Be Yours by Famous

30/09/2026

29/05/2026

ဆိုင်ကဝယ်စားသလို အရသာရှိပြီး ကြက်သွန်ဖြူဆီချက်နံ့သင်းသင်းလေးနဲ့ စားလို့ကောင်းမယ့် ကြေးအိုးဆီချက်လုပ်နည်းလေးပါ။

အိမ်မှာလုပ်စားတဲ့အခါ မိမိကြိုက်နှစ်သက်တဲ့ အသားနဲ့
အစာပလာတွေကို စိတ်ကြိုက်ထည့်ပြီး ပြင်ဆင်နိုင်ပါတယ်ရှင်

ပါဝင်ပစ္စည်းများ
ကြေးအိုးဖတ် ကြေးအိုးသီးသန့်ခေါက်ဆွဲဖတ် (သို့မဟုတ်) ဆန်ကြာဇံ ( ဆန်ပြားနှင့်ကြိုက်လျှင် ဆန်ပြားအစားထိုး သုံးနိုင်ပါသည် )

ဝက်သား (သို့မဟုတ်) ကြက်သား (အသားတုံးနှင့် အသားစင်း)
ဝက်အူချို၊ဝက်အသည်း: (ကြိုက်နှစ်သက်ပါက သန့်စင်ပြီးသား ထည့်နိုင်သည်)
ငုံးဥ ပြုတ်ပြီးသား ၅ လုံးခန့်
ကြက်သွန်မြိတ် ပါးပါးလှီးထားရန်
မုန်ညင်းစိမ်း / အိုးမုန်ညင်း အနေတော်လှီးထားရန်

ကြက်သွန်ဖြူဆီချက်ရန်
ကြက်သွန်ဖြူ ၁၅ မွှာခန့် (နုပ်နုပ်စင်း သို့မဟုတ် ထောင်းထားရန်)
ဆီ ဟင်းခတ်ဇွန်း ၃ ဇွန်းခန့်

အသားနှပ်ရန်နှင့် ဆော့စ်အတွက်
ပဲငပိအကြည် (Soy Sauce) စားပွဲတင်ဇွန်း ၂ ဇွန်း
ခရုဆီ စားပွဲတင်ဇွန်း ၁ ဇွန်း
နှမ်းဆီ လက်ဖက်ရည်ဇွန်း ၁ ဇွန်း
ကြက်သားမှုန့်၊ ဆား၊ သကြား အနည်းငယ်စီ
ပြောင်းဖူးမှုန့်:လက်ဖက်ရည်ဇွန်း ၁ ဇွန်း (အသားလုံးနူးညံ့စေရန်)
ငရုတ်ကောင်းမှုန့်: အနည်းငယ်

ပြုလုပ်နည်း

1. အသားလုံးရန်:ဝက်သား (သို့မဟုတ်) ကြက်သားနုပ်နုပ်စင်းထဲသို့ ပဲငပိအကြည်၊ နှမ်းဆီ၊ ဆား၊ ကြက်သားမှုန့်၊ ငရုတ်ကောင်းမှုန့်နှင့် ပြောင်းဖူးမှုန့်တို့ထည့်ပြီး စေးပိုင်နေအောင် သေချာနယ်ကာ အလုံးလေးများ လုံးထားပါ။
2. အသားတုံးနှင့် ကလီစာများ ဝက်သားတုံး၊ အသည်း၊ အူချိုတို့ကိုလည်း ပဲငပိအကြည်၊ ဆား၊ ကြက်သားမှုန့်တို့ဖြင့် အနည်းငယ် နှပ်ထားပါ။

ဒယ်အိုးထဲတွင် ဆီထည့်ပြီး ပူလာလျှင် နုပ်နုပ်စင်းထားသော ကြက်သွန်ဖြူများကို ထည့်ပါ။
မီးအေးအေးဖြင့် ကြက်သွန်ဖြူများ ရွှေဝါရောင်သန်းပြီး ကြွပ်လာသည်အထိ မွှေပေးပါ။
ကြက်သွန်ဖြူရောင်ပြောင်းလျှင် မီးပိတ်ပြီး ခွက်တစ်ခုထဲ ပြောင်းထည့်ထားပါ။ (ဒီဆီချက်က ကြေးအိုးဆီချက်ကို အနံ့ရော အရသာပါ ကောင်းမွန်စေပါတယ် )

