14/07/2026
احنا ساكتين من بدري بس جه وقت الرد عشان الحقيقه تبان 🚩🚩🚩
إشاعات رخيصة واتهامات بالفوضى وقلة الأدب عشان تداري على الأذى اللي عملته
منزلين صورة كاتبين عليها إننا لسه رايحين واقفين جنبهم جديد في 2026!
كفاية تزييف للحقائق إحنا واقفين وبناكل عيش في ميدان الثورة بقالنا سنين
والكل عارفنا هناك بالاسم من سنين.
الطرف التاني هو اللي كان واقف في علاء الدين وبعدين نقل ووقف جنبنا
وقلنا الرزق بتاع ربنا لكن هو مكتفاش بده وكان عايزنا نمشي وكل شويه بلاغ شكل من كل الجهات حرفيا والكلام ده بقاله سنين مش جديد
هو لو إحنا بتوع مشاكل وبنعمل فوضى، هو الحي كان هيسيبنا؟!
احنا بندفع للحي رسوم شهرية 5000 مش واقفين بلطجه ولا بعشوائيه
ده كمان المرور قصادنا ، هو المرور كان هيسمح بأي فوضى أو قلة أدب تحت عينه؟!
البلاغات الكيديه اللي أنت عملتها هي السبب في ده كله..
والشرطة لما جت يوم 5/3 واتأكدت أن البلاغ كيدي معملوش محضر وسحبوا الكرفان بتاعي وبتاعك للحي.
فبلاش تطلعوا نفسكم ضحايا وتنسوا إن البلاغات الكيدية اللي بتعملوها هي اللي خربت عليكم وعلينا!
عيب تتبلوا على شرف الناس وأكل عيشهم
إحنا ناس بناكل لقمة عيش حلال وبدأناها بعربية ال 27 الزرقا وربنا كرمنا وغيرناها وشغالين وسط عائلات ومحلات وجيران محترمين والكل يشهد مين المؤذي.
كفاية افتري.. الدنيا دوارة، ونفس الكأس اللي حاولتم تسقونا منه سنين، بتدوقوه دلوقتي.. وماحدش بيتعظ!
البوست الجاي هننشر فيه بالورق والمستندات وإيصالات سداد الحي الرسمية عشان الكل يشوف الحقيقة عيني عينك.. مش مجرد كلام وصور كدابة لتشتيت الناس.
#الدقي #الجيزة
#عربيةـموسي
