ISCAD - International Strategic Center for Agri-Food Development

ISCAD - International Strategic Center for Agri-Food Development O’zbekiston Respublikasi qishloq xo’jaligi vazirligi

Zamonaviy agrologistika markazi barpo etilishi borasida navbatdagi muhim uchrashuv bo‘lib o‘tdi Kuni kecha Oziq-ovqat v...
17/04/2026

Zamonaviy agrologistika markazi barpo etilishi borasida navbatdagi muhim uchrashuv bo‘lib o‘tdi

Kuni kecha Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi direktori Xasan Ibragimov Andijon viloyatining Andijon tumanida barpo etilayotgan zamonaviy agrologistika markazining qurilish ishlari bilan yaqindan tanishish maqsadida tashrif buyurdi.

Mazkur tashrif davomida qurilish hududida olib borilayotgan ishlar ko‘lami, bugungi holati va kelgusidagi amalga oshirilishi lozim bo‘lgan ishlar, xususan, qurilish ishlarining yanada jadalligini ta’minlash yuzasidan “Uzagrologistics Centers” mas’uliyati cheklangan jamiyati direktori Xumoyun O‘ljayev, loyiha mutaxassislari, pudratchi tashkilot — “China Construction Third Engineering Bureau Group” kompaniyasi rahbar va mas’ullari, shuningdek, qurilish ishlari nazoratchisi “Artelia” (Fransiya) kompaniyasi qurilish loyiha menejeri Hakim Afif ishtirokida uchrashuv bo‘lib o‘tdi.

Osiyo taraqqiyot banki ishtirokidagi “Meva-sabzavotchilik tarmog‘ida qo‘shilgan qiymat zanjiri infratuzilmasini rivojlantirish” loyihasi doirasida qurilib ishga tushurilishi rejalashtirilgan ushbu zamonaviy agrologistika markazi soha rivoji, oziq-ovqat tanqisligini oldini olish, eksport salohiyatini oshirish, eng muhimi, mavsumdan qatiy nazar xalqimiz dasturxoniga to‘kinlik bag‘ishlash uchun beqiyos xizmat qiladi.

Bugun Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazida XIV asrda, gʻoyat...
10/04/2026

Bugun Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazida XIV asrda, gʻoyat murakkab bir davrda yurtimiz hududida milliy davlatchilikni qayta tiklab, Vatan ozodligi yoʻlida ulkan jasorat koʻrsatgan, shu bilan birga, jahon tarixida o‘zining betakror o‘rni, beqiyos siymosi hamda zakovoti bilan tanilgan buyuk tarixiy shaxs -Amir Temur tavallud kuniga bag‘ishlangan ma’naviy-marifiy tadbir bo‘lib o‘tdi.

Mazkur tadbirda ustoz san’atkor, O‘zbekiston xalq artisti Tesha Muminov, Qishloq xo‘jaligi vazirining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi Bo‘ronov Mizrob hamda vazirlikning yoshlar siyosati masalalari bo‘yicha mas’uli Botirov Shaxzod ishtirok etdilar.

Tadbirni markaz direktori Хasan Ibragimov ochib berar ekan, 9-aprel sanasi yurtdoshlarimiz qalbida tarixiy xotirani uyg‘otadigan, milliy o‘zlik va istiqlol tuyg‘usini mustahkamlaydigan, ajdodlarga bo‘lgan buyuk ehtirom va saboq timsolida ko‘tarinki ruhda nishonlanib kelinishini ta’kidladi.

Шунингдек, tadbir davomida Sohibqiron Amir Temur tomonidan asos solingan buyuk saltanat — bu nafaqat harbiy g‘alabalar, balki yuksak madaniyat, me’moriy yodgorliklar, adabiyot va ilm-fan taraqqiyoti bilan ham tarixda o‘chmas iz qoldirganligi borasida fikrlar bildirildi.

