11/06/2025
اهلا كل الروستاوية 👋
انا اسمي روسكي
لو بتسأل انا ليه اسمي كده انا اسمي مزيج من روستا ومن الكوفي، اكتر حاجتين بحبهم
خليني اقولك شوية معلومات سريعة عن تحضير القهوة ممكن تفيدك جدا في انك تعمل فنجان قهوة تركي مثالي
١. استعمل كنكنة نحاس لو أمكن لان توزيعها للحرارة بيكون افضل من الكنك الألومنيوم او الاستانليس اللي معروف عنهم تركيز الحرارة في القاع اكتر وده يعمل فرق في التسوية بين الوش والقاع وممكن يحرق الطعم شوية
٢. استعمل القدر المناسب من البن المطحون لان استخدام كمية اكتر من المطلوبة بيزيد صعوبة تذوق الطعم مهما كانت الجودة، واستخدام كمية اقل من المطلوبة بينسف فكرة الطعم من الأساس، والكمية المتوازنة بتترواح من ١٦ ل ١٨ جرام لكل فنجال او الكوباية حجم ال٤ اونز
٣. التقليب المستمر لا يساعد على استخراج قوام متجانس وللحصول على قوام جيد يتم التقليب على ثلاث مرات اولا التقليب البارد قبل رفع الكنكة عالنار
ثانيا تقليب بعد دقيقة او دقيقتين من رفع الكنكة عالنار
ثالثا التقليب لمرة اخيرة قرب الانتهاء وتساعد المرة الثالثة والأخيرة في تحديد نعومة الوش ومدي امتزاجه مع القوام
٤. صب القهوة والاستمتاع 😋👍🏻
