What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

ANNABeleef

Kom beleef ANNA! ANNA is 'n unieke koffiewinkel.

WENNER 2024
Kaapse Wynland Distriksmunisipaliteit:
Fenominale Vroue Entrepreneur

WENNER 2024 en 2025
AfriForum Sakenetwerk Tinteltong-toekenning

Semi-Finalis 2024
AfriForum Sakenetwerk Entrepreneur

08/09/2026

🍝 ONS GEWILDE PASTAMAAK-KLAS IS TERUG! 🍝

Na die lekkerte van ons vorige klasse kon ons eenvoudig nie die skoolvakansie laat verbygaan sonder nóg ’n Klein Sjef Pastamaak-klas by ANNABeleef nie. 🤍

Hier gaan dit oor hande in die meel, deeg knie en rol, iets nuuts leer, lekker lag en die trots om aan die einde te kan sê:

“Ek het dit self gemaak!” 🍝

Tannie Juanita wys stap vir stap hoe om vars pasta van nuuts af te maak — en daarna gaan die beste deel gebeur: die kinders gaan sit saam aan tafel en geniet die pasta wat hulle sélf gemaak het! 😋

📅 Donderdag, 1 Oktober 2026
⏰ 10:30–12:00
👧🧒 5–13 jaar
💚 R200 per kind
📍 ANNABeleef | die Ou Tronk, Worcester
📞 Besprekings: 071 610 3232

Ons hou die groepie klein sodat elke kind lekker kan deelneem, daarom is plekke beperk.

En as die vorige pastaklasse vir ons enigiets geleer het….trek maar klere aan wat ’n bietjie meel kan hanteer. 😄🤍

Klein hande. Groot pret. Vars pasta. En herinneringe wat lank ná die meel afgewas is, bly. 🍝🌿

07/09/2026

Daar is ’n plekkie onder die bome…🌿

Daar staan ’n tafel onder ’n ou boom.

Hy vra nie hoekom jy gekom het nie.
Net dat jy ’n rukkie bly.

Hier hoef ’n mens nie altyd ’n spesiale geleentheid te hê nie.

Soms is ’n koppie koffie genoeg.
’n Gesprek wat langer raak as wat jy beplan het.
Iets uit die kombuis wat ruik na huis.
Die son wat deur die takke val.
En ou mure wat stilweg stories dra van lank voor ons hier was.

Hier word tafels gedek vir mense wat saamkom.
Hier word stoele nader getrek.
Hier word gelag, gekuier en soms sommer net stilgesit.

Want dalk is dit wat beleef eintlik beteken — om nie elke oomblik verby te jaag nie,
maar vir ’n rukkie te bly.

Om koffie stadig te drink.
Om mekaar raak te sien.

En om te onthou dat die gewone oomblikke
dikwels dié is wat later die mooiste herinneringe word.

Daar is ’n plekkie onder die bome.

Kom sit gerus. 🤍

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

04/09/2026

Partykeer het ’n mens nie ’n nuwe plan nodig nie—net ’n vars manier van d**k. 🌿

Ek het vanoggend die Vrouenetwerk se geleentheid, “Sy d**k soos lente”, by Chocolat Bistro in Durbanville bygewoon.

’n Besonderse oggend saam met vroue wat droom, bou, probeer, struikel en weer opstaan. Dr. Lizán Maree het ons uitgedaag om met nuwe oë na onsself, ons mense en ons besighede te kyk.

Ek het vandag weer besef: groei begin nie altyd met ’n groot verandering nie. Soms begin dit bloot met een nuwe gedagte.

Dankie, Vrouenetwerk, vir ’n oggend wat my iets gegee het om saam huis toe te neem. 🌱

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

01/09/2026

Ekself sou ANNA nie beter kon beskryf nie. 🤍

Soms wonder ’n mens of ander mense raaksien wat jy probeer skep — die klein detail, die kos, die atmosfeer, die hart agter alles.

En dan lees jy woorde soos hierdie.

Dankie, Timothy. Jy het nie net ’n resensie geskryf nie. Jy het ANNABeleef raakgesien.
En daarvoor is ek opreg dankbaar. 🌿

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

30/08/2026

Nou ja…..die waarheid moes seker een of ander tyd uitkom. 😏✈️

Ja. Dit was ons.

Iemand het ANNABeleef Koffie bestel en ons neem aflewering baie ernstig op. ☕😂

Jammer oor al die konsternasie, Kaapstad.

Groete uit Worcester. 😉

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

18/08/2026

40 jaar. ☕

Vandag het ’n baie besondere stukkie van my verlede by ANNA kom sit.

Ons was skoolvriendinne. Twee jong meisies wat in 1986 nog geen idee gehad het waarheen die lewe ons sou neem nie. Ons het saam grootgeword, gelag, gedroom en elkeen uiteindelik ons eie pad gestap.

En vandag, 40 jaar later, sit ons weer langs mekaar.