Kichik va oʻrta biznesni moliyaviy qoʻllab-quvvatlash ishlarining samarasi va rejalari o‘rganildi Kuni kecha Oziq-ovqat ...
19/02/2026

Kichik va oʻrta biznesni moliyaviy qoʻllab-quvvatlash ishlarining samarasi va rejalari o‘rganildi

Kuni kecha Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazida Germaniya taraqqiyot banki (KfW) ishtirokidagi “Kichik va oʻrta biznesni moliyaviy qoʻllab-quvvatlash” loyihasi doirasida amalga oshirilib kelinayotgan ishlar ko‘lamining tahliliga bag‘ishlangan uchrashuv bo‘lib o‘tdi.

Mazkur uchrashuvda Markaz direktori Hasan Ibragimov va bir qator mas’ullar, shuningdek, BFC direktori Maykl Kortenbush, KfW dastur menejeri Eugen Birca (zum orqali) ishtirok etdilar.

Uchrashuv davomida:
- loyiha doirasida o‘tgan 2025 yilda amalga oshirilgan ishlar natijalari;
- audit xizmatlarini sotib olish masalasi;
- “Kichik va oʻrta biznesni moliyaviy qoʻllab-quvvatlash” loyihasining grant komponentini QQSdan ozod qilish, keyingi bosqichlar natijalarining tahlili va boshqa bir qator masalalar borasida gaplashildi.

Joriy yilning 14 yanvar holatiga ko‘ra Germaniya taraqqiyot banki (KfW) tomonidan 26,8 mln. yevro mablag‘lari qishloq xo‘jaligi sohasini moliyalashtirish maqsadida jalb qilingan bo‘lib, aynii kunga qadar 17,2 mln evro mablag‘ o‘zlashtirilgan.

Farg‘ona vodiysida qishloq tadbirkorligi va innovatsiyalarni rivojlantirishga qaratilgan muhim loyihaO‘zbekiston Respubl...
19/02/2026

Farg‘ona vodiysida qishloq tadbirkorligi va innovatsiyalarni rivojlantirishga qaratilgan muhim loyiha

O‘zbekiston Respublikasi Prezidentining 2019-yil 19-iyuldagi PQ–4399-sonli qarori asosida Qishloq xo‘jaligi vazirligi huzuridagi Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi tomonidan Xalqaro tiklanish va taraqqiyot banki ishtirokida “Farg‘ona vodiysida qishloq tadbirkorligini rivojlantirish” loyihasi amalga oshirilmoqda. Ushbu loyiha Farg‘ona vodiysi hududlarida zamonaviy texnologiyalarni joriy etish, kichik biznes va startaplarni qo‘llab-quvvatlash hamda qishloq xo‘jaligi mahsulotlarini qayta ishlash va qo‘shimcha qiymat yaratish imkoniyatlarini kengaytirishga qaratilgan.

Loyiha doirasida Innovatsion rivojlanish agentligining Andijon viloyatida joylashgan texnoparkining moddiy-texnik bazasini mustahkamlash alohida ustuvor yo‘nalish sifatida belgilangan. Shu maqsadda 350 ming AQSh dollari miqdorida mablag‘ ajratilib, texnoparkka zamonaviy asbob-uskunalar yetkazib berildi.

Mazkur texnik vositalar texnopark rezidentlari bo‘lgan startap kompaniyalar, innovatorlar hamda yosh tadbirkorlarning ishlab chiqarish, tajriba-sinov va prototiplash imkoniyatlarini keskin oshirishga xizmat qiladi.

Ayni k***a texnoparkda olib borilayotgan ishlar, mablag‘larning o‘rinli sarflanganligi hamda yaratilgan shart-sharoitni o‘rganish maqsadida Qishloq xo‘jaligi vazirligi vakili Shoxrux Akramov, Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi direktori Hasan Ibragimov hamda loyiha mas’ullari mazkur hududda bo‘ldilar.

Texnoparkni jihozi uchun etkazib berilgan uskunalar Xitoy, Rossiya va Turkiya kabi sanoati rivojlangan davlatlardan olib kelingan bo‘lib, ularning umumiy soni 40 dan ortiq.

