ANNABeleef

10/10/2026

Daar is plekke wat ’n mens besoek en plekke wat ’n deel van jou lewe bewaar. Tietiesbaai hou van my mooiste herinneringe saam met my gesin vas. 🤍

Wanneer ek hier kom, onthou ek meer as net die see. Ek onthou ons. Die lag, die saamwees, die doodgewone oomblikke wat destyds sommer net deel van die dag was. Ons het nie toe geweet hoe kosbaar hulle eendag sou word nie.

Dis seker hoe herinneringe ontstaan. Terwyl jy met ander dinge besig is, bêre jou hart stilweg ’n stem, ’n gesig, ’n oomblik van geluk.

Hierdie keer het ek en my man ’n bietjie weggebreek. Tussen die rotse, die seemeeue en die veldblommetjies voel dit asof die gejaag stadig sy houvas verloor. Daar is tyd om te kyk. Om sommer oor iets laf te lag. Om langs mekaar te wees sonder dat die volgende ding reeds wag.

Ek kyk na die bankie en dink hoeveel van die lewe by ons verbygaan terwyl ons wag vir ’n beter tyd om dit te geniet. Ons dink daar sal altyd nóg ’n naweek wees. Nog ’n kans om almal bymekaar te kry. Nog ’n dag waarop ons minder besig sal wees.

Maar die jare verander ons gesin. Kinders word groot. Elkeen se lewe kry sy eie koers. En die oomblikke wat eens so vanselfsprekend was, word dié waarna ons met die meeste liefde terugverlang.

Hulle sê verandering is so goed soos ’n vakansie. Ek kan nie méér saamstem nie. ’n Ander uitsig help my weer raaksien hoeveel ek het om voor dankbaar te wees.

Dankie, Tietiesbaai, dat jy soveel van ons saamwees bewaar. Ons kan nie daardie dae terugkry nie, maar ons kan vandag nóg ’n herinnering maak.

En eendag sal ons dalk ook na hierdie foto’s kyk en sê: “Onthou jy…?” 🌊🤍

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

09/10/2026

Hulle weet nie wat ons weet nie….😉

📖 ’n Aanhaling van my het ’n plek in Herman Lensing se boek, Herman se tafel, gekry!

My woorde. In Herman se boek. Dié een laat my steeds glimlag.

Soms reis ’n stukkie van jou storie verder as wat jy ooit verwag het. 💚

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

08/10/2026

Ek wonder hoeveel van die lewe ons mis omdat ons eet terwyl ons eintlik iets anders doen.

’n Happie tussen twee boodskappe. Middagete voor ’n skerm. Ons borde is later leeg, maar ons kan skaars onthou hoe dit gesmaak het.

En dan is daar daardie maaltye waar jy bly sit. Jy proe die bros kors, luister klaar na iemand se storie en skink nog ’n koppie. Vir ’n rukkie is daar niks wat dringender is as om dáár te wees nie.

Dis wat ek vir jou by ANNABeleef hoop: iets lekker op jou bord en genoeg tyd om dit te beleef.

Die quiche is ons bydrae. Die tydjie vir jouself sal jy moet kom neem. 💚

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

07/10/2026

Hulle weet nie wat ons weet nie….😉

☕ ANNABeleef-koffie word deur siggestremde persone by Innovation for the Blind in Worcester verpak.

Agter elke pakkie is mense wie se werk en vaardighede deel van ons koffiestorie is.

Wanneer jy ANNABeleef-koffie kies, help jy om dié werk verder te dra. 💚

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

06/10/2026

By ANNABeleef het selfs die inkopielys persoonlikheid! 😂

My personeel skryf wat ons nodig het op hulle bord in die kombuis. My kelnerin voeg kommentaar by waarvoor niemand gevra het nie, maar wat ons nou nie meer kan mis nie. 🤣

Die handseep moet weet wat sy werk is. Die wit uie moet hul standpunt verduidelik. En die heuning moet asseblief uit die korf kom. 🐝😂

Ek wou net op Sixty60 bestel. Nou sit ek en lees die notule van ’n kombuisvergadering waar ek duidelik nie teenwoordig was nie!

Sixty60 vra: “Enigiets anders?” Ja. Iemand wat hierdie bord kan verduidelik, asseblief. 😂

Agter die skerms by ANNA werk ons hard, maar ons lag ook lekker hard saam. 💚

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

05/10/2026

Hulle weet nie wat ons weet nie….😉

⭐ ANNABeleef het ’n 4,9-ster-gradering op Google!

Elke resensie vertel iets van ’n gas se ervaring by ANNA. Dankie vir elke mooi woord—dit help die volgende gas om ons te ontdek.

Kom maak jou eie herinnering by ANNA. 💚

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

☕️

04/10/2026

🌿 POËSIEKOMPETISIE 2026 – HELENDE WOORDE 🌿

Inskrywings in enige van Suid-Afrika se amptelike tale is welkom.

Ons nooi jou om deel te neem aan ANNABeleef se jaarlikse poësiekompetisie, HELENDE WOORDE.

