yeon's kitchen

22/08/2026

قاعدة الـ 3 علامات
امتى أقول أرجع للمطعم ده تاني ولا لأ؟
مكوّن أساسي هو اللي بيخلينا نقرر كده، وهو زيت السمسم 😅
لأنه عنصر أساسي في كل الأطباق الكورية تقريباً، فلو مش الزيت الصح، مش هنجرب الطعم الكوري الحقيقي عن تجربة 😂
زيت السمسم نوعين: معصور على البارد، نكهته خفيفة وريحته مش قوية، ممكن يستخدم في الطبخ لكن مش في النكهة والتتبيل. وزيت السمسم المحمّص، بيتميز بريحة قوية ونكهة واضحة ومميزة. وغالباً بيتستخدم النوع الأول لأنه أرخص بكتير ومتوفر أكتر.
يبقى عندنا التلت علامات هما:
١. الرائحة: أول ما الطبق ينزل قدامك، المفروض تحسي بريحة السمسم المحمّص واضحة. لو حسيتي بريحة الخضار أو اللحمة بس، غالباً استخدموا النوع الخام.
٢. اللمعة: الزيت المحمّص بيدّي لمعة مميزة وواضحة. لو اللي شايفاه أقرب للمعة الحاجات المقلية العادية، ده مش هو.
٣. الطعم: المفروض تحسي بنكهة سمسم واضحة ومتوازنة، مش خفيفة لدرجة إنها تقريباً مش موجودة.
جربنا كذا نوع لحد ما لقينا اللي بيدّي الطعم الحقيقي، وده اللي بنستخدمه في كل طبق بيوصلكم عشان ننقل تجربة فريدة للأكل الكوري 🩷
دلوقتي إديناكم السر اللي تقيّموا بيه أي مطعم كوري تجربوه... وأولهم إحنا 🤩 اللي جرب يقولنا هل عدينا الاختبار ولا لا وانتوا كمان جربوا 🥰

12/08/2026

احنا مكنّاش دايماً كده! 🥹🤍
أول شهور في مشروعنا، مكنّاش عارفين نسعّر صح، ولا نحدد الوقت المناسب لكل طلب.. الأوردرات كانت قليلة، ومشاكل الدليفري بتطلع لنا من تحت الأرض، والتجربة كلها كانت مجرد محاولة وخطأ 😅
بس تعلمنا إن مفيش مشروع بيبدأ مثالي من أول يوم، واللي بيفرق بجد مش إنك متغلطش.. اللي بيفرق إنك تكمل وتتعلم من كل غلطة ❤️
لو إنتِ حاسة إن بدايتك دلوقتي في أي حاجة مش مظبوطة.. احنا فاهمينك أكتر مما تتخيلي. البداية الصعبة مش نهاية الطريق، دي أول خطوة فيه.
شكراً إنكم كنتوا وما زلتوا جزء من رحلتنا وتطورنا ده 🥺❤️
أوردركم مش مجرد دعم لمشروع صغير، ده ثقة بنردها لكم في كل طبق بيخرج من مطبخنا بجودة عالية، مواعيد مضبوطة، وسعر مناسب.. تجربتكم دايماً هي المعيار الوحيد لينا 😌🤍

29/07/2026

محدش بيقولكوا الحقيقة دي 👀
كلمة "أصلي 100%" بقت تريند في وصف أي أكل شرقي أو آسيوي، لدرجة إنها فقدت معناها الحقيقي😅 أي حد ممكن يكتبها على المنيو، بس مين اللي فعلاً بيطبخ زي ما الكتاب بيقول؟
الفرق مش بس في المكونات، الفرق في التفاصيل اللي محدش بيسأل عنها: طريقة تحضير الصوص، الوقت اللي ياخده المرق عشان ياخد طعمه الصح، مدة التسوية، المكونات الأصلية 🇰🇷😌 إحنا مش هنقولك "أصلي" من غير ما نقدر نوريكِ ليه.
كام مكان بصراحة بيقول الوصفة أصلية تماما ولا فيها لمسة مصرية بسيطة اتضافت عشان تناسب الذوق هنا؟ الصراحة دي هي اللي هنفضل نمشي بيها، مهما كانت أصعب من "الكلام الجاهز" اللي كل الناس بتقوله🥹
طب إحنا ليه بنقول الكلام ده؟ لأننا مبنيين على حاجة واحدة بس: الثقة.
جربينا وقوليلنا رأيك الحقيقي، حلو أو مش حلو، احنا عايزين نسمعه 📩
ابعتيلنا رسالة واطلبي المنيو دلوقتي وأي سؤال نوعدكم بالصراحة 🫢😌
#كوريا