Ushbu uskunalar qishloq xo‘jaligi mahsulotlarini dastlabki qayta ishlash, qadoqlash, metallarga ishlov berish, shuningdek, innovatsion ishlab chiqarish jarayonlarini tashkil etish uchun mo‘ljallangan. Bunday uskunalar orqali mahalliy xomashyoni chuqur qayta ishlash va tayyor mahsulot ishlab chiqarish hajmlarini oshirish imkoniyati yaratiladi.

Mazkur tashabbus Farg‘ona vodiysi hududida qishloq tadbirkorligini rivojlantirish, mahalliy ishlab chiqaruvchilarning raqobatbardoshligini oshirish hamda eksportbop mahsulotlar ishlab chiqarish hajmini ko‘paytirishga qaratilgan muhim tashabbus hisoblanadi. Uzoq muddatli istiqbolda ushbu loyiha hududning iqtisodiy salohiyatini oshirib, aholining bandligi va daromadlari ko‘payishiga ijobiy ta’sir ko‘rsatishi kutilmoqda.

Bayram_shukuhi🇺🇿 O‘zbekiston Respublikasi Qurolli Kuchlari tashkil etilganligining 33 yilligi hamda 14-yanvar “Vatan hi...
14/01/2026

Bayram_shukuhi

🇺🇿 O‘zbekiston Respublikasi Qurolli Kuchlari tashkil etilganligining 33 yilligi hamda 14-yanvar “Vatan himoyachilari kuni” munosabati bilan O‘zbekiston Respublikasi Qishloq xo‘jaligi vazirligi huzuridagi Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazida faoliyat olib borayotgan yigitlar jamoasini tabriklash tadbiri o‘tkazildi.

🇺🇿 Har bir yurt o‘zining mard va jasur o‘g‘lonlariga ishonadi hamda faxrlanadi.

🇺🇿 Ushbu bayramning nishonlanishi xalqimizning o‘z milliy armiyasiga nisbatan cheksiz hurmatini, alp yigitlariga nisbatan iftixorini, kelajakka bo‘lgan yorqin ishonchini bildiradi.

🙏 Yurtimiz tinch, osmonimiz musaffo, sarhadlarimiz mustahkam bo‘lsin!

Osiyo taraqqiyot banki missiyasi “Meva-sabzavotchilik tarmog‘ida qo‘shilgan qiymat zanjiri infratuzilmasini rivojlantiri...
15/12/2025

Osiyo taraqqiyot banki missiyasi “Meva-sabzavotchilik tarmog‘ida qo‘shilgan qiymat zanjiri infratuzilmasini rivojlantirish” loyihasidagi yutuqlarni yuqori baholadi

2025 yil 2-5-dekabr kunlari Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazida “Meva-sabzavotchilik tarmog‘ida qo‘shilgan qiymat zanjiri infratuzilmasini rivojlantirish” loyihasi bo‘yicha Osiyo taraqqiyot bankining navbatdagi kuzatuv missiyasi o‘tkazildi.

Osiyo taraqqiyot banki delegatsiyasi, jumladan, Tabiiy resurslar va Qishloq xo‘jaligi bo‘yicha Bosh iqtisodchi Janob Bui Minh Giap va Mariz Igaya, Markaz directori o’rinbosari Dilfuza Egamberdiyeva boshchiligida loyiha mutaxassislari, qurilish nazorati bo‘yicha maslahatchi vakillari Hakim Afif va Olga Vakhidova, shuningdek, pudratchi China Construction Third Engineering Bureau (CCTEB) mutaxassislari bilan loyihaning faoliyatiga oid samarali uchrashuvlar bo‘lib o‘tdi.

Mazkur uchrashuvdan so‘ng Missiya vakillari o‘z o‘rganishlarini davom ettirib loyiha doirasida amalga oshirilgan ishlar bilan yaqindan tanishdilar hamda ishlar ko‘lami doirasida erishilgan natijalarni yuqori baholadilar.

