Refreshment

26/08/2026

我哋係新蒲崗同大家重新見面🎈

沉澱過後，我哋選擇喺新蒲崗重新出發。🌾雖然營運模式轉變左，但初衷不變——依然想用美食為你嘅日常帶來一點 Refresh。

新階段我哋將專注做好外賣及到會服務：🛵 日常外賣無論係忙碌嘅工作午餐，定係收工後嘅 Me-Time，你都可以透過 Foodpanda 或 KeeTa 搵到我哋，將美味直送上門。

與此同時我哋亦都會提供到會服務，我哋現已承接各類公司聚會、家庭派對到會，為你量身訂造精緻餐點。期待喺新蒲崗，以另一種方式參與你嘅生活。日常落單請即上外賣 App 搜尋，到會預訂歡迎隨時 DM 了解詳情。 #新蒲崗 #香港外賣 #到會推薦

01/08/2026

多謝你哋咁多位，觀塘嘅Refreshment 正式畫上句號。 🎈

最後嘅營業日，小店收到order嘅情況比我哋預期中仲要震撼。因為工作量實在極度巨大，以至未能起各方面做得盡善盡美，望請見諒🙏。同時非常抱歉，我哋未能接應所有的 WhatsApp 訂單，亦未能好好同親臨現場的每一位客人一一道別🙇。看著大家傳來的訊息和現場支持的身影，我哋心中充滿感激。呢段日子以來，真係很感謝每一位陪伴Refreshment 成長。雖然實體店暫時告一段落，但係你哋帶比我哋嘅祝福，我哋會一直記係心一面。❤️

與此同時我哋籌備轉型,希望起唔同平台可以再同大家見面

祝願大家生活愉快🙏

24/07/2026

23/07/2026

其實我哋買得平係唔係有問題,我哋開咗四年今次第一次畀人質疑,無言！

21/07/2026

特別呈獻

21/07/2026

【用味道寫下句號。結業前特別呈獻：印度奶油咖哩雞藜麥飯🐔】

感謝大家一直以來對我哋嘅厚愛同埋支持。係宣佈結業後，收到很多客人嘅訊息，字裡行間滿滿嘅不捨，令我們非常滾動🥺。為了回饋呢份心意，我們決定係最後嘅營業日子裡面，會再次推出【印度奶油咖哩無骨春雞配藜麥飯 】、特別呈獻畀「你好L7多飯」嘅你哋。呢個咖哩，係我哋為呢段美好旅程嘅終點致敬。多謝你哋參與我們嘅過去同時祝福我哋嘅將來❤️,希望呢個出品，能為我哋共同嘅回憶畫上一個完美的句號。期待Refreshment能夠再次為你送上熱辣辣嘅滋味。

✨ 營業至最後一天，限定供應。📌 建議提早 WhatsApp
預約，確保能品嚐到這份臨別心意。

#感恩有你
#印度奶油咖哩雞
#最後倒數
#回憶的味道

05/07/2026

📢📢📢珍重再見：
感謝大家呢幾年嘅陪伴。我們要抱著萬分不捨嘅心情向大家宣佈，觀塘 Refreshment 將於 2026年7月31日 正式結束營業。🥺

在馬拉松比賽中，Refreshment的意思係參賽選手嘅補給站，我哋亦都藉此希望為各位在觀塘工作嘅「選手」打打氣💪。由開業至今Refreshment 一直努力為大家係繁忙嘅觀塘鬧市中，送上最用心製作嘅外賣美食。不論係清新健康嘅沙律、惹味彈牙嘅意粉，定係香濃軟糯嘅意大利飯，每一份外賣、每一個餐盒，都承載住我哋對品質嘅堅持。仲使喺上年有同伴因為身體問題而要休業一段長時間，我哋仍然咬緊牙關，重新企返起身，多謝你哋嘅等待同埋打氣嘅說話。最令我哋難忘同埋感恩嘅事，係每一位支持過我們嘅客人，感謝每日午市來捧場、喺茫茫食肆入面選擇我哋小店嘅上班族。感謝經常大批訂購，對我們廚藝給予肯定嘅公司或者團隊。感謝每一位比過我哋意見、包容過我們不足的熟客。雖然外賣嘅形式步履匆匆，但每一次接過訂單、每一次交收時嘅眼神交會同埋一句「辛苦曬」、「唔該曬」、「你哋啲嘢好好食，加油!」、「你哋環境好熱記得飲多啲水」 都令到我哋感到無比溫暖❤️

能夠係呢片社區成為大家午餐嘅回憶，是 Refreshment 全體團隊最大的成就同埋榮幸。係倒數的嘅一個月入面（即日起至7月31日），我們依然會堅守崗位，用不忘初心的態度為大家烹調最後嘅美味。歡迎大家係結業前繼續嚟支持我哋，等我哋能夠把握最後機會，親口同你講一聲「多謝曬」。亦都希望日後有機會用其他形式再同大家見面👋

最後，衷心祝願大家喺未來的日子裡面，無論工作有幾繁忙都好，都要記得為自己人生嘅馬拉松好好尋找一個休息時間同埋補給站。

Refreshment只有三位成員的團隊敬上🙇