12/07/2026

طلبك بيقول عنك أكتر مما تتخيل... 👀 لاحظنا حاجة، أن كل واحد بيطلب طبق معين، شخصيته زيه بالظبط:
🥢 لو دايمًا بتطلبي بيبيمباب ⬅️ أنتِ شخصية منظمة وعملية، بتحبي كل حاجة في مكانها بس مش خايفة تخلطي وتجربي حاجات جديدة.
لو بتحبي التوكبوكي الحار ⬅️أنتِ شخصية عالية الطاقة، بتحبي التحدي والأجواء الصاخبة، ومندفعة في قراراتك🔥
لو الراميون الكوري هو المفضل عندك ⬅️أنتِ شخصية حنينة بتدوري على الراحة والألفة، ومحتاجة حاجة تحسسك بالأمان🍜
ولو مش بتقدري تعيشي من غير الفرايد تشيكن الكوري ⬅️ أنتِ شخصية اجتماعية بامتياز، بتحبي تجمعي الناس حواليكي ونشر جو الفرح😌
وإن كنتِ بتحبي كل ده مع بعض... يبقى أنتِ الشخصية اللي مش بتحبس نفسها في نوع واحد، فضولية وعايزة تجربي كل حاجة🍱
طب طلبك إيه؟ اكتبولنا في الكومنتات طبقكم المفضل وهنقولكم شخصيتكم 🥰😌
وعشان تتأكدوا وتجربوا صح... 📩 ابعتولنا رسالة دلوقتي هنرشحلكم أفضل طبق حسب شخصيتكم 😂😍

24/06/2026

تخيل أن هرمون السعادة مش من المخ 🤯
بل إن ٩٠٪ من السيرتونين بيفرز في معدتك، وعشان كده بنتعامل مع اغلب مشاعرنا بالأكل زهقان فرحان مكتئب بتحتفل 😂😅 بس ده امتى يضرنا بجد ؟ لما ناكل بشكل عشوائي جدا ونلخبط سكر الدم فيفضل مزاج طالع نازل 😂🤡
المطبخ الكوري بقى حقق المعادلة الصعبة في التوازن في الأكل وضبط هرمونات الجسم وطبعا الشبع وشعورك بالسعادة، وكمان الأكل شكله مبهج ومتنوع وهيرضي كل الأذواق 😍💝
مش كل 'جوع عاطفي' نهايته تأنيب ضمير وخمول.. المرة الجاية لما تعوز تتبسط، اختار الأكل اللي بيفهم معدتك وبيدلع مودك من غير ما يلخبط سكر دمك. 😉مش لازم تختار بين الأكل اللي طعمه حلو وبين الأكل اللي بيخليك مرتاح.. المطبخ الكوري جمعلك الاتنين في طبق واحد😉🥰
يا ترى ايه اكتر أكلة بتلجأ ليها عشان تفرحك؟ وليه 😋🤔
#كورياالجنوبية

03/04/2026

🤩🤩🤩

أنظار عشاق الثقافة حول العالم تتجه إلى مدينة بوسان
#بوسان

https://world.kbs.co.kr/service/contents_view.htm?lang=a&menu_cate=lifestyle&id=&board_seq=466892

تستعد مدينة بوسان لحدث ضخم يُعرف بـ "أولمبياد الثقافة"، وهو اجتماع لجنة التراث العالمي لليونسكو الذي سيعقد في يوليو القادم لأول مرة في كوريا. وفي هذا السياق، برز "متحف بوسان للآثار" كأهم وجهة ثقافية لهذا العام.