Xususan, Andijon viloyatining Andijon tumanida barpo etilayotgan zamonaviy agrologistika markazida qurilish ishlarini boshlash uchun zarur ruxsatnomalar olinganligi va qurilish ishlari 2026 yil 31 yanvargacha boshlanishiga kelishildi.

Shuningdek, loyiha mas’ullari tomonidan Samarqand viloyatida barpo etilishi rejalashtirilayotgan zamonaviy agrologistika markazi bo‘yicha tayyorlangan tender hujjatlari OTB vakillari tomonidan batafsil ko‘rib chiqilib, takomillashtirildi hamda tomonlar yil yakuniga qadar hujjatlarni baholash komissiyasidan tasdiqlatish va tender e’lon qilinishini ta’minlashga erishish lozimligi borasida fikrlashdilar.

Eng muhim jihati, muhokamalar davomida qurilish qiymatini 53 million AQSH dollariga qisqartirish va qurilish muddatini 24 oygacha optimizatsiya qilish bo‘yicha kelishuvga erishildi.

O‘rganishlar davomida yangi xalqaro konsalting kompaniyasi Artelia SASning loyiha boshqaruvi va qurilish nazoratiga samarali jalb etilganligi alohida qayd etildi.

Missiya yakunida Osiyo taraqqiyot banki vakillari erishilgan yutuqlar va ijobiy natijalardan mamnunligini bildirdilar.

Ular O‘zbekiston Hukumati bilan hamkorlikni yuqori baholashini va mamlakatda agrar sohani rivojlantirishga qaratilgan islohotlar hamda infratuzilmadagi innovatsiyalarni qo‘llab-quvvatlashda davom etilishini ta’kidladilar.

Andijonda bunyod etilayotgan zamonaviy agrologistika markaziga tashrif buyurildiJoriy yilning 9-10 dekabr kunlari Oziq-o...
12/12/2025

Andijonda bunyod etilayotgan zamonaviy agrologistika markaziga tashrif buyurildi

Joriy yilning 9-10 dekabr kunlari Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazining Osiyo taraqqiyot banki ishtirokida amalga oshirilayotgan "Meva sabzovotchilikda qo'shimcha qiymat zanjiri infratuzilmasini rivojlantirish” loyihasi mas’ullari Andijon viloyatining Andijon tumanida barpo etilayotgan zamonaviy agrologistika markazini qurilish ishlarining bugungi k***agi holatini o‘rganish maqsadida hududda bo‘ldilar.

Tashrif davomida qurlish davrida pudratchi “China Construction Third Engineering Bureau Group” kompaniyasi tomonidan amalga oshirilayotgan ishlarni texnik nazorat qilish “Artelia” maslahatchi kompaniyasi pudratchiga rasmiy tarzda tanishtirildi.

Uchrashuv davomida qurilish ishlari uchun ruxsatnoma olishga oid hujjatlarni tayyorlash, Osiyo taraqqiyot banki talabiga binoan tajriba o‘rganish maqsadida Toshkent Food City obyektiga tashrif buyurish va o‘rganish ishlarini tashkil qilish borasida fikrlashildi.

Bundan tashqari, Artelia maslahatchi kompaniyasi tomonidan amalga oshirilishi lozim ish rejasi, hujjatlarni topshirish tartibi, tasdiqlash yo‘nalishlari va hisobot berish mexanizmlari bo‘yicha taqdimot o‘tkazildi.

9 dekabr – Xalqaro korrupsiyaga qarshi kurashish kuniKorrupsiya — jamiyatlarning ijtimoiy-iqtisodiy rivojlanishiga jiddi...
09/12/2025

9 dekabr – Xalqaro korrupsiyaga qarshi kurashish kuni

Korrupsiya — jamiyatlarning ijtimoiy-iqtisodiy rivojlanishiga jiddiy putur yetkazuvchi xavfli jinoyat bo‘lib, u hech bir mamlakat yoki mintaqada to‘liq immunitetga ega emas.