အိုးတစ်လုံးထဲတွင် ရေ (သို့မဟုတ်) ကြက်ရိုးပြုတ်ရည်ကို ပွက်ပွက်ဆူအောင် တည်ပါ။
ရေဆူလာလျှင် နှပ်ထားသော အသားတုံး၊ အူချို၊ အသည်းများနှင့် အသားလုံးများကို ထည့်ပြုတ်ပါ။
အသားများနူးပြီး အသားလုံးများ အပေါ်ပေါ်တက်လာလျှင် မုန်ညင်းစိမ်းများကို ထည့်ပြီး ၁ မိနစ်ခန့် ခဏပြုတ်ကာ ဆယ်ယူထားပါ။ (ပြုတ်ရည်ကိုတော့ ကြေးအိုးဆီချက်နှင့် တွဲသောက်ရန် စွပ်ပြုတ်ရည်အဖြစ် သုံးနိုင်ပါတယ်)

အိုးအသစ်တစ်ခုတွင် ရေနွေးဆူဆူဖြင့် ကြေးအိုးဖတ်များကို နူးရုံလေး (၁ မိနစ်ခန့်) ပြုတ်ပြီး ဇကာဖြင့် ရေစစ်ထုတ်ပါ။
ဇလုံ (သို့မဟုတ်) ပန်းကန်လုံးအကြီးတစ်ခုထဲသို့ ပြုတ်ထားသော ကြေးအိုးဖတ်များ ထည့်ပါ။
ထို့နောက် ပဲငပိအကြည်၊ ခရုဆီ၊ နှမ်းဆီ၊ သကြားအနည်းငယ်၊ ငရုတ်ကောင်းမှုန့်နှင့်ကြက်သွန်ဖြူဆီချက်ကို ဆီရော အဖတ်ပါ ထည့်ပြီး သမအောင် သေချာဖွဖွလေး နယ်ပေးပါ။

ဆီချက်နယ်ထားသော ခေါက်ဆွဲဖတ်များကို စားမည့်ပန်းကန်ထဲ ထည့်ပါ။ အပေါ်မှ ပြုတ်ထားသော အသားလုံး၊ အသားတုံး၊ ကလီစာများ၊ မုန်ညင်းစိမ်း၊ ငုံးဥတို့ကို အလှဆင်ကာ တင်ပေးပါ။ နောက်ဆုံးတွင် ကြက်သွန်မြိတ်ပါးပါးလှီးထားတာလေး ဖြူးပြီး ငရုတ်ကောင်းမှုန့် ခပ်ပေးရုံဖြင့် အလွန် အရသာရှိတဲ့ ကြေးအိုးဆီချက် ပူပူမွှေးမွှေးလေးကို သုံးဆောင်နိုင်ပါပြီ။

ပြုတ်ထားတဲ့ အသားပြုတ်ရည်ထဲကို ဆား၊ ကြက်သားမှုန့်၊ ငရုတ်ကောင်းမှုန့်နဲ့ ကြက်သွန်မြိတ်လေးခပ်ပြီး ကြေးအိုးဆီချက်နဲ့တွဲဖက်ဖို့ စွပ်ပြုတ်ရည်အဖြစ် တွဲဖက်သုံးဆောင်နိုင်ပါတယ်ရှင်

27/05/2026

ရှမ်းရိုးရာ 🐟ငါးထမင်းနယ် (ငါးထမင်းချဉ်) ကောင်းကောင်းလေးကို အိမ်မှာတင် အရသာရှိရှိ သန့်သန့်ရှင်းရှင်း လုပ်စားလို့ရမယ့် နည်းလမ်းလေးကို မျှဝေပေးလိုက်ပါတယ်ရှင်

ပြုလုပ်ရတာ သိပ်မခက်ဘဲ လိုအပ်တဲ့ အမယ်လေးတွေ စုံရင် ဆိုင်က ဝယ်စားရသလိုမျိုး ရှမ်းအရသာစစ်စစ်ကို ရရှိမှာပါ။

ပါဝင်ပစ္စည်းများ
🐠ထမင်းဆန်စေးစေး (သို့) ရှမ်းဆန် (ချက်ပြီးသား အအေးခံထားပါ)

🐠ငါး ငါးကြင်း (သို့) ဆလားဗီးယား (ပြုတ်ပြီး အသားနွှင်ထားပါ)

