18/10/2026
السلام عليكم خاوتي ♥️ ان شاء الله تكونو بخير
حبيت نعلمكم بلي محل شاي الصفوة راه تباع من نهار بعتو ما عندي حتى علاقة بيه ولا بتسييرو
قرار البيع كان لأسباب شخصية وبعد تفكير فضلت نطوي هاذ الصفحة ونرتاح شوية ..
التجربة هاذي علمتني بلي النجاح ماشي غير خدمة وتعب حتى راحة البال عندها قيمتها وماشي كل واحد يشوفك تتقدم يفرحلك من قلبو بصح الحمد لله على كل حال ربي يعلم بالنوايا وكل واحد يلقى واش كاتبلو ربي
سمحولي على التأخير في إعلامكم كنت مشغول شوية وما قدرتش نخبركم من قبل
شكراً لكل شخص كان جزء من هاذ الرحلة، وشكراً على كل دعم وكل كلمة طيبة وربي يوفق خويا لي شراه ويجعلها بداية خير عليه 🤲🏻
بالنسبة ليا هاذي مرحلة وفاتت بكل ما فيها وإن شاء الله الجاي يكون خير بفكرة جديدة وبداية جديدة
وحبيت نوضح حاجة أخيرة، هاذي هي الصفحة الوحيدة لي كانت باسم شاي الصفوة ومن بعد البيع ما عندي حتى علاقة ب صفحة تحمل نفس الاسم
ونتلاقاو إن شاء