Birlashgan Millatlar Tashkiloti tashabbusi bilan 2004-yildan buyon har yili 9 dekabr - Xalqaro korrupsiyaga qarshi kurashish kuni sifatida butun dunyoda nishonlanadi. Aynan shu kuni, 2003-yilda Meksikaning Merida shahrida o‘tgan yuqori darajadagi siyosiy konferensiyada BMTning Korrupsiyaga qarshi konvensiyasi imzolash uchun ochiq deb e’lon qilingan edi.

Har yili 9-dekabr — Xalqaro korrupsiyaga qarshi kurash kuniga bag‘ishlangan “Aksilkorrupsiya oyligi” doirasida respublikaning turli vazirlik va idoralari, ta’lim muassasalari hamda tashkilotlarida davra suhbatlari, treninglar, “ochiq eshiklar kuni”, forumlar, tanlovlar va targ‘ibot tadbirlari tashkil etiladi.

Bugun Oziq-ovqat va qishloq xoʻjaligi sohasida strategik rivojlanish va tadqiqotlar xalqaro markazida 8-dekabr – Oʻzbekiston Respublikasi Konstitutsiyasi kuni va 9-dekabr – Xalqaro korrupsiyaga qarshi kurash kuni munosabati bilan anashunday tadbirlardan biri bo‘lib o‘tdi.

Tadbir davomida korrupsiyaning salbiy oqibatlari, uning nafaqat jamiyat balki har bir insonning kamolotiga to‘siq bo‘lishi, aholining huquqiy madaniyatini oshirish zarurati, davlat va jamiyatning bu illatga qarshi birgalikda kurashishining muhimligi haqida batafsil so‘z yuritildi.

Kichik va oʻrta biznesni moliyaviy qoʻllab-quvvatlash ishlarining samarasi va rejalari o‘rganildi Bugun Oziq-ovqat va qi...
28/11/2025

Kichik va oʻrta biznesni moliyaviy qoʻllab-quvvatlash ishlarining samarasi va rejalari o‘rganildi

Bugun Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazida Germaniya taraqqiyot banki (KfW) ishtirokidagi “Kichik va oʻrta biznesni moliyaviy qoʻllab-quvvatlash” loyihasi doirasida amalga oshirilib kelinayotgan ishlar ko‘lamining tahliliga bag‘ishlangan uchrashuv bo‘lib o‘tdi.

Mazkur uchrashuvda Markaz direktori Shoxrux Akramov va bir qator mas’ullar shuningdek, KfW dastur menejeri va BFC direktori Maykl Kortenbush, KfW dastur menejeri o'rinbosari Dmitriy Bobyrev va BFCning Markaziy Osiyo bo'yicha mintaqaviy direktori Shavkat Abduraimjanovlar ishtirok etdilar.

Uchrashuvda davomida:
- loyiha doirasida qatnashayotgan ATB Hamkorbank bilan moliyalashtirish ishlari borasidagi hamkorlik masalalari;
- tasarruf etish fondlari auditi va audit xizmatlarini sotib olish masalasi
- QQS dasturining holati, keyingi bosqichlari va boshqa bir qator masalalar borasida gaplashildi.

