Simbag Microfinance

25/04/2026

Simbag sa Pagtubod | 𝗠𝗔𝗚𝗜𝗡 𝗠𝗔𝗥𝗛𝗔𝗬 𝗡𝗔 𝗣𝗔𝗦𝗧𝗢𝗥 | 𝘎𝘪𝘺𝘢 𝘴𝘢 𝘗𝘳𝘢𝘺𝘦𝘳-𝘔𝘦𝘦𝘵𝘪𝘯𝘨 𝘯𝘪𝘯 𝘮𝘨𝘢 𝘚𝘢𝘳𝘢𝘥𝘪𝘵 𝘯𝘢 𝘒𝘰𝘮𝘶𝘯𝘪𝘥𝘢𝘥 𝘯𝘪𝘯 𝘗𝘢𝘨𝘵𝘶𝘣𝘰𝘥 (𝘚𝘈𝘒𝘖𝘗) 𝘱𝘢𝘳𝘢 𝘴𝘢 𝘚𝘦𝘮𝘢𝘯𝘢 𝘬𝘢𝘯 𝘈𝘣𝘳𝘪𝘭 26-𝘔𝘢𝘺𝘰 2, 2026. 𝘉𝘢𝘴𝘢𝘩𝘰𝘯 𝘢𝘯 𝘌𝘷𝘢𝘯𝘨𝘦𝘭𝘪𝘰 𝘨𝘪𝘬𝘢𝘯 𝘴𝘢 𝘑𝘶𝘢𝘯 10,1-10 (𝘐𝘬𝘢𝘢𝘱𝘢𝘵 𝘯𝘢 𝘋𝘰𝘮𝘪𝘯𝘨𝘰 𝘬𝘢𝘯 𝘗𝘢𝘴𝘬𝘰 𝘬𝘢𝘯 𝘗𝘢𝘨𝘬𝘢𝘣𝘶𝘩𝘢𝘺-𝘓𝘪𝘸𝘢𝘵-𝘈).

𝗠𝗔𝗚𝗜𝗡 𝗠𝗔𝗥𝗛𝗔𝗬 𝗡𝗔 𝗣𝗔𝗦𝗧𝗢𝗥

𝘎𝘪𝘺𝘢 𝘴𝘢 𝘗𝘳𝘢𝘺𝘦𝘳-𝘔𝘦𝘦𝘵𝘪𝘯𝘨 𝘯𝘪𝘯 𝘮𝘨𝘢 𝘚𝘢𝘳𝘢𝘥𝘪𝘵 𝘯𝘢 𝘒𝘰𝘮𝘶𝘯𝘪𝘥𝘢𝘥 𝘯𝘪𝘯 𝘗𝘢𝘨𝘵𝘶𝘣𝘰𝘥 (𝘚𝘈𝘒𝘖𝘗) 𝘱𝘢𝘳𝘢 𝘴𝘢 𝘚𝘦𝘮𝘢𝘯𝘢 𝘬𝘢𝘯 𝘈𝘣𝘳𝘪𝘭 26-𝘔𝘢𝘺𝘰 2, 2026. 𝘉𝘢𝘴𝘢𝘩𝘰𝘯 𝘢𝘯 𝘌𝘷𝘢𝘯𝘨𝘦𝘭𝘪𝘰 𝘨𝘪𝘬𝘢𝘯 𝘴𝘢 𝘑𝘶𝘢𝘯 10,1-10 (𝘐𝘬𝘢𝘢𝘱𝘢𝘵 𝘯𝘢 𝘋𝘰𝘮𝘪𝘯𝘨𝘰 𝘬𝘢𝘯 𝘗𝘢𝘴𝘬𝘰 𝘬𝘢𝘯 𝘗𝘢𝘨𝘬𝘢𝘣𝘶𝘩𝘢𝘺-𝘓𝘪𝘸𝘢𝘵-𝘈).
…

Sa Evangelio nagpamidbid an satóng Kagurangnan Jesu Cristo bilang marhay na pastor asín pintoan sa toríl.

Anó an kahulugán kan Saiyang pagigin pintoan? Na Siyá saná an agihan nin kaligtasan nin gabós na tawo. Anó an kahulugán kan Saiyang pagigin marhay na pastor? Na dinadará Niyá kitá sa dalan nin kaligtasan nin huli kan pagsaksi asín pagdusay kan bilog Niyáng buhay.

Sabi sa 1 San Pedro 2,24-25: “Dinará Niyá an satóng mga kasâlan sa Saiyang hawak sa kahoy, tanganing, nakasuwáy sa kasâlan, mabuhay kitá para sa kasuripotan. Huli kan mga lugad Niyá kamó naomayan. Ta nagkasiring kamó sa mga karnerong lagalág, alagad nakabalík na kamó ngonian sa Pastor asín parariparo kan saindong mga kalág.”