Kreatiwiteit bied dikwels ’n veilige ruimte waarin mense uitdrukking kan gee aan dit wat hulle tydens die donkerste dae van geestesgesondheidsuitdagings én op hul pad na herstel beleef.

Deur hierdie gedigte met ’n groter gehoor te deel, wil ons die herstelreis vier en help om groter begrip, verdraagsaamheid en respek vir geestesgesondheid te bevorder.

INSKRYWINGSKATEGORIEË

🌑 Donkerste dae
Gedigte uit die tyd vóór die aanbreek van hoop.

🌦️ Goeie dae en slegte dae
Gedigte oor die pad na herstel.

🌿 Goed wees
Gedigte oor rustiger tye, aanvaarding en innerlike vrede.

🎨 Beste geïllustreerde gedig
’n Gedig wat saam met ’n oorspronklike illustrasie ingeskryf word.

Inskrywingsfooi: R30 per gedig
Die inskrywingsgeld word vanjaar weer aan Toevlug Sentrum geskenk.

📅 Sluitingsdatum: 23 Oktober 2026

📧 Stuur jou inskrywing na:
[email protected]

📍 ANNABeleef – Ou Tronk
Distilleryweg 2, Worcester

📞 071 610 3232

Skryf uit jou donker.
Skryf oor jou herstel.
Skryf die woorde wat dalk ook iemand anders kan help heel word. 🤍

Liefde
ANNA

BELEEF | INSPIREER | LEEF

02/10/2026

Gister was daar meelvingers, deegrollers en baie lekker lag by ANNABeleef! 🍝💚

Ons pastaklas is elke keer vir ons ’n vreugde. Dit is so lekker om te sien hoe almal saam leer, pasta maak en die ervaring geniet.

’n Siggestremde kind het gister ook saam met ons pasta gemaak. Ons is bly dat ons dié lekker ervaring saam kon deel.

Dankie, Juanita, vir die geduld en geesdrif waarmee jy die klas aangebied het. En aan my span: dankie vir al die voorbereiding, hulp en opruim agterna. Julle hande en harte maak soveel moontlik.

Dankie aan elke kind en ouer wat deel was van ons dag. Dít is wat ons by ANNA graag doen: saam maak, saam kuier en saam beleef. 💚

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

Liefde ANNA
BELEEF | INSPIREER | LEEF

29/09/2026

VAN 'N DROOM IN 2023 TOT VANDAG

Toe ANNABeleef in 2023 sy deure oopgemaak het, het ek nie geweet waarheen hierdie pad my sou neem nie. Ek het net geweet ek wil ’n plek skep waar mense welkom voel. 💚

Vandag kyk ek met dankbaarheid terug op al die erkenning wat ons langs die pad ontvang het:

🏆 2024 – Wenner: Kaapse Wynland Fenomenale Vroue Entrepreneur
🏆 2024 & 2025 – Wenner: AfriForum Sakenetwerk se Tinteltong-toekenning
✨ 2024 – Semifinalis: AfriForum Entrepreneur van die Jaar
✨ 2026 – Top 3-finalis: FEDHASA Hospitality Awards, Sustainability & ESG
✨ 2026 – Top 10-finalis: BWMM Women of Excellence

Ek is ook dankbaar dat Carte Blanche, RSG en Lig Online my storie gedeel het. Om te sien hoe ANNABeleef se storie mense buite Worcester bereik, bly vir my besonders.

Die mooi foto’s wys die toekennings, maar nie altyd die dae agter die skerms nie. Daar was dae van vreugde en lekker lag, maar ook dae waarop ek gewonder het hoe ons gaan aangaan. Daarom beteken hierdie erkenning vir my soveel.

Aan my span: dankie vir julle lojaliteit, ondersteuning en die hart waarmee julle elke dag vir ANNABeleef omgee. Julle sien raak wat gedoen moet word, spring in wanneer dit nodig is en help my om mense hier welkom te laat voel. Ek waardeer julle meer as wat ek in woorde kan sê.

Aan elke gas wat kom kuier het, ’n vriend saamgebring het of ’n goeie woord oor ons gesê het: DANKIE. Dit raak my veral wanneer besoekers van oorsee van ANNABeleef vertel en hulle vriende dan spesiaal by ons kom inloer wanneer hulle Suid-Afrika besoek. Só het julle gehelp om ons storie verder te dra.

’n Spesiale dankie ook aan Stephné Botha, uitvoerende hoof van Innovation for the Blind. Jy het van die begin af in my droom geglo en jy stap vandag nog hierdie pad saam met my.

Dankie aan my man, my kinders, my ouers en my familie. Julle liefde, hulp en geloof in my dra my deur die mooi én die moeilike dae. 💚

Ons is steeds besig om ons pad te vind. Maar vandag wil ek net ’n oomblik stilstaan en sê: kyk hoe ver het ons saam gekom.

Liefde ANNA
BELEEF | INSPIREER | LEEF

📍ANNABeleef (Ou Tronk) Distilleryweg 2 Worcester
📞 0716103232
📧 [email protected]

28/09/2026