🐠အာလူး ပြုတ်ပြီး ချေထားပါ (ထမင်းကိုစေးစေးလေးဖြစ်အောင် ကူညီပေးပါတယ်)

🐠ခရမ်းချဉ်သီး သုံးလေးလုံး (ချက်ပြီး ဆီသတ်
ရန်)
🐠 ပဲပုပ် တွဲဖက်စားသုံးရန် ကြော်ထားပါ
🐠နနွင်းမှုန့်၊ ဆား၊ ဟင်းခတ်မှုန့် (အနည်းငယ်စီ)
🐠ဆီ ဆီသတ်ရန်နှင့် အပေါ်ကဆမ်းရန် (နှမ်းဆီ သို့မဟုတ် မြေပဲဆီ)
🐠တွဲဖက်စားသုံးရန် ကြက်သွန်ဖြူဆီချက်၊ ကြက်သွန်မြိတ်၊ ပဲပုပ်ကြော် ၊ ဂျူးမြစ်

ပြုလုပ်နည်း

🐟ငါးကို နနွင်းမှုန့်၊ ဆားအနည်းငယ်တို့ဖြင့် နူးညံ့သွားအောင် ပြုတ်ပါ။ ပြီးလျှင် အအေးခံပြီး အရိုး လုံးဝမပါအောင် သေချာအသားနွှင်ထားပါ။
2. အာလူးကိုလည်း နူးနေအောင်ပြုတ်ပြီး အခွံခွာကာ ညှပ်နေအောင် သေချာထောင်းထား (သို့) ချေထားပါ။

🐟ခရမ်းချဉ်သီးကို နှုးညံ့သွားအောင် ပြုတ်ပြီး အခွံနဲ့ အစေ့ထုတ်ကာ အနှစ်ရအောင် ချေပါ။ (သို့မဟုတ် အဆင်ပြေရင် အသားသီးသန့်ကို ညှက်နေအောင် စင်းပါ)။

🐟ဒယ်အိုးထဲ ဆီထည့်၊ နနွင်းမှုန့်လေးနည်းနည်းခတ်ပြီး ခရမ်းချဉ်သီးအနှစ်တွေကို ဆီလည်ရေလည် ဖြစ်အောင် သေချာချက်ပေးပါ။ ပြီးရင် အအေးခံထားပါ။

ထမင်းနယ်ခြင်း
🐬ဇလုံအကြီးတစ်ခုထဲတွင် ချက်ထားသော ထမင်း၊ နွှင်ထားသော ငါးအသား၊ ချေထားသော အာလူးပြုတ် နှင့် ချက်ထားသော ခရမ်းချဉ်သီးဆီချက် အနှစ်တို့ကို ထည့်ပါ။
🐬ဆား၊ ဟင်းခတ်မှုန့် အနည်းငယ် ထည့်ပြီး အားလုံးသမသွားအောင် လက်အိတ်စွပ်ကာ သေချာဆုပ်နယ်ပေးပါ။ (ထမင်းလုံးများ ကြေပြီး အာလူး၊ ငါးတို့နှင့် တစ်သားတည်းဖြစ်ကာ စေးပိုင်လာသည်အထိ နယ်ရပါမည်)။
🐬အရသာအပေါ့အငန်မြည်းပြီး မိမိစိတ်ကြိုက်ဖြစ်ပြီဆိုလျှင် အလုံးလေးများ (သို့) ပန်းကန်လုံးထဲ ထည့်ပြီး ပုံစံသွင်းကာ ပန်းကန်ထဲ မှောက်ထည့်ပါ။

ငါးထမင်းနယ်ကို ပန်းကန်ထဲ ပြင်ပြီးပြီဆိုရင် ပိုပြီး အရသာရှိသွားအောင် အပေါ်ကနေ ကြက်သွန်ဖြူ ဆီချက်မွှေးမွှေးလေးဆမ်းပါ။
ကြက်သွန်မြိတ်ပါးပါးလှီးထားတာလေး ဖြူးပါ။
ဂျူးမြစ်လေး နဲ့ ပဲပုပ်ကြော် ထည့်ပါ

ငါးထမင်းနယ်ရဲ့ လျှို့ဝှက်ချက်က အာလူးပြုတ်နဲ့ ခရမ်းချဉ်သီးအနှစ်ပါပဲ။ အာလူးက ထမင်းကို စေးစေးလေးဖြစ်စေပြီး ခရမ်းချဉ်သီးချက်က ချိုချဉ်အရသာလေးကို ပေးစွမ်းတာမို့ ပိုပြီး စားလို့ကောင်းစေပါတယ်။