Joriy yilda Germaniya taraqqiyot banki (KfW) tomonidan 21,8 mln. yevro mablag‘lari qishloq xo‘jaligi va oziq-ovqat sohasining barcha yo‘nalishlarini moliyalashtirish maqsadida jalb qilinib, ayni kunga qadar 16,1 mln evro pul mablag‘i sub-loyihalarga ajratilish ishlari ta’minlangan.
Loyihani moliyalashtirish yo‘nalishlari:
- oziq- ovqat va meva-sabzavotni yetishtirish, qayta ishlash, quritish, tashish uchun va meva-sabzavotni qayta ishlovchi zamonaviy texnologiyalar sotib olish;
- urug‘ yetishtirish, ko‘chatchilik faoliyatini rivojlantirish, mineral o‘g‘itlar ishlab chiqarish;
- muzlatkichli omborxona tashkil etish, avtorefrijator sotib olish;
- dorivor o‘simliklarni yetishtirish, qayta ishlash va eksport qilish;
- sok, tomat, sabzavotlardan turli xil konservalar tayyorlash, qayta ishlash, tayyor mahsulot holatigacha bo‘lgan jarayonlar va ularni eksport qilishni o‘z ichiga oladi;
- zamonaviy intensiv bog‘ tashkil etish, gulchilik faoliyatini tashkil etish, zamonaviy issiqxona tashkil etish, tomchilatib sug‘orishni tashkil etish;
- aylanma mablag‘lar uchun;
- agroturizmni rivojlantirish;
- qishloq tadbirkorligi va boshqa yo'nalishlarda barcha tadbirkorlarni moliyaviy qo’llab quvvatlashdan iboratdir.

Samarqand viloyati agroxizmatlar (AKIS) markaziga tashrifAyni k***a Oziq-ovqat va qishloq xo‘jaligi sohasida strategik r...
25/11/2025

Samarqand viloyati agroxizmatlar (AKIS) markaziga tashrif

Ayni k***a Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi direktori Shoxrux Akramov loyihalar doirasida amalga oshirilgan ishlar natijadorligini o‘rganish maqsadida Samarqand viloyatida xizmat safarida bo‘lib turibdi.

Tashrif davomida viloyatning “Oqdaryo” tumanida joylashgan Samarqand viloyati agroxizmatlar (AKIS) markazida bo‘lib, u yerda amalga oshirilgan ishlar holati va kelgusidagi qilinishi lozim bo‘lgan rejalar bilan yaqindan tanishdi.

Aynan mazkur loyihaning ustuvor yo‘nalishi qishloq xo‘jaligida ilmiy-tadqiqot, ta’lim va maslahat xizmatlarining ishlab chiqarish bilan integratsiyalashgan samarali tizimini yaratishdir.

Viloyatdagi mazkur markazni bunyod etish uchun Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazining Jahon banki ishtirokidagi “O‘zbekiston Respublikasi qishloq xo‘jaligini modernizatsiya qilish” loyihasi doirasida 2,5 mln dollar miqdorida imtiyozli mablag‘ ajratilgan.

Buning natijasida esa 6 ming metr kvadrat maydonda joylashgan bino va inshoat hamda 300 metr kvadratni tashkil etgan issiqxonani qayta qurilish va ta’mirlash ishlari amalga oshirilgan.

🇺🇿 Bayrog‘imiz — mustaqil davlatchiligimizning yorqin timsoli, xalqimizning orzu-umidlari va g‘ururidir. U har bir yurt...
18/11/2025



🇺🇿 Bayrog‘imiz — mustaqil davlatchiligimizning yorqin timsoli, xalqimizning orzu-umidlari va g‘ururidir. U har bir yurtdoshimizda faxr-iftixor tuyg‘usini uyg‘otadi.

🇺🇿 Davlatimiz bayrog‘ining 34 yilligi munosabati bilan yurtimiz bo‘ylab “MUQADDASDIR VATAN BAYROG‘I!”, “SHUHRATING PORLASIN TOKI BOR JAHON!” shiorlari ostida o‘tkazilayotgan Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi xodimlari ham faoli ishtirok etdilar.

Address

Лабзак 1А
Tashkent
100128

Opening Hours

Monday 08:00 - 18:00
Tuesday 08:00 - 18:00
Wednesday 08:00 - 18:00
Thursday 08:00 - 18:00
Friday 08:00 - 18:00
Saturday 08:00 - 18:00

Telephone

+998950421818

Website

Alerts

Be the first to know and let us send you an email when ISCAD - International Strategic Center for Agri-Food Development posts news and promotions. Your email address will not be used for any other purpose, and you can unsubscribe at any time.

Shortcuts

Share