AM sweet

07/01/2024

يسعد مساءكم
طبعا رجعتلكم بس رجعة قعدا عالخفيف بنخدم حسب الطلب فقط يعني بالحجز والافضل يكون حجز مسبق يعني قبل بيوم والتسليم الفوري مش حيكون ديما موجود انتي والحظ لو حجزي بكري من الصبح ممكن يتوفر للعشيه 🥹❤️وبالنسبه للديسباسيتو فيه العادي ب7😊والدلع بحشوة البندق والكندر واللوتس وحنوفر البستاشيو حتى هو حيكون سعره ب9 🥰وكله حسب الطلب فقط يعني تطلبي شي معين ونخدمهولك وكله بسعره مفيش حاجه اكثر من حقي مع غلا اسعار المواد كل شي وحقه ❤️واي استفسار عالخاص
ويومكم قنين 😊😉

15/08/2023

‎ #منقول التريندات ديما تخطِّر عليا في المسيح الدجَّال -أعاذنا الله من فتنته-، بحيث المسيح الدجال هو أكبر فتنة منذ خلق الله سيدنا آدم عليه السلام حتى قيام الساعة، والرسول صلى الله عليه وسلم أمرنا نتعوذوا من فتنته وشرها، والترندات تحسُّوها فتن صغيرة متجزأة يتبعها الناس من غير وعي لحقيقتها وشن وراها وهل الهدف منها سليم أو غير هكي وهل هو مجرد ترند بريء أم أن اللي يديره يولِّي أداة متحكمين فيها ومستفيدين منها لمصالحهم من غير إدراك منه إنه حتى قاعد يفيد فيهم، يعني تخيلي تكوني تخدمي في أجندة وأشخاص من غير ما يكون قصدك تخدميهم، بل حتى الأجندة هذه تكون عكس مبادئك وأفكارك
وتعارض دينك وأخلاقك وأنتِ ما تندريش.
‎ترند #باربي مثلاً، الترند أصله دعايات مدفوعة الثمن بملايين الدولارات لفيلم باربي اللي نزل جديد، ومن كثر ما صرفوا على الدعاية وتعاونوا مع شركات الملابس والأحذية وخلُّونا نشوفوا باربي في كُل مكان خلاص الناس بدت تدير في الدعاية للفيلم ببلاش وتسوقله من غير حتى وعي منها وتحط في أغنية الفيلم وتلبس وترقص عليها وتشهر فيه
الفكرة وين؟ إن الفيلم مش آهو فيلم عادي وخلاص وبريء، لا الفيلم موجه وخبيث وزارعين فيه أفكار يبوها توصل لعقول المسلمين بأهون السُّبل، فيلم يدعم النسوية اللي تلتغى فيها وظيفة الراجل في الحياة لأن باربي قادرة تدير كُل شيء من غيره ومش محتاجتله وعالمها عالم الباربيات عالم حلو وبمبي لأن الرجالة مش متحكمين فيه، على عكس عالمنا الواقعي اللي النساء فيه مضطهدين ويتحكم فيهم الرجال ومش قادرين يلغوا السيطرة الذكورية هذه
محاولات لإلغاء فكرة القوامة للرجل يلي فرضها ديننا وإن الباور كله للمرأة وبيه وإلا بلاه هي سعيدة بل في غيابه هي أسعد وأجمل وعايشة حياة أحلى
من غير دعم الباربي لقوم لوط والمُخنثين وإضافة باربي متحولة في الفيلم وكأنها حاجة عادية جداً وجزء من حياتنا الطبيعية تعيشي مع ناس متحولة من ذكر لأنثى الله المستعان
من غير كلمات الأغنية اللي مش بريئة أبداً ولا محطوطة بعشوائية
من غير الآثام الثانية من لبس وتعري وموسيقى ووووو، كلها المُسلمين دارولها دعاية باش الناس يجيهم فُضول يتفرجوا على الفيلم الممنهج هذا
لا أعتقد إن أي مُسلم حيكون ليه الشرف يكون جزء من ترند لشيء دنيء حشاكم زي فيلم باربي، ولو في ناس خاشين على الترندات هذه بنية بريئة وإن مجرد لون زاهي وآهو باربي حلوة وكيوت -وهذا أغلب اللي صاير- فيراجعوا نفسهم، ويا ريت نوصلوا لمرحلة ما نخلوش حد يتحكم فينا باش يخدم مصلحته وأفكاره، ربي خلقلنا عقل نعقلوا بيه ونختاروا بيه بين الصح والغلط.. وحررنا من العُبودية وأفكار الجاهلية وأنعم علينا بنور الإسلام، يا ريت ما نخشوش معاهم لظلامهم وخبثهم وشرهم، ونحافظوا على نعمة ديننا يلي من علينا الله بيه، ونتمسكوا بما أعطانا الله من قوة ونفلتروا أي أفكار أو مُعتقدات مُحرمة، وربي يقدرنا على أنفسنا احني وعائلاتنا وأصدقاءنا وأحبابنا ونربوا صغارنا على الفلترة هذه، لأن الفتن أصبحت عظيمة الله يعيذنا من شرها.

12/08/2023

بسم الله ❤️
توكلنا على الله ❤️
رجعتلكم من جديد
متوفرات ديسباسيتو حجم صغير وحجم متوسط تسليم فوري
❤️❤️

10/10/2022

15/08/2022

النجاح لا يحتاج إلى أَقدام بل يحتاج إلى إِقدام

كن _انت صاحب همة عظيمة وحقق نجاحك.💪

❤🌹

13/08/2022

❤💫عود نفسك أن تعمل بلا تشجيع وأن تنجز دون تصفيق وأن تثق بنفسك بصرف النظر عن رأي الآخرين بك.❤💫