بهذه المناسبة أعد متحف بوسان 3 حفلات معارض كبرى لإبهار الضيوف من جميع أنحاء العالم. والمعرض الأول بدأ بالفعل اليوم الثلاثاء، وسيستمر حتى 17 مايو القادم، بعنوان "150 عاما على افتتاح ميناء بوسان: هؤلاء الذين عبروا البحر". وهذا العام يصادف الذكرى الـ150 على افتتاح الميناء. وللعلم فإن بوسان هي أول مدينة افتتحت ميناء في كوريا في عام 1876، وكان البوابة الحقيقية للحداثة، قبل مدينة إنتشون بفترة طويلة.

يقال إن الشخصيات الطريفة التي تظهر في ملصقات المعرض تلفت انتباه الكثيرين. لقد تعاون المتحف مع الفنان الشهير "هوجو"، مصمم شخصيات "كاكاو فريندز" المعروفة، لابتكار شخصيتين هما "هونغ غو" و"ميه غي"’. وتأخذهما الرحلة عبر الزمن إلى داخل لوحة "تشو لايانغ هوا كوان دو" من القرن التاسع عشر. ويستخدم العرض تقنيات الصوت والضوء لجعل الزوار، خاصة الأطفال، يعيشون تجربة تاريخية ممتعة.

كما من المتوقع أن يقام المعرض الخاص الذي يتزامن مع اجتماع اليونسكو في يوليو. فمن 7 يوليو إلى 30 أغسطس، سيقام معرض "البلاط الملكي لأسرة جوسون والتراث العالمي". وقد تم توقيع اتفاقية مع المتحف الوطني للقصر في سيول لنقل كنوز ملكية نادرة إلى بوسان. والمفاجأة الكبرى هي عرض "سجلات أسرة جوسون" من أربعة مواقع مختلفة معا في مكان واحد لأول مرة في بوسان.

أما المعرض الختامي فسيبدأ في 13 أكتوبر بعنوان "حدائق جوسون: زرع القلب والتنزه في المناظر الطبيعية". وهذا المعرض يهدف لإظهار الفرق بين الحدائق الكورية واليابانية. يشار إلى أن الحدائق الكورية تعتمد على "استعارة الطبيعة" وفلسفة التعايش معها بدلا من تشكيلها قسريا. وسوف يتم استخدام تقنيات العرض الرقمي الغامرة ليشعر الزائر وكأنه يمشي داخل لوحة فنية قديمة.

03/04/2026

The comfort food that my stomach needed🥹🤩
After a long break and some health struggles, this Korean Rice Porridge (Juk) was my savior. It’s light, healthy, and incredibly soothing. Who knew 'healthy' could taste this good? 🇰🇷🥢
If you want the detailed recipe write in comments below👇

02/04/2026

نغيب غيبتنا.. ونرجع بهيبتنا! 😎🥢
"وحشتوني جداً! عارفة إن الانقطاع كان طويل المرة دي، والحقيقة كانت ظروف صحية هي اللي أبعدتني عنكم شوية.. بس الحمد لله، الرجعة المرة دي مختلفة تماماً! ✨
​الفترة اللي فاتت على قد ما كانت صعبة، اتعلمت منها.. وكنت مشغولة بتجارب وتفاصيل جديدة عشان أقدر أقدم لكم حاجة تليق بيكم وبحبكم للأكل الكوري. 🍱🔥
​استعدوا للي جاي.. لأننا راجعين بـ:
✅ منيو جديد تماماً: بتنسيق وتفاصيل أجمل من الأول
✅ انفراد حصري: هنقدم حاجات وتفاصيل مش موجودة في أي مطعم آسيوي في مصر حالياً، وبدون مبالغة! 😉
✅ جودة أعلى: واهتمام بكل عنصر في المكونات الأصلية ونفس الجودة اللي تعودتوا عليها.
​المفاجآت لسه بتبدأ، والمنيو الجديد بكل تفاصيله هينزل قريب جداً.. خليكم متابعين عشان اللي جاي فعلاً يستاهل الانتظار. 🚀❤️
​جاهزين لأقوى عودة؟💪 منشنو
ا اصحابكم اللي بيحبوا الأكل الكوري😍
#كورياالجنوبية