ကြက်အူချောင်းကြော် / ဝက်အူချောင်းကြော် နှင့် အခြားအသားကြော်များနဲ့လဲ တွဲဖက် စားလို့ လိုက်ဖက်ပါတယ်

အိမ်မှာ လုပ်စားကြည့်လို့ အဆင်ပြေရဲ့လား ပြောပြပေးပါဦးနော်။ အရသာရှိရှိ သုံးဆောင်နိုင်ပါစေရှင်

ပုံလေးက မင်မင်တို့ ဆိုင်မှာ ရောင်းတဲ့ ပုံလေူ ထည့်ပေးထားပါတယ်ရှင် 😍🐬🐟🐠

26/05/2026

ရာသီဥတု ပူလို့ ထမင်းစားမကောင်းပဲ ခံတွင်းပျက်နေတဲ့ ကာကာတွေအတွက်
အရသာ အရမ်းရှိပြီး ထမင်းမြိန်စေမယ့် ဝက်နံရိုး မီးတောက် (နံရိုးချဉ်စပ်)ချက်နည်းကို မျှဝေပေးလိုက်ပါတယ်။

အသားနူးနူးညံ့ညံ့နဲ့ အချဉ်၊အငန် ၊ အစပ် အရသာ
ရှိစေမယ့် ချက်နည်းဖြစ်ပါတယ်။

လိုအပ်သော ပါဝင်ပစ္စည်းများ

🐷ဝက်နံရိုး:၅၀ သား (အနေတော် တုံးထားပါ)

🐷စပါးလင် ၂ ပင် (ထုပြီး အပိုင်းပိုင်း ဖြတ်ထားပါ)

🐷ဂျင်း 🐷အနည်းငယ် (ပါးပါးလှီး သို့မဟုတ် ထုထားပါ)

🐷ကြက်သွန်ဖြူ ၅ မြွှာ (ထုထားပါ)

🐷ငရုတ်သီးစိမ်း/နီ မိမိကြိုက်နှစ်သက်သလောက် (မီးတောက်စတိုင်ဆိုလျှင် ခပ်များများ သုံးနိုင်ပြီး ညှပ်ထား သို့မဟုတ် ထုထားပါ)

🐷ရှောက်သီး (သို့မဟုတ်) သံပရာသီး ၂ လုံး (အရည်ညှစ်ရန်)

🐷နံနံပင် သို့မဟုတ် ရှမ်းနံနံ ခပ်များများ ( ညှပ်ထားပါ )

🐷ငါးငံပြာရည် ဟင်းခတ်ဇွန်း ၃ ဇွန်း

🐷 ကြက်သားမှုန့် (သို့မဟုတ်) အချိုမှုန့်အနည်းငယ်

🐷 ဆား အနည်းငယ်

🐷ရေ နံရိုးနူးရုံ (မြုပ်ရုံခန့်)

ချက်ပြုတ်ပုံ

1. ဝက်နံရိုးများကို စင်ကြယ်အောင် ဆေးကြောပြီး ရေစစ်ထားပါ။
2. အိုးတစ်လုံးထဲတွင် ဝက်နံရိုး၊ ရေ (နံရိုးမြုပ်ရုံ)၊ စပါးလင်၊ ဂျင်း၊ ကြက်သွန်ဖြူနှင့် ဆား အနည်းငယ်တို့ကို ထည့်ပါ။
3. မီးအလယ်အလတ်ဖြင့် ဝက်နံရိုးများ နူးအိနေအောင်တည်ထားပေးပါ (စွပ်ပြုတ်ရည် ပမာဏ) (အမြှုပ်များတက်လာလျှင် ခပ်ထုတ်ပေးပါ)။

