Firda Seafood Group

23/05/2026

Byrknesguten Tore Larsen var 24 år då han byrja å arbeide for Martin E. Birknes Eftf. i november 2000. I dag er han konserndirektør for industri og sal i Firda Seafood Group. Han har vore heilt sentral og drivande i utviklinga av slakteri- og foredlingsverksemda vår, og i salsselskapet Firda Seafood. Gjennom satsinga som ein reindyrka og fullintegrert aureprodusent, har Tore hatt ansvaret for å styrke sal, marknadsføring, logistikk og eksterne kjøp av fisk. Alt dette har han gjort med integritet og kunnskap som plasserer han heilt i toppen av næringa. Han pleiar kundar og leverandørar fjernt og nært med sine gode sosiale ferdigheiter og evne til å finne løysingar.

I 2020 var Tore byggherre på vegne av Steelhead Invest for den nye barnehagen på Byrknes. Det moderne og flotte bygget blei reist på rekordtid, trass pandemien som prega landet og byggebransjen. Gulen kommune overtok og driv barnehagen, til stor glede og nytte for lokalsamfunnet.

Tore er høgt og lågt, han slår på stortromma for skulekorpset og stiller opp der det trengst. I ein arbeidskvardag prega av stadige overraskingar, er han heilt unikt stødig, konstruktiv og humoristisk. Rett og slett ein kjernekar og ein super kollega. Og framleis er han berre 50 år! Tenk så mykje meir vi skal skape i lag, og kor mykje moro vi skal oppleve!

Hjarteleg til lukke med dagen, kjære Tore!

19/05/2026

Få med deg opninga av sommarutstillinga på Skjerjehamn og Ørretens dag 2026

Det er duka for sterke kjensler og fargekraft når ein av Norges største artistar stiller ut bileta sine saman med ein av våre mest spennande unge kunstnarar på Skjerjehamn denne sommaren. Du kan få med deg opninga på pinseaftan.

Morten Abel (f.1962) er kjent for dei fleste som artist og låtskrivar, men færre veit at han har utdanna seg kunstfagleg og bygd ei karriere som biletkunstnar. Laurdag 23. mai opnar han sommarutstillinga på Skjerjehamn saman med den langt yngre drammensaren Lavrans Borgen (f.2004).

- Vi synest det er utruleg kult å kunne by på denne utstillinga. Skjerjehamn har gjennom dei siste 19 åra tilbydd eit mangfald av kunstopplevingar innafor musikk og biletkunst. Unge talent og erfarne kunstnarar har skapt fantastiske minne, frå Knut Steen og Nora Brockstedt, via Unni Askeland og Ari Behn, til Kjartan Lauritzen og Aurora Aksnes. At vi no kan vise fram legenda Morten Abel saman med kometen Lavrans Borgen er ei fullkomen feiring av Skjerjehamn si ånd, seier Håvard Sjursæther, kultur- og visningsansvarleg ved Skjerjehamn.

16/05/2026

Firda for meg 🐟

Vladyslav kom til oss som 18-åring – og er framleis her.
Han fortel om ein arbeidskvardag full av nye oppgåver, gode kollegaer og kontakt med kundar.

Det som held han her? Kjensla av at jobben han gjer faktisk betyr noko – for selskapet, og for kundane.

– Eg er stolt av at eg leverer resultat, og at Firda gir meg moglegheiter heile tida.
Det er akkurat slike folk vi er heldige å ha med oss 💙

10/05/2026

Firda for meg 🐟
Tore jobbar kvar dag for å levere riktig volum til riktig tid – til kundar i heile 18 tidssoner. 365 dagar i året.

Han er stolt av å vera med og ta heile fisken i bruk på ein berekraftig måte, og av at Firda betyr noko – både for folk verda over og for lokalsamfunnet her heime.

– Det er kort veg frå idé til handling her. Det er veldig, veldig bra.

