Huis Aristea

31/05/2026

💙 GO TURKOOIS VIR ONS BEJAARDES! 💙
Huis Aristea sluit met trots aan by die "Go Turquoise for the Elderly" - bewusmakingsveldtog wat van 15 Mei tot 15 Junie plaasvind.
Gedurende hierdie maand vra ons die gemeenskap om turkoois te dra, foto's te deel en saam met ons bewustheid te skep vir die welstand, waardigheid en versorging van ouer persone. Elke senior verdien om gesien, gehoor, gerespekteer en waardeer te word.
🌟 Trek jou turkoois aan
🌟 Deel jou foto op sosiale media
🌟 Besoek en ondersteun 'n bejaarde
🌟 Help ons om die boodskap van omgee verder te versprei
By Huis Aristea glo ons dat elke ouer persoon 'n skatkis van wysheid, herinneringe en liefde is. Kom stap saam met ons hierdie pad en wys dat ons gemeenskap omgee.
💙 GO TURKOOIS VIR DIE BEJAARDES!
📅 15 Mei – 15 Junie
📍 Huis Aristea, Durbanville
"Ons gee om – We care." 💙
💙👵👴

29/05/2026

Baie geluk aan Adeela met die suksesvolle bywoning en voltooiing van die een-dag werkwinkel as Veiligheid- en Gesondheidsverteenwoordiger! 👏
Jou bereidwilligheid om te leer en jouself toe te rus met kennis help om die veiligheid en welstand van ons inwoners, personeel en almal by die tehuis te verseker.
Ons waardeer jou harde werk, toewyding en die verskil wat jy elke dag maak by Huis Aristea. Mag hierdie nuwe kennis jou verder versterk in jou belangrike rol.
Ons is trots op jou, Adeela! 🌸

29/05/2026

🌟 Vandag gee ons spesiale erkenning aan twee van Huis Aristea se stille helde — Bassier (oupa) en Heinrich! 🌟
Geen taak is ooit te groot of te klein nie. Met harde werk, lojaalheid en toegewyde diens sorg julle dat struikelblokke uit die weg geruim word en dat alles net altyd aan die gang bly. Met flukse hande help julle bou, herstel, dra en ondersteun — nie net die tehuis nie, maar ook ons inwoners se daaglikse gemak en geluk.
Julle is beslis van bestuur se “favourite people”, want waar daar ’n probleem is, is julle altyd gereed met ’n oplossing en ’n helpende hand. 💪👏
Dankie Bassier en Heinrich vir julle opregte omgee, nederigheid en die groot verskil wat julle elke dag maak by Huis Aristea. Ons waardeer julle meer as wat woorde kan sê. 🌿

28/05/2026

🎉 Môre, Vrydag, gaan dit weer behoorlik jolig wees by Huis Aristea! 🎉

Soos elke Vrydag kuier ons lekker saam by ons gewilde Queen Café ☕🍰 waar jy heerlike koek en koffie kan geniet vir slegs R50 of ander lekkernye.

Maar môre doen ons nóg meer! 🌟
🛍️ Klereverkoping / Thrifting vanaf 09:00 - winskope vir almal.
🎲 Bingo om 14:00 - kom soek saam nommers!
🎬 En ons sluit die dag af met ’n gesellige Movie Night - Musiek

Wie sou kon d**k dat dit só bedrywig, vrolik en vol lewe kan wees by ’n huis waar ouer persone tuisgaan? By Huis Aristea glo ons daar is nie tyd om net in ’n kamer te sit nie — hier word geleef, gelag, gekuier en herinneringe gemaak. ❤️

Kom beleef die warmte, samesyn en pret saam met ons!

28/05/2026

🌟 Die A-Team van die Anneks 🌟
Ons inwoners van die Anneks staan sommer bekend as die A-Team — en sowaar, dié naam pas hulle perfek!
Altyd positief, altyd vriendelik en dankbaar. Hulle woonplekke is netjies, die atmosfeer warm en huislik, en klagtes is min… maar dankbaarheid is oorvloedig. Hulle is werklik ’n voorbeeld vir baie ander. ❤️
Hulle leef elke dag volgens hul besondere leuse:
"Die Here is ons Herder en ons kom niks kort nie."
Wat ’n kosbare getuienis van tevredenheid, geloof en dankbaarheid. Dit is vir ons by Huis Aristea ’n groot voorreg om deel van hierdie inwoners se lewensreis te wees.
Hier by Huis Aristea gaan dit nie net oor versorging nie — dit gaan oor familie, warmte, geloof en ’n plek waar mense werklik tuis voel. 🌿🏡

26/05/2026

🎉 2 000 VOLGERS! 🎉
Wat ’n ongelooflike mylpaal vir ons by Huis Aristea!
Baie dankie aan elke persoon wat ons blad volg, ons plasings deel, kommentaar lewer, saam lag, saam omgee en deel word van ons familie. Julle ondersteuning beteken vir ons inwoners, personeel en gemeenskap ongelooflik baie. ❤️
Elke “like”, boodskap en deel help ons om stories van liefde, omgee, hoop en diens uit te dra. Dankie dat julle saam met ons hierdie besondere reis stap en help om van Huis Aristea nie net ’n plek om te bly nie, maar ’n plek om te behoort, te leef en liefgehê te word.
Ons waardeer elkeen van ons 2 000 volgers opreg. Hier is op nóg mooi stories, spesiale oomblikke en ’n gemeenskap wat aanhou groei. 🌸

25/05/2026

Vandag wil ek net uit my hart uit baie dankie sê aan elke personeellid, inwoner en vriend van Huis Aristea wat my verjaarsdag so besonders gemaak het. 🌸
Die verrassings, mooi boodskappe, liefde, lag en omgee het my opreg diep geraak. Dit is ongelooflik om deel te wees van ‘n plek waar mense nie net saam werk nie, maar regtig vir mekaar omgee en mekaar se vreugdes deel.
Baie dankie vir elke blom, geskenkie, drukkie, liedjie en vriendelike woord. Julle het my dag onvergeetlik gemaak. Ek waardeer elkeen van julle opreg en voel geseënd om saam met so ‘n wonderlike span en gemeenskap te stap.
By Huis Aristea is ons nie net kollegas en inwoners nie — ons is familie. 💙
Met groot waardering
Monice Brand

24/05/2026

🌿 Wil jy betrokke raak? Wil jy teruggee aan die gemeenskap? 🌿
Deel jou mededeelsaamheid deur deel te word van Huis Aristea se Toiletware Donasie Program. 🧴💙
Baie van ons inwoners is afhanklik van die liefde, omgee en ondersteuning van ander vir daaglikse benodighede. Met net ’n klein bydrae kan jy help om iemand waardigheid, gemak en hoop te gee.
✨ Elkeen se klein bydrae maak ’n groot verskil. ✨
📍 Skenkings kan by ontvangs afgegee word.
Saam bou ons ’n gemeenskap van omgee. 🌸

23/05/2026