ချဉ်စပ်အရသာ စပ်နည်း
နံရိုးများ နူးအိသွားပြီဆိုလျှင် မီးပိတ်လိုက်ပါ။ (မီးဖိုပေါ်က ချပြီးမှ အချဉ်ထည့်လျှင် အခါးရသာ မထွက်ဘဲ ပိုမွှေးပါတယ်)။
ထိုအိုးထဲသို့ငါးငံပြာရည်၊ ကြက်သားမှုန့်၊ ငရုတ်သီးစိမ်း/နီ ညှပ်ထားသည်များနှင့် သံပရာရည် (သို့မဟုတ်) ရှောက်ရည်တို့ကို ထည့်ပြီး သမအောင် မွှေပေးပါ။
အရသာကို မြည်းစမ်းကြည့်ပြီး မိမိစိတ်ကြိုက် အချဉ်၊ အစပ်၊ အငန် လိုသလို ထပ်ဖြည့်ပါ။

🐷🐷🐷အချဉ်ရည်ကို အိုးထဲ တခါတည်း မထည့်လိုလျှင် ပန်းကန်နှင့် သီးသန့် ဖျော်ထားပြီး စားခါနီးမှ လောင်ူထည့်လဲ ရပါတယ်ရှင် 🐷🐷🐷

အရသာ အားလုံး အဆင်ပြေပြီဆိုလျှင် နံနံပင် သို့မဟုတ် ရှမ်းနံနံ အုပ်ပြီး အပူရှိန်ဖြင့် ခဏဖုံးထားလိုက်ပါ။

💡 ပိုပြီး စပ်စပ်လေးနဲ့ အရောင်လှလှလေး လိုချင်
ရင် ငရုတ်သီးစိမ်းအပြင် အလှော်မှုန့် (ငရုတ်သီးခွဲခြမ်း ကြော်)အနည်းငယ် ထည့်သွင်း ချက်ပြုတ်နိုင်ပါတယ်။

တကယ့်ဆိုင်က စတိုင်အတိုင်း "မီးတောက်" ပုံစံ ပူပူစပ်စပ် သုံးဆောင်ချင်ရင်တော့ Hot Pot အိုး ထဲ ပြောင်းထည့်ပြီး အောက်က မီးအပူပေးထားရင်း သုံးဆောင်ရင် အကောင်းဆုံးပါပဲရှင်

ထမင်းလေးနဲ့ လဲ လိုက်ဖက်လွန်းလို့ အဆင်ပြေပြေ ချက်ပြုတ်မြည်းစမ်းကြည့်နိုင်ပါပြီ။

25/05/2026

ချဉ်ချဉ် ငံငံ စပ်စပ်နဲ့
တစ်လုပ်စားတိုင်း လျှာလည်သွားစေမယ့်
သင်္ဘောသီးထောင်း (ထိုင်းစတိုင်)
ကောင်းကောင်းလေး လုပ်နည်းကို မျှဝေပေးလိုက်ပါတယ်ရှင် ….

အိမ်မှာတင် ဆိုင်ကထောင်းသလို အရသာမျိုးရအောင် အချိုးအစားလေးတွေနဲ့ ပြောပြပေးသွားပါမယ်။

လိုအပ်သော ပစ္စည်းများ

✨သင်္ဘောသီးစိမ်း: တစ်လုံး (အခွံခွာ၊ ရေဆေးပြီး မျှင်မျှင်လေးတွေဖြစ်အောင် ခြစ်ထား သို့မဟုတ် ဓားနဲ့စင်းထားပါ)

✨မုန်လာဥနီ (ခါကျက်ဥ): အနည်းငယ် (အရောင်လှအောင် သင်္ဘောသီးနဲ့အတူ အမျှင်ခြစ်ထားပါ)

✨ငရုတ်သီးစိမ်း/နီ: မိမိအစပ်ကြိုက်သလောက် (၅ တောင့်မှ ၁၀ တောင့်ခန့်)

✨ကြက်သွန်ဖြူ: ၄-၅ တက်

✨ခရမ်းချဉ်သီး: ၁ လုံး (အစိတ်လေးတွေ စိတ်ထားပါ)
✨ပဲသီး: ၂ တောင့်ခန့် (လက်နှစ်ဆစ်ခန့် ဖြတ်ထားပါ)
✨မန်ကျည်းမှည့်အနှစ်: ထမင်းစားဇွန်း ၁ ဇွန်းခန့်
သံပရာသီး: ၁ လုံး (ညှစ်ရန်)

✨ငါးပိရည် (သို့) ငံပြာရည်: ထမင်းစားဇွန်း ၁ ဇွန်းခန့် (အနံ့မွှေးပြီး ထိုင်းစတိုင်ကြိုက်ရင် ထိုင်းငါးပိရည် "သုံးနိုင်ပါတယ်)

