë fjalë në letër. Janë detyrime ligjore që institucionet kanë për detyrë t’i zbatojnë.
‼️KËRKOJMË ME NGULM‼️
🔺️Identifikimin dhe arrestimin e menjëhershëm të autorit të aktit barbar të Llakatundit.
🔺️Fillimin e procedurave penale bazuar në Nenin 207/b dhe c të Kodit Penal, pa vonesa dhe pa justifikime.
🔺️Angazhim institucional për ndjekjen penale të çdo rasti të ngjashëm në të gjithë territorin e Shqipërisë.
🔺️Transparencë publike mbi hapat që po ndërmerren dhe mbrojtje për raportuesit dhe aktivistët që dokumentojnë këto raste.
Drejtësia nuk duhet të jetë selektive. Dhuna ndaj kafshëve është krim. Mosndëshkimi i saj është bashkëpunim në krim.
Nëse ky rast mbetet pa drejtësi, atëherë nuk jemi më një shoqëri – jemi një heshtje kolektive përballë mizorisë.
Vepro bëj normalitet dhunëne bëj normalitet dhunën.
