30/08/2026
سنة واحدة كانت كفيلة تغيّر حاجات كتير… وتأكدلنا إن الحكاية لسه في أولها.
من سنة بدأ كريسبو، من فكرة كنا مؤمنين بيها، وحلم كنا شايفينه أكبر من مجرد مطعم.
وخلال السنة دي عشنا حاجات كتير…
نجاحات فرحتنا، ناس حبتنا ووقفت جنبنا، ولحظات حسينا فيها إننا بنبني حاجة حقيقية.
وفي نفس الوقت، قابلتنا مطبات ومشاكل وضغوط أكبر بكتير مما كنا متخيلين.
ومع انتهاء عقد المكان الحالي، ومع إن ظروف وموقع المكان ماكانوش بيسمحوا لنا نحقق الانتشار والنمو اللي كنا بنطمح له…
اضطرينا نوقف كريسبو في مكانه الحالي.
وده يمكن يكون أصعب فصل عدّى علينا من بداية الحكاية…
لكن عمرنا ما شوفناه النهاية.
لأن وسط كل اللي حصل، كان فيه شيء واحد ثابت:
إيماننا بكريسبو، وبالحاجة اللي بنعملها.
وعشان كده إحنا مش بنقفل صفحة…
إحنا بنجهز لصفحة جديدة.
صفحة فيها خبرة أكتر، رؤية أوضح، وطموح أكبر بكتير.
مش هنقولكم دلوقتي إحنا رايحين فين… 👀
ولا إيه اللي بنحضّره.
لكن هنقولكم إن كريسبو لما يرجع…
مش هيكون مجرد كريسبو اللي تعرفوه.
هيكون كريسبو أقوى، أكبر، وأقرب بكتير للحلم اللي بدأنا عشانه من أول يوم.
فلو كنت جزء من حكايتنا، أو حتى مجرد متابع مستني يشوف كريسبو هيروح لفين…
خليك معانا.
لأن حكاية كريسبو؟
لسه مخلصتش. ❤️🔥
استنوا الفصل الجاي… 👀
#كريسبو
.The story continues🥷🏻