Net hierdie keer nie op ’n skoolbank of onder die bome van ons skooldae nie, maar hier by ANNA. 🤍

Daar het in 40 jaar baie verander. Ons het ouer geword. Die lewe het met elkeen van ons sy eie draaie geloop. Daar was mooi tye en moeilike tye, nuwe hoofstukke en ou herinneringe.

Maar sommige mense bly deel van jou storie, maak nie saak hoeveel jare verbygaan nie.

Vandag het ek weer besef waarom die woord Beleef vir my soveel beteken.

Want uiteindelik is dit nie die jare wat ons onthou nie.

Dis die mense. Die oomblikke. Die saamwees.

40 jaar se vriendskap. En vandag nog ’n herinnering by ANNA gemaak. ☕

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

06/08/2026

Tussendeur ANNA se kliënte bedien was daar vandag lekker gebak en gebrou.....☕💛

✔️ Karringmelkbeskuit gebak
✔️ Vinnige bruinpoeding uit die oond
✔️ Suurlemoenstroop gekook 🍋

By ANNA is daar altyd iets wat op die stoof prut of uit die oond kom. Dis die klein huislike dinge wat elke dag nét 'n bietjie meer besonders maak.

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

04/08/2026

Daar is dae wat 'n mens se hart net stil raak....❤️

Ek het al van ons beleef-handsakprojek vertel – waar Jaco die lang gehekelde stroke met ongelooflike geduld en sorg maak. Daardie stroke word later omskep in unieke handsakke, elkeen met sy eie storie.

Vandag het Stephné en Jaco my egter heeltemal verras.

Hulle het hierdie reuse gehekelde strook, netjies opgerol, vir my gebring. Toe ek dit sien, het ek besef hoeveel ure se geduld, toewyding en liefde daarin ingehekel is. Dit is soveel meer as net wol – dit is talent, deursettingsvermoë en waardigheid wat met elke hekelsteek sigbaar word.

Stephné, CEO van Innovation for the Blind – baie dankie vir alles wat jy vir julle inwoners en vir ons gemeenskap doen. Jy skep geleenthede waar ander dikwels net beperkings sien. Jou invloed strek baie verder as wat die oog kan sien en mense soos Jaco is 'n bewys daarvan.

Wanneer iemand in 'n mens glo, gebeur daar iets besonders.....en dan word 'n eenvoudige strook wol die begin van 'n storie wat nog baie mense gaan beleef. 💚🧶

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

liefde ANNA
BELEEF | INSPIREER | LEEF

☕️

03/08/2026

Waar talent, doel en omgee saamkom. ❤️

Elke keer wanneer ek by die werkswinkels van Innovation for the Blind instap, word ek opnuut diep geraak. Hier gebeur elke dag wonderlike dinge. Daar word gehekel, gebrei en geweef – nie net met wol nie, maar met passie, toewyding en ongelooflike vakmanskap.

Hierdie pragtige komberse is met liefde deur hul span gemaak en vir my kombersprojek geskenk. Ek is opreg dankbaar vir hierdie besonderse bydrae en vir die harte agter elke kombers.

'n Spesiale dankie aan Amanda en Annette vir hierdie pragtige komberse wat julle vir my kombersprojek geskenk het.
Julle vrygewigheid, omgee en harde werk beteken baie meer as wat woorde kan sê. Julle maak 'n tasbare verskil in ander mense se lewens.

As jy dalk wol het wat net in 'n kas lê, oorweeg dit asseblief om dit vir Innovation for the Blind te skenk. Elke bol wol maak 'n groot verskil. Dit gee nie net materiaal om mee te werk nie, maar skep ook geleenthede vir mense om hul talente uit te leef en iets besonders te skep.

Dit is vir my altyd 'n voorreg om deel van hierdie besonderse plek en sy mense te kan wees. 💙🧶

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

31/07/2026

☕ Ontmoet vir Tiaan by ANNABeleef! ☕

Elke Vrydag van 09:00 tot 16:00 is Tiaan by ANNA om vir jou 'n heerlike koppie koffie voor te berei.

Baie van julle het hom op Carte Blanche leer ken en nou kan jy hom persoonlik ontmoet, sy storie beleef en sy passie vir koffie ervaar.

Elke koppie ANNABeleef-koffie wat jy geniet, dra ook by tot 'n groter doel – om geleenthede vir mense met siggestremdheid te skep.

Kom kuier, sê hallo vir Tiaan en geniet 'n koppie koffie wat met trots bedien word. ❤️

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

Address

2 Distillery Street
Worcester
6850

Opening Hours

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00

Telephone

+27716103232

Website

http://annabeleef.co.za/

Alerts

Be the first to know and let us send you an email when ANNABeleef posts news and promotions. Your email address will not be used for any other purpose, and you can unsubscribe at any time.

Contact The Restaurant

Send a message to ANNABeleef:

Want your restaurant to be the top-listed Restaurant in Worcester?