04/01/2026
هتعمل ايه في قبرك طول 100 ألف سنة؟
د/ مصطفى محمود قال هقولكم طريقة نفعت معايا جداً وخلتني أركز في عبادتي أكتر.
القبر مخيف، طبعاً لغير الصالحين، فكرت في كده وأنا عندي 54 سنة وكاره الدنيا واللي فيها، طيب هعمل ايه لما اسكن في القبر لوحدي 100 ألف سنة!
عمرك تخيلت! عشان كده بدأت أفكر إني هموت وعندي قبر فاضي أسود ضلمة، القبر ده محتاج للأثاث عشان أقدر أسكن فيه، بدأت أتخيل كل استغفار أستغفره إني ببعته لقبري عشان يستناني هناك ويؤنس وحدتي.
زواية القبر كنت بملاها بآلاف من التسبيحات، هنا من عند رأسي 300 ختمة قرآن على الأقل، كل ركعة بركعها كنت بتخيل إني بحطها رصيد في القبر.👌
كل الناس هتسيبني وتروح بيتها وهفضل أنا لوحدي ممكن لمليون سنة، وقتها هكون محتاج لنور وإن قبري يبقى جنة، كنت بتخيل الحوقلة والذكر والقرآن والتشهد والصدقة كلهم حواليا وبنضحك ونتكلم، وتيجي الصلاة على الرسول صلى الله عليه وسلم تشاركنا الجلسة، حياة ما بعدها حياة.🤍
ده أفضل من إني أنزل هناك ألاقي غيبة ونميمة وألاقي كل أعمالي كانت لمطالب الدنيا ومفيش حاجة لوجه الله، وألاقي مستنيني العذاب والضرب والسواد والحساب الشديد.
نصيحة لك من النهاردة: خلي قبرك بنك، حط فيه رصيد، اهتم بعبادتك أكتر من الدنيا، حتى وأنت في قبرك هتشكرني من هناك، أنت دلوقتي بين أهلك لابس، شارب، واكل، متهني، وعندك كل حاجة، ورغم كل ده بردو كاره نفسك، فما بالك تحت الأرض!
عشان كده اعتني بكل عبادة لك وكل تسبيحة وقل لها أسبقيني لهناك في القبر، هنتقابل وتكوني خير أنيس وخير جليس، اللهم قنا عذاب القبر وارزقنا حسن الخاتمة.🤲
د/ مصطفى محمود