No gler han seg til å feire 40-årsjubilanten. Og vi gler oss til fleire år saman med deg, Tore 💙

07/05/2026

Vår gode samarbeidspartner RENEX Servicepartner Vest As har stand på messa HavExpo og marknadsfører sitt tilbod for mellom anna kantinedrift og reinhald. Der kan ein nyte gode smaksprøvar av Firda Fjordaure. Vi er stolte av dette gode samspelet.

04/05/2026

Det er sjølvsagt ikkje berre eigarar og leiinga i Firda som føler uro kring den uavklarte situasjonen for Firda Eir.

"Dette innlegget handlar ikkje om å prosedere tvisten offentleg. Den ligg til behandling, og prosessen må få gå sin gang, og vi har full forståing for at regelverk og dyrevelferd skal ligge fast. Det finst likevel ei side ved saka vi meiner fortener merksemd no: Konsekvensane når lang og, etter vårt syn, urimeleg saksbehandling set folk og arbeidsplassar i spel", seier dei tilsette gjennom sine tillitsvalde.

Bård Ludvig Thorheim Trond Giske Helge André Njåstad Ove Trellevik Erling Sande - Senterpartiet

Vi ber ikkje om særbehandling. Vi ber ikkje om at omsyn til arbeidsplassar skal overstyre regelverk. Vi ber om rask og sakleg avklaring.

03/05/2026

Firda for meg 🐟

Nihat jobbar på Skjerjehamn – ein perle av ein plass med hotell, restaurant og visningssenter. Arbeidsdagen kan vare frå morgon til midnatt, alt etter kva gjester som er innom.

Han har jobba på Skjerjehamn i over 10 år, og er tydeleg på kva det betyr.
– Utan Firda hadde ikkje Skjerhehamn vore det same.

Vi er glade for at du styrer Skjerjehamn og tar vare på på gjestene som besøker ein av Vestlands flottaste perler! 💙

30/04/2026

Dei stadige utfordringane på sambandet Sløvåg-Leirvåg skaper store problem for oss. Bilane som køyrer fisken ut til kundane står utan omkøyringsveg når avgangar blir kansellerte eller reserveferja ikkje klarar å ta unna trafikken.

Me har valt å setje ord på den kritiske situasjonen som det ustabile ferjetilbodet påfører oss, og alle andre som har bruk for å ferdast over dette sambandet.

Firda føler sterkt på at me leverer på vår del av samfunnskontrakten. Me investerer og utviklar for ei framtid i Gulen. Men fylke og stat melder pass på dei grunnleggande tenestene som dei har ansvar for.

29/04/2026

Eit nytt produkt rullar ut frå Martin E. Birknes Eftf.

Fryselenke er praktisk, med lang haldbarheit, og ved at du kan klyppe av og tine enkeltstykke.

Med ei aurelenke i frysen har du alltid sunn og lettvint mat tilgjengeleg.

29/04/2026

Vi står på 24/7/365, for hver eneste dag å bli enda bedre. Større smolt betyr kortere opphold i sjøen, mindre lus og bedret fiskevelferd. I går var det støping av bunnen i siste karet i Arnafjord, vinteren er definitivt over å byggeprosessen i en mer «forutsigbar» periode.

27/04/2026

Vikariat - Kvalitetskoordinator i Firda Sjøfarmer

Vi søker deg som har ett sterkt engasjement for kvalitet, bærekraft og forbedringsarbeid. Som kvalitetskoordinator for våre anlegg vil du være med å sikre høy kvalitet i produksjonen. Bidra til å videreutvikle våre rutiner, systemer og prosesser.

Om stillingen:

Som kvalitetskoordinator vil du ha en sentral rolle i vårt kvalitetsarbeid og sørge for at våre produksjonsprosesser følger gjeldene regelverk, sertifiseringsordninger og interne krav. Du vil samarbeide tett med driftsledelse, driftsoperatører og biologisk personell for å sikre høy standard på både fiskevelferd, hygiene, biosikkerhet og dokumentasjon.

Full utlysning: https://www.finn.no/job/ad/461532067