12/04/2026
مربى البنجر اللذيذه (الشمندر) 🩸✨
المربى دي قنبلة فوايد ولونها أحمر ياقوتي يجنن، وطعمها مسكر ولذيذ جداً ومش هتحسي بطعم البنجر القوي خالص! 😋
المقادير:
كيلو بنجر طازج، مغسول ومقشر ومبشور ناعم 🩸
نص كيلو سكر 🍚
عصير ليمونة كبيرة 🍋
كوباية عصير برتقال فريش 🍊
بشر برتقالة (الطبقة البرتقاني بس) 🔥
عود قرفة (اختياري) 🍂
الطريقة:
في حلة كبيرة، حطي البنجر المبشور مع عصير البرتقال وعصير الليمون وبشر البرتقال وعود القرفة.
حطي الحلة على نار هادية وسيبي البنجر يستوي وينزل ميتو حوالي نص ساعة (ممكن تحتاجي رشة مية لو نشف قوي).
ضيفي السكر وقلبي كويس لحد ما يدوب.
علي النار لحد ما تغلي، وبعدين هدي النار خالص (شميعة) وسيبيها تتسبك على مهلها حوالي ساعة ل ساعة ونص.
قلبيها من وقت للتاني عشان متلزقش. هتعرفي إنها استوت لما تتقل وتلاقي لونها بقى شفاف وغامق والقوام بقى كريمي.
شيل عود القرفة، وعبيها في برطمانات معقمة وهي سخنة.
بالف هنا ❤️
صلوا على النبي وسيبي كومنت بتم علشان يوصلك كل جديد 🧡
