10/12/2025
إلى اللقاء يا احلى مشروع فتحته الى هذه اللحظة،
كل شي درته بنفسي ومن تحت الصفر مشروع براس مال جبته من بيع سيارتي وقسمت حقها الى نصفين نصف درت بيه المشروع ونصف ثاني وخديت سياره تمشيني فتره على اساس نشري سيارة ثانيه من الارباح الي منطلعهن من المشروع كان كل شي نديره الاول مره اول مره نصمم عربه ونخدمها عند النجار بروحي اول مره نصمم لوقو وساعدني شخص في الاسم اول مره نوصي على منتج من الصين الي هيا نافورة الشوكولاته كان شعور ممزوج بين التوتر والخوف من شي جديد وشعور الفرح اني نفتح في مشروع بروحي حتى الفكره كانت جديده في بلادي ممكن اليوم ويعد 10 شهور من العمل والتعب والجهد الي درته بس يشهد الله معمري ندمت عليه وكان اجمل شي في حياتي برغم اني درت مشاريع صغيره قبل بس هدا كان ليه طعم ثاني ممكن اني خسرت وسكرت اليوم بس ربحت اشياء تانيه اهم بكثيير كسبت محبتكم وتعرفت على ناس جديده وكسب خبره ومعرفه ممتازه كان المشروع زي الكورس المكثف الي سقل مهاراتي بشكل كبيير تعلمت كل شي فيه امور الحلويات والشوكولاته والكيك وكل شي، وغلطت مليون غلطه في المشروع بس شي هدا علمني وفادني اكثر ديمه هكي اهم الدروس الي تتعلمها من الحياة لازم تجي بالطريقه الصعبه في النهايه نشكركم على حبكم وعلى دعمكم وتشجيعكم ليا بارك الله فيكم ♥️
شوكو لندن مش مجرد عرفه شوكولاته حلمي الكبير ندير معرض ومصنع شوكولاته كبير يقعد معلم سياحي لي مديني وبلادي اجمع بس المعروف في ريادة الاعمال ديمه ابدا صغير وتكبر بشوي مشروعي اليوم وقف بس حلمي لا، حبيت نوقف حتى نعاود نرتب نفسي ونستمر في البحث عن مستثمر يحتوي فكرتي ونفتح مره ثانيه بشكل احسن بواجد وافضل من قبل ان شاء الله القادم افضل بكثييرر من الي مضى وربي يوفق الجميع خليكم متابعيني مره مره انزلكم وصفات كيك وحلو لين نفتح صفحه ثانيه مخصصه لي محتوى الاكل ان شاء الله.
ولدكم حسام ♥️🫶🏼