✨ထန်းလျက် (သို့) အုန်းသကြား: ထမင်းစားဇွန်း ၁ ဇွန်း (အရသာကို ချိုချဉ်ဆိမ့်ဖြစ်စေပါတယ်)

✨မြေပဲလှော် နှင့် ပုစွန်ခြောက်: အနည်းငယ် (အပေါ်ကဖြူးရန်)

ပြုလုပ်နည်း…

1 ငရုတ်ဆုံထဲသို့ ကြက်သွန်ဖြူ နှင့် ငရုတ်သီး များကို ထည့်ပြီး ညှက်နေအောင် မဟုတ်ဘဲ အနည်းငယ် ကြေသွားရုံ ထောင်းပါ။

2 ပြီးလျှင် လက်နှစ်ဆစ်ခန့် ဖြတ်ထားသော ပဲသီး များကို ထည့်ပြီး ခပ်ဖွဖွလေး ထပ်ထောင်းပါ။ (ပဲသီး အရည်ထွက်ပြီး အရသာဝင်အောင်ပါ)

အရသာစပ်ခြင်း
1 ငရုတ်ဆုံထဲသို့ ထန်းလျက် (သို့) အုန်းသကြား၊ မန်ကျည်းရည်၊ ငံပြာရည် (သို့) ငါးပိရည် နှင့် သံပရာရည် တို့ကို ထည့်ပါ။

2 ဇွန်းတစ်ချောင်းဖြင့် သကြားများ ကြေသွားသည်အထိ မွှေပေးပြီး အရသာကို မြည်းကြည့်ပါ။ (ချဉ်၊ စပ်၊ ငံ၊ ချို အရသာ မျှတနေရပါမယ်)။

3 အရသာရပြီဆိုလျှင် စိတ်ထားသော ခရမ်းချဉ်သီး များကို ထည့်ပြီး ခပ်ဖွဖွလေး ထောင်းကာ အရသာရည်များနှင့် သမအောင် မွှေပေးပါ။

သင်္ဘောသီးနှင့် နယ်ခြင်း
1 နောက်ဆုံးတွင် ခြစ်ထားသော သင်္ဘောသီးနှင့် မုန်လာဥနီ များကို ငရုတ်ဆုံထဲ ထည့်ပါ။
2 အားလုံးသမသွားအောင် ဇွန်းဖြင့်လည်းမွှေ၊ ကျည်ပွေ့ဖြင့်လည်း ခပ်ဖွဖွလေး ဆောင့်ပေးပါ။ (သင်္ဘောသီးတွေ ကြေမသွားစေဘဲ အရသာရည်တွေ စိမ့်ဝင်သွားရုံပဲ ထောင်းရမှာဖြစ်ပါတယ်)။
3 အရသာအားလုံး အနေတော်ဖြစ်ပြီဆိုလျှင် ပန်းကန်ထဲ ပြောင်းထည့်ပြီး အပေါ်ကနေ မြေပဲလှော် နဲ့ ပုစွန်ခြောက် လေး ဖြူးလိုက်ရင် အရသာရှိတဲ့ သင်္ဘောသီးထောင်း ရပါပြီရှင်

သင်္ဘောသီး ခြစ်ပြီးသားကို ရေခဲရေထဲ ၅ မိနစ်ခန့် စိမ်ထားပြီးမှ ရေစစ်ကာ ထောင်းရင် သင်ေ္ဘာသီးလေးတွေက ပိုပြီး စိမ်းစိမ်းစိုစိုနဲ့ ကြွပ်ကြွပ်ရွရွလေး ဖြစ်နေပါလိမ့်မယ်။

မိမိကြိုက်နှစ်သက်ရင် မုန့်ဖတ်လေးတွေနဲ့ပါ တွဲဖက်ပြီးစားသုံးနိုင်ပါတယ်ရှင်
အစပ်အဟပ်တည့်တည့်နဲ့ အားရပါးရ ထောင်းစားကြည့်လိုက်ပါဦး!

17/04/2026

မင်္ဂလာရှိသော မြန်မာ့နှစ်သစ်ကူး အခါသမယမှာ
မိတ်ဆွေများနှင့်တကွ မိသားစုဝင်များအားလုံး စီးပွားလာဘ်လာဘများ ဒီရေအလား တိုးပွားပါစေကြောင်း ဆုတောင်းပေးလိုက်ပါတယ်….