𝗞𝘂𝗻 𝘀𝗶 𝗖𝗿𝗶𝘀𝘁𝗼 𝗮𝗻 𝘀𝗮𝘁𝗼𝗻𝗴 𝗠𝗮𝗿𝗵𝗮𝘆 𝗻𝗮 𝗣𝗮𝘀𝘁𝗼𝗿, 𝗮𝗻𝗼 𝗮𝗻 𝗱𝗮𝗽𝗮𝘁 𝘁𝗮𝗻𝗴 𝗴𝗶𝗯𝗼𝗵𝗼𝗻?

Iní man an hapót kan mga Judío na nagdangóg sa pagtukdô ni San Pedro. An saiyang simbag sa Gibo 2,38: “Magbaklê asín magpabonyag… asín aakoon nindo an balaog kan Espiritu Santo.”

𝗘𝗻𝗼𝘁, 𝗺𝗮𝗴𝗱𝗮𝗻𝗴𝗼𝗴 𝗸𝗶𝘁𝗮 𝘀𝗮 𝗦𝗮𝗶𝘆𝗮𝗻𝗴 𝘁𝗶𝗻𝗴𝗼𝗴.

Napapalibotan kitá nin kadakul na boses na naghahagad na sinda an dangogón ta. “Giboha iní asín magigin maogma ka; o masikat ka; o magigin mayaman asín makapangyarihan ka.” Alagad Siyá saná an boses na minagiya satô sa mga tamang dalan asín mátaó satô nin kapanoan nin buhay.

Sabi ni Jesús sa Juán 10,10: “An parahâbon mináabót tanganing makahâbon, makágadán, asín makáraót; Akó nagdigdi tanganing magkaigwa sinda nin buhay sagkod na magsûpay.”

𝗜𝗸𝗮𝗱𝘂𝘄𝗮, 𝗺𝗮𝗴𝗹𝗮𝗸𝗮𝘄 𝗸𝗶𝘁𝗮 𝘀𝗮 𝗦𝗮𝗶𝘆𝗮𝗻𝗴 𝗱𝗮𝗹𝗮𝗻.

Sabi sa 1 Pedro 2,21: “Winalatan Niyá kamó nin halimbawà tanganing magsunód sa saiyang linakawán.” An Saiyang dalan daí pinanugâ na pasil o conveniente, kundî may pagtios, malà nganì dalan kan cruz. Alagad para sa mga masunod, yaon an kasigurohán na dadarhon kitá kan satóng Marhay na Pastor, susog sa Psalmo 23,2, “sa mga berdeng sabsaban, sa mga tubig na malinaw.”

𝗜𝗸𝗮𝘁𝗼𝗹𝗼 𝗺𝗮𝗴𝗶 𝗸𝗶𝘁𝗮𝗻𝗴 𝘀𝗶𝗿𝗶𝗻𝗴 𝗺𝗮𝗻 𝗦𝗮𝗶𝘆𝗮.

An Diós nanugâ sa Jeremías 3,15: “Tatàwan ko kamó nin mga pastor susog sa sakóng pusò, asín papamayohán ninda kamó nin may kadonongan asín pakasabot.” Iní bakô saná dapít sa mga padì, ni sa mga pamayó nin banwaan saná, kundî dapít satuyà gabós. Inapód kitá bakô saná na magin karnerong parasunod, kundî na magtalubò man na magin pastor na may pagmakulóg sa lambang sarô.

Aroaldaw nagpapastor kitá nin mga tawo, bilang amo o empleyado, bilang pulitiko o ciudadano, bilang magurang, tugang, o amigo. An hapót: ginigibo ta daw iní siring ki Cristong Marhay na Pastor?

An pagigin siring ki Cristo iyó an pagkaigwa kan “parong nin mga karnero,” boót sabihon nakikisumarò sa mga dukhâ, mga maluya, mga biktima nin violencia, asín mga sinisikwal nin sociedad. An pagigin siring ki Cristo iyó an pagpaoróg sa kapwang nangangaipo kisa sadiring karahayan. An pagigin siring ki Cristo iyó an maimbod na pagsunód sa kabôtan kan Amâ.

Sa panahón nin krisis asín pagtios, an tentacion iyó na kitá magkaranya-kanya, na maurí o mag-isip nin maraot sa kapwa; asín sa mga may katongdan, na abusohon an saindang awtoridád. Mahalagá na tataó kitá magmidbid kun siísay an mga marhay asín maraot na pamayó, tanganing midbid ta kun siísay an susundan o lilikayán.