27/01/2026

حلويات يعني شيكولاتة، كريمة، مكسرات، سكر وقرفة… إنما فاصوليا هذا ما لم نسمع به من قبل؟ 😂🍡
الفاصوليا الحمراء مش بس خضار في السلطة..دي نجمة في الحلويات الآسيوية 🍬✨.
في اليابان بيقولوا عليها (アズキ – أزوكي)، وفي الصين (小豆 – شياو دزو)، وفي كوريا اسمها "팥 – بات" ❤️. النوع ده مختلف عن الفاصوليا اللي بنزرعها عندنا… في آسيا بتكون حمراء صغيرة ولامعة، وطعمها حلو وخفيف، شبيه بمزيج خفيف بين القمح واللوز، وبيدي أي حلوى نكهة مختلفة 😋.
في كوريا، بيعملوا منها معجون ناعم يُستخدم في حلويات تقليدية زي:
호떡 – هوتوك (بانكيك محشي بمعجون الفاصوليا الحلو)
찐빵 – تشينبانغ (كعك محشي بالمعجون الأحمر)
팥소 – باتسو (معجون الفاصوليا الأحمر الحلو)
أحيانًا بيشيلوا القشرة، والمعجون بيطلع أبيض وناعم 🥰… طعمه خفيف ومختلف عن أي حلاوة تانية.
ومع الوقت، دخل المعجون في كل حاجة تقريبًا… من الوافل للكعك والبسكويت وحتى حلويات الفيوجن اللي بتجمع الشرق والغرب في طبق واحد😍.
تخيلتم أن المطبخ الآسيوي مختلف عنا للدرجة ديه 😳!
هل ممكن تجربها في يوم من الأيام ولا لأ؟ 😉✨

01/01/2026

هو اه زيادة الخير خيرين حلوة بس مش لدرجة عيدين لرأس السنة 👀😂؟
في كوريا اه ده بيحصل😄
واحد بييجي مع أول يناير (New Year’s Day – Sinjeong / 신정)،
والتاني بعده بشوية في رأس السنة القمرية (Lunar New Year – Seollal / 설날) اللي بتاخد 3 أيام كاملة 🧧
زمان، البداية كانت مرتبطة بالتقويم القمري، وكان سولال (Seollal / 설날) هو اليوم اللي الكوريين بيعتبروه أول السنة فعلًا.
بس مع محاولات التحديث، ظهر أول يناير كبداية رسمية للسنة (Sinjeong / 신정)، وده كان قرار عملي أكتر منه احتفالي، عشان الدولة كانت عايزة تقلّل الإجازات وتزوّد الإنتاج.
الاحتفال بأول يناير حديث نسبيًا، وخصوصًا للشباب في المدن الكبيرة.
في سيول (Seoul / 서울) مثلاً، بيكون فيه عد تنازلي عند منتصف الليل، ألعاب نارية، وحفلات في الأماكن العامة 🎆🕛
الناس بتتجمع مع صحابها أو عيلتها أو زملاء الشغل، وياكلوا ويشربوا ويحتفلوا بطريقة عصرية وحيوية 🥳🍹
أما سولال، فده عيد تقليدي بحتفظ بطقوسه القديمة.
الناس تسافر مسافات طويلة عشان تتجمع العيلة الكبيرة ويحتفلوا سوا👨‍👩‍👧‍👦،
ينحنوا للكبار احترامًا (Sebae / 세배) 🙇‍♀️،
ويحضّروا أكل مخصوص لتكريم الأجداد (Charye / 차례) 🍱،
وكمان حساء كعك الأرز (Tteokguk / 떡국) 🍜 كعلامة على بداية سنة جديدة.
دلوقتي، الاتنين موجودين في التقويم الكوري وكل واحد ليه معنى مختلف:
أول يناير مرتبط بالاحتفالات الحديثة والمرح مع الأصحاب،
وسولال مرتبط باللمة العائلية والطقوس والتقاليد 🧧✨
✨ نتمنى ليكم سنة مليانة خير وسعادة وحظ حلو إن شاء الله ❤️
새해 복 많이 받으세요 😌