Alagad mas mahalagá na lambang sarô sato magin man lingkod na pastor, susog sa pusò kan Marhay na Pastor...

𝗚𝗜𝗬𝗔 𝗦𝗔 𝗣𝗔𝗚𝗛𝗜𝗥𝗔𝗦 | Igwa ka nin mga midbid na sa hilíng mo may pusò nin Marhay na Pastor? Anó sa saindang gibo o buhay an marhay magin pangarogan nin gabós? | 𝗚𝗜𝗬𝗔 𝗦𝗔 𝗣𝗔𝗚𝗛𝗜𝗥𝗢 | Sa panahón nin krisis anó an pwede nindong magibo bilang komunidad/pamilya tanganing magin marhay na pastor sa mas nangangaipo saindo?

𝗣𝗔𝗦𝗨𝗡𝗢𝗗-𝗦𝗨𝗡𝗢𝗗 𝗞𝗔𝗡 𝗪𝗘𝗘𝗞𝗟𝗬 𝗦𝗔𝗞𝗢𝗣/𝗙𝗔𝗠𝗜𝗟𝗬 𝗣𝗥𝗔𝗬𝗘𝗥-𝗠𝗘𝗘𝗧𝗜𝗡𝗚 | Kumustahan / Pamiridbidan • Disposition to Prayer / Silence • Gathering Song • Opening Prayer • Bible Reading • Reflection Preaching • Small Group Sharing • Prayers of the People • Call to Action • Closing Prayer (Spontaneous and Our Father) • Closing Song

24/04/2026

𝐒𝐈𝐌𝐁𝐀𝐆 𝐒𝐀 𝐏𝐀𝐆𝐓𝐔𝐁𝐎𝐃 Labing anim na miyembro ng Simbag Microfinance mula sa center ng CEWO at CBG mula sa Baao Satellite Parish Outreach ang dumalo sa ginawang Basic Bible Orientation (BBO) noong Abril 21, 2026.

Sa Basic Bible Orientation tinuturuan ang mga miyembro ng mga “basics” sa pagbasa at paggamit ng bibliya. Ito ay isang formation activity para maihanda sila sa Basic Bible Facilitation o BBF na magtuturo sa kanila ng tamang pagbabahagi ng kanilang reflections para sa unang parte ng kanilang center meeting.

Ang BBO ay kabilang sa mga formation services na ibinibigay ng Simbag sa mga miyembro upang mapatibay at mapabuti ang kanilang buhay spiritual.

22/04/2026

𝐒𝐈𝐌𝐁𝐀𝐆 𝐒𝐀 𝐏𝐀𝐆𝐓𝐔𝐁𝐎𝐃 Labing lima (15) na miyembro ng Simbag Microfinance mula sa center ng EGF sa Brgy. Fabrica, Bulan, Sorsogon ang dumalo sa isinagawang Commitment Building Ceremony 1 noong Abril 21, 2026.

Ang CBC-1 ay kabilang sa mga formation services ng SEDP na may layunin na mapatibay ang spiritwal na pamumuhay ng mga miyembro. Sa aktibidad binibigyan ng halaga ang pagpapatatag ng “commitment” ng bawat kasapi.

21/04/2026

KITA AN SIMBAG | SEDP MICROFINANCE
April 21, 2026 | TUESDAY

Topic: SEDP MBA







SUBSCRIBE TO OUR YOUTUBE CHANNEL
Click the link below
https://bit.ly/VERITASLEGAZPI

LISTEN TO VERITAS LEGAZPI AND SPIRIT FM ON YOUR SMARTPHONE

Veritas Legazpi: https://bit.ly/VeritasLegazpiOnline

94.7 Spirit Fm Legazpi:
https://bit.ly/SpiritFmLegazpi

𝗙𝗼𝗿 𝗺𝗼𝗿𝗲 𝗻𝗲𝘄𝘀 𝘂𝗽𝗱𝗮𝘁𝗲𝘀, 𝗹𝗶𝗸𝗲 𝗮𝗻𝗱 𝗳𝗼𝗹𝗹𝗼𝘄 𝗼𝘂𝗿 𝗢𝗳𝗳𝗶𝗰𝗶𝗮𝗹 𝗢𝗻𝗹𝗶𝗻𝗲 𝗖𝗵𝗮𝗻𝗻𝗲𝗹𝘀:

Radyo Veritas Legazpi
https://tinyurl.com/veritaslegazpiFBPage
94.7 Spirit Fm Legazpi:
https://tinyurl.com/SpiritFMLegazpiFBPage

Veritas Legazpi YouTube : https://tinyurl.com/RVLyoutube
Veritas Legazpi TikTok:
https://tinyurl.com/veritastiktok

Also, for your Catholic life needs, visit, like, and follow Vita Catholica Official FB Page https://www.facebook.com/VitaCatholica

20/04/2026

Para sa ating mga valued members, may mga loan packages na swak sa panahon ngayon—pang-negosyo, pang-aral, at pang-araw-araw na pangangailangan 🙌

💡 Loan Moratorium – interest lamang ang babayaran sa loob ng 1-4 weeks
💼 Multi-Purpose Loan – dagdag puhunan, dagdag kita
🎓 Student Loan – suporta sa edukasyon ng anak
🌱 Green Light for Life – tipid sa kuryente gamit solar

Sa panahon ng krisis, hindi ka nag-iisa. Kasama mo ang Simbag Microfinance.

20/04/2026

SIMBAG MASS
April 20, 2026 | Monday
THIRD WEEK OF EASTER

Presider: 𝐑𝐞𝐯. 𝐅𝐫. 𝐀𝐥𝐛𝐢𝐧𝐨 𝐁. 𝐁𝐚𝐫𝐪𝐮𝐢𝐥𝐥𝐚

18/04/2026

Simbag sa Pagtubod | 𝗔𝗡 𝗘𝗨𝗖𝗔𝗥𝗜𝗦𝗧𝗜𝗔 𝗦𝗔 𝗘𝗠𝗠𝗔𝗨𝗦 | 𝘎𝘪𝘺𝘢 𝘴𝘢 𝘗𝘳𝘢𝘺𝘦𝘳-𝘔𝘦𝘦𝘵𝘪𝘯𝘨 𝘯𝘪𝘯 𝘮𝘨𝘢 𝘚𝘢𝘳𝘢𝘥𝘪𝘵 𝘯𝘢 𝘒𝘰𝘮𝘶𝘯𝘪𝘥𝘢𝘥 𝘯𝘪𝘯 𝘗𝘢𝘨𝘵𝘶𝘣𝘰𝘥 (𝘚𝘈𝘒𝘖𝘗) 𝘱𝘢𝘳𝘢 𝘴𝘢 𝘚𝘦𝘮𝘢𝘯𝘢 𝘬𝘢𝘯 𝘈𝘣𝘳𝘪𝘭 19-25, 2026. 𝘉𝘢𝘴𝘢𝘩𝘰𝘯 𝘢𝘯 𝘌𝘷𝘢𝘯𝘨𝘦𝘭𝘪𝘰 𝘨𝘪𝘬𝘢𝘯 𝘴𝘢 𝘓𝘶𝘤𝘢𝘴 24,13-35 (𝘐𝘬𝘢𝘵𝘰𝘭𝘰𝘯𝘨 𝘋𝘰𝘮𝘪𝘯𝘨𝘰 𝘬𝘢𝘯 𝘗𝘢𝘴𝘬𝘰 𝘬𝘢𝘯 𝘗𝘢𝘨𝘬𝘢𝘣𝘶𝘩𝘢𝘺-𝘓𝘪𝘸𝘢𝘵 - 𝘈).

𝗔𝗡 𝗘𝗨𝗖𝗔𝗥𝗜𝗦𝗧𝗜𝗔 𝗦𝗔 𝗘𝗠𝗠𝗔𝗨𝗦

𝘎𝘪𝘺𝘢 𝘴𝘢 𝘗𝘳𝘢𝘺𝘦𝘳-𝘔𝘦𝘦𝘵𝘪𝘯𝘨 𝘯𝘪𝘯 𝘮𝘨𝘢 𝘚𝘢𝘳𝘢𝘥𝘪𝘵 𝘯𝘢 𝘒𝘰𝘮𝘶𝘯𝘪𝘥𝘢𝘥 𝘯𝘪𝘯 𝘗𝘢𝘨𝘵𝘶𝘣𝘰𝘥 (𝘚𝘈𝘒𝘖𝘗) 𝘱𝘢𝘳𝘢 𝘴𝘢 𝘚𝘦𝘮𝘢𝘯𝘢 𝘬𝘢𝘯 𝘈𝘣𝘳𝘪𝘭 19-25, 2026. 𝘉𝘢𝘴𝘢𝘩𝘰𝘯 𝘢𝘯 𝘌𝘷𝘢𝘯𝘨𝘦𝘭𝘪𝘰 𝘨𝘪𝘬𝘢𝘯 𝘴𝘢 𝘓𝘶𝘤𝘢𝘴 24,13-35 (𝘐𝘬𝘢𝘵𝘰𝘭𝘰𝘯𝘨 𝘋𝘰𝘮𝘪𝘯𝘨𝘰 𝘬𝘢𝘯 𝘗𝘢𝘴𝘬𝘰 𝘬𝘢𝘯 𝘗𝘢𝘨𝘬𝘢𝘣𝘶𝘩𝘢𝘺-𝘓𝘪𝘸𝘢𝘵 - 𝘈).
…

An istorya sa Evangelio iyó an pag-ibá kan satóng Kagurangnan Jesu Cristo sa duwá Niyáng disipulos sa dalan pasiring sa Emmaus. Mantang totoong nangyari, isinurat man iní bilang alegoría, o istorya na may hararom na kahulugán sa paagi nin mga simbolóng ginamit. Iní saróng alegoría kan pagpamidbid satô ni Jesús, oróg na sa mga parte kan Eucaristía o Santa Misa.

𝗟𝗶𝘁𝘂𝗿𝗴𝗶𝗮 𝗸𝗮𝗻 𝗧𝗮𝘁𝗮𝗿𝗮𝗺𝗼𝗻 𝗮𝗻 𝗲𝗻𝗼𝘁 𝗻𝗮 𝗸𝗮𝗯𝘁𝗮𝗻𝗴 𝗸𝗮𝗻 𝗦𝗮𝗻𝘁𝗮 𝗠𝗶𝘀𝗮.

Sa dalan, tinukdô ni Jesús sa duwáng disipulos an tamang interpretasyon kan mga profesía dapít Saiya sa mga libro nin mga Tugon asín Profetas. Kayâ nagtutubód kitá na an gabós na Kasuratán makúkuá an pinaka-kahulugán ki Jesu Cristo. Siyá an kapanoan kan pagpamidbid nin Diós, kayâ Siyá an llave sa pakasabot sa mga Kasuratán, sa kasaysayan nin kaligtasan nin bilog na kinâban, patín sa satóng personál na istorya nin kasâlan asín kapatawadán.

Sabi sa 1 Pedro 1,21: “Huli Saiya nagtutubód kamó sa Diós na nagbangon Saiya halè sa mga gadán asín nagtaó Saiya nin kamurawayan; malà, an pagtubód nindo asín paglaom yaon sa Diós.”

Sa satóng pagsimba, nagdadangóg daw kitá nin maigot sa mga Babasahon? Pag-ulî, nabalô ta na lamang na balikán na basahon sa biblía an mga mga nadangog ta sa Santa Misa? Nagkaoras na lamang kitá sa paghorop-horop kan mga Babasahon susog sa mga experiencia ta sa buhay, o sa pag-adal pa nin hararom dapít sa tamang pagsabot kan mga iní? Paladan kitá kun nakagibo kitá maski sarô lamang sa mga iní. Nin huli ta an Banál na Kasuratán biyayà nin Diós sa katawohan.

𝗟𝗶𝘁𝘂𝗿𝗴𝗶𝗮 𝗸𝗮𝗻 𝗘𝘂𝗰𝗮𝗿𝗶𝘀𝘁𝗶𝗮 𝗮𝗻 𝗶𝗸𝗮𝗱𝘂𝘄𝗮𝗻𝗴 𝗸𝗮𝗯𝘁𝗮𝗻𝗴.

Kan sinda namamanggi, kinuá ni Jesús an tinapay, binaak, nagbendicion, asín binuksan an mga matá kan duwáng disipulos tanganing mamidbidan ninda Siyá. Hanggang ngonian, nagpapadagos an Saiyang presencia sa satóng buhay lalò na cada vez minacelebrár kitá kan Eucaristía.

An pagsimba ta cada Domingo, mas nahihilíng ta daw bilang obligación o mabiyayang pakipagtagpoan ki Cristo na tinátaó an Saiyang sadiri satô? Gurâno kahalagá satô an pag-akò Saiya sa comunión na nasa estado de gracia, boót sabihon, daí nakagibo nin kasâlan na mortál? Nasasabotan ta daw na an presencia asín participacion ta sa Santa Misa, nakakapakusóg man kan pagtubód kan lambang sarô na miembro kan Hawak ni Cristo?

𝗣𝗮𝗴𝗽𝘂𝗹𝗶 𝗮𝗻 𝗸𝗮𝘁𝗮𝗽𝘂𝘀𝗮𝗻 𝗸𝗮𝗻 𝗠𝗶𝘀𝗮.

Kan si Jesús náwarà na, nag-istoryahan an duwáng disipulos. Sa Lucas 24,32 nagsabi sinda: “Bakóng naglalaad an satuyang pusò kan nagtátarám Siyá satô sa dalan asin binubuksan satô an mga Kasuratán?” Dangan nagbalík sinda sa Jerusalem para ihirás iníng marhay na baretà sa mga pag-iriba.

Sa pagtapos kan Misa, an padì minasabi, “Padumán, tapos na an Misa.” Alagad daí kitá minahalè na siring saná kan dati, na garó daíng nabâgo satuyà, nin huli ta nakaibahan ta si Cristo asín dara-dara ta na an Saiyang presencia asín Marhay na Baretà sa satóng mga sadiri.

Sabi sa Psalmo 16,11, na iyó man an ipinahayag ni San Pedro sa Gibo kan Mga Apostoles 2,28: “Ipinaaram Mo sakô an mga dalan nin buhay; papanoón Mo akó nin kagaya-gayahan sa atubang Mo.”

Sa satóng pagsimba asin sa pagmisyon pakasimba, kitá nagigin Simbahan. Asín iní an satóng misyon: enot, na padagos pang bâgohon an sadiri susog sa kaimbodán ni Jesús tanganing makaarog pang lalò Saiya; ikaduwá, na ihirás an Saiyang pagkamoot sa laóg asín luwas kan satóng pamilya, lalò na sa panahón nin krisis siring ngonian, oróg na sa kapwang nangangaipo.
…

𝗚𝗜𝗬𝗔 𝗦𝗔 𝗣𝗔𝗚𝗛𝗜𝗥𝗔𝗦 | Maghirás kan saimong experiencia nin gracia, o kadipisilan, sa pagsimba. | 𝗚𝗜𝗬𝗔 𝗦𝗔 𝗣𝗔𝗚𝗛𝗜𝗥𝗢 | Anóng paagi nin paghiras kan bunga kan saindong pagsimba an pwede nindong magibo bilang komunidad/pamilya sa panahón nin krisis sa kapwang nangangaipo sa saindong komunidad?

𝗣𝗔𝗦𝗨𝗡𝗢𝗗-𝗦𝗨𝗡𝗢𝗗 𝗞𝗔𝗡 𝗪𝗘𝗘𝗞𝗟𝗬 𝗦𝗔𝗞𝗢𝗣/𝗙𝗔𝗠𝗜𝗟𝗬 𝗣𝗥𝗔𝗬𝗘𝗥-𝗠𝗘𝗘𝗧𝗜𝗡𝗚 | Kumustahan / Pamiridbidan • Disposition to Prayer / Silence • Gathering Song • Opening Prayer • Bible Reading • Reflection Preaching • Small Group Sharing • Prayers of the People • Call to Action • Closing Prayer (Spontaneous and Our Father) • Closing Song

16/04/2026

𝙎𝙖 𝙗𝙖𝙬𝙖𝙩 𝙥𝙖𝙨𝙖𝙙𝙖 𝙖𝙩 𝙥𝙖𝙜𝙡𝙖𝙤𝙩, 𝙠𝙖𝙩𝙪𝙬𝙖𝙣𝙜 𝙣𝙞𝙮𝙤 𝙠𝙖𝙢𝙞.🌊🏍️🛺

Alam namin ang hirap ng panahon, kaya naman ang pinakamababang interes na, mas pinababa pa namin! Abot-kamay na ang puhunan o pantawid pinansyal na walang dagdag na interes, exclusive para sa ating mga Simbag members.

Mag-apply na sa Simbag Zero Interest Loan hanggang June 2026. Tulong-tulong tayo sa pagbangon!

14/04/2026

Handa ka na bang mag-aral at magtrabaho sa Taiwan? 🇹🇼
Sali na sa MUST Study and Work Program Orientation & Exam!

📅 Kailan: Mayo 23, 2026
📍 Saan: El Palacio, Sarte Hall
🕘 9:00 AM: Orientation
🕐 1:00 PM: Entrance Exam

14/04/2026

KITA AN SIMBAG | SEDP MICROFINANCE
April 14, 2026 - TUESDAY

Topic: MUST Study and Work Program in Taiwan

13/04/2026

SIMBAG MASS
April 13, 2026 | Monday
MONDAY OF THE SECOND WEEK OF EASTER

Presider: 𝐑𝐞𝐯. 𝐅𝐫. 𝐖𝐢𝐥𝐬𝐨𝐧 𝐁𝐞𝐣𝐨 𝐉𝐫. 𝐈𝐈

12/04/2026

Simbag sa Pagtubod | 𝗔𝗡 𝗗𝗜𝗢𝗦𝗡𝗢𝗡 𝗡𝗔 𝗣𝗔𝗚𝗞𝗔𝗛𝗘𝗥𝗔𝗞 | 𝘎𝘪𝘺𝘢 𝘴𝘢 𝘗𝘳𝘢𝘺𝘦𝘳-𝘔𝘦𝘦𝘵𝘪𝘯𝘨 𝘯𝘪𝘯 𝘮𝘨𝘢 𝘚𝘢𝘳𝘢𝘥𝘪𝘵 𝘯𝘢 𝘒𝘰𝘮𝘶𝘯𝘪𝘥𝘢𝘥 𝘯𝘪𝘯 𝘗𝘢𝘨𝘵𝘶𝘣𝘰𝘥 (𝘚𝘈𝘒𝘖𝘗) 𝘱𝘢𝘳𝘢 𝘴𝘢 𝘚𝘦𝘮𝘢𝘯𝘢 𝘬𝘢𝘯 𝘈𝘣𝘳𝘪𝘭 12-18, 2026. 𝘉𝘢𝘴𝘢𝘩𝘰𝘯 𝘢𝘯 𝘌𝘷𝘢𝘯𝘨𝘦𝘭𝘪𝘰 𝘨𝘪𝘬𝘢𝘯 𝘴𝘢 𝘑𝘶𝘢𝘯 20,19-31 (𝘐𝘬𝘢𝘥𝘶𝘸𝘢𝘯𝘨 𝘋𝘰𝘮𝘪𝘯𝘨𝘰 𝘴𝘢 𝘖𝘤𝘵𝘢𝘷𝘢 𝘬𝘢𝘯 𝘗𝘢𝘴𝘬𝘰 𝘬𝘢𝘯 𝘗𝘢𝘨𝘬𝘢𝘣𝘶𝘩𝘢𝘺-𝘓𝘪𝘸𝘢𝘵).

𝗔𝗡 𝗗𝗜𝗢𝗦𝗡𝗢𝗡 𝗡𝗔 𝗣𝗔𝗚𝗞𝗔𝗛𝗘𝗥𝗔𝗞

𝘎𝘪𝘺𝘢 𝘴𝘢 𝘗𝘳𝘢𝘺𝘦𝘳-𝘔𝘦𝘦𝘵𝘪𝘯𝘨 𝘯𝘪𝘯 𝘮𝘨𝘢 𝘚𝘢𝘳𝘢𝘥𝘪𝘵 𝘯𝘢 𝘒𝘰𝘮𝘶𝘯𝘪𝘥𝘢𝘥 𝘯𝘪𝘯 𝘗𝘢𝘨𝘵𝘶𝘣𝘰𝘥 (𝘚𝘈𝘒𝘖𝘗) 𝘱𝘢𝘳𝘢 𝘴𝘢 𝘚𝘦𝘮𝘢𝘯𝘢 𝘬𝘢𝘯 𝘈𝘣𝘳𝘪𝘭 12-18, 2026. 𝘉𝘢𝘴𝘢𝘩𝘰𝘯 𝘢𝘯 𝘌𝘷𝘢𝘯𝘨𝘦𝘭𝘪𝘰 𝘨𝘪𝘬𝘢𝘯 𝘴𝘢 𝘑𝘶𝘢𝘯 20,19-31 (𝘐𝘬𝘢𝘥𝘶𝘸𝘢𝘯𝘨 𝘋𝘰𝘮𝘪𝘯𝘨𝘰 𝘴𝘢 𝘖𝘤𝘵𝘢𝘷𝘢 𝘬𝘢𝘯 𝘗𝘢𝘴𝘬𝘰 𝘬𝘢𝘯 𝘗𝘢𝘨𝘬𝘢𝘣𝘶𝘩𝘢𝘺-𝘓𝘪𝘸𝘢𝘵).
…

Kan taon 2000, binoót ni Papa San Juán Paolo II, na an Ikaduwáng Domingo sa Octava kan Pasko kan Pagkabuhay-Liwát icelebrar man bilang Domingo kan Diósnon na Pagkaherak. Duwá an pangapodan kainíng celebracion. Enot na danay kitáng maghagad nin asín magsarig sa pagkaherak nin Diós. Ikaduwá, na kitáng naherakan, magín maheherakón man sa satóng kapwa.

Ngonian na taón, kaipohan na iparomdom nanggad an mensahe nin pagkaherak. An gyera sa Irán asín an krisis sa bilog na kinâban nangyayari huli ta an mga makapangyarihan na pamayó asin mga tagasuporta ninda lulóng sa poder asín daíng herak sa kapwa.

Sa istorya sa Evangelio nagtatagò an mga disipulos huli sa takot sa mga autoridad asín sa mga kapwa ninda Judío. Nangyari iní sa banggi kan enot na aldaw kan semana asín sa banggi giraray kan suminunód na semana. Sa parehong okasyon, nagpahilíng sainda an satóng Kagurangnan Jesu Cristo na nabuhay-liwát.

An enot na aldaw kan semana iyó an nagin bâgong Aldaw kan Kagurangnán (Dies Domini sa Latín, Domingo sa Español) para sa mga disipulos, nin huli ta sa enot na aldaw nabuhay-liwát si Jesús. Kayâ embes na Sabado, Domingo na an Banál na Aldaw para sa mga Cristiano.

Alagad sa enot na aldaw na idto, takot asín pagkapurisaw an namatean kan mga disipulos. Pinarà ni Jesús an mga iní kan nagpahilíng Siyá sainda asín tinaó an Saiyang katoninongan.

An saradong haróng nagin taguán asín ligtas na lugar para sa mga disipulos, alagad nagi man ninda iníng kulungan kun saén an takot asín kapurisawan mas lalò pang nagdakulà asín nagkusóg.

Kitá man may mga siring na saradong haróng sa satóng buhay. Iní an mga ináapód tang “comfort zones” kun saén kitá ligtas asín harayô sa peligro, alagad nagpupugol satô na magin matalingkas, magtalubò, asín magbunga. Kun palaogón ta si Jesús sa satóng buhay, malagbas man Siyá sa satóng mga saradong pusò asín mapatalingkas sa satóng nalilibongan na isip asín nanluluyang boót.

Kan enot na magpahilíng sa Jesús sa saiyang mga disipulos, igwang daí nakasabáy: si Sto. Tomás. Kayâ daí siyá tulos nagtubód sa ibinaretà kan mga pag-iriba niyá. Sa ikaduwáng pagpahilíng, dinolok siyá ni Jesús asín kinahuron, dangan nasambit niyá an magayonon na kapahayagan nin pagtubód: “Kagurangnan ko asín Diós ko!” (Juán 20,28).

Kitá man pinapagiromdóm kan satóng pagmangno sa mga daí ta kaiba, sa mga nasa laylayan kan sociedád, asín sa mga nawawarà sa tamang dalan.

Sa halîpot na pagsabi, pinapahayag kainíng istorya an marhay na baretà kan Diósnon na Pagkaherak. Anó an pagkaherak? Iní an virtúd nin pangataman sa lambang sarô: an pagmakulóg sa kapwa, pagpatawad sa nagkasalà, asín pagtabang sa nangangaipo.

Sa Hebreo sa Lumang Tipan, hesed an pinakagamitón na tataramon dapít sa pagkaherak, asín iní minatukoy sa pagkamaimbód asín pagkamapatinawad nin Diós maski pirming nagkakasalà an Saiyang Piniling Banwaan.

Sa Griego sa Bâgong Tipan, eleos an pinakagamitón na tataramon kainí, asín oróg na nahihilíng iní sa kaligtasan na dará ni Cristo. Sabi sa Efeso 2, 4-5: “Nagsusùpay an pagkaherak nin Diós, asín dakulà an Saiyang pagkamoot satô, kayâ maski kan gadán pa kitá huli sa kasombikalan, binuhay Niyá liwát kitá kaiba ni Cristo.”

Mamîbî kitá na maghadè na an Diósnon na Pagkaherak sa pusò nin lambang sarô sa kinâban asín kitá man magin agihan nin pagkaherak para sa kapwang nangangaipo.
…

𝗚𝗜𝗬𝗔 𝗦𝗔 𝗣𝗔𝗚𝗛𝗜𝗥𝗔𝗦 | Maghirás kun pâno nagin maheherakón saimo an Kagurangnan, o kan iká natâwan nin oportunidad na magín maheherakón man sa kapwa. | 𝗚𝗜𝗬𝗔 𝗦𝗔 𝗣𝗔𝗚𝗛𝗜𝗥𝗢 | Anó an pwede nindong magibo bilang komunidad/pamilya sa pagpamatè kan Diósnon na Pagkaherak sa kapwang nangangaipo huli kainíng krisis?

𝗣𝗔𝗦𝗨𝗡𝗢𝗗-𝗦𝗨𝗡𝗢𝗗 𝗞𝗔𝗡 𝗪𝗘𝗘𝗞𝗟𝗬 𝗦𝗔𝗞𝗢𝗣/𝗙𝗔𝗠𝗜𝗟𝗬 𝗣𝗥𝗔𝗬𝗘𝗥-𝗠𝗘𝗘𝗧𝗜𝗡𝗚 | Kumustahan / Pamiridbidan • Disposition to Prayer / Silence • Gathering Song • Opening Prayer • Bible Reading • Reflection Preaching • Small Group Sharing • Prayers of the People • Call to Action • Closing Prayer (Spontaneous and Our Father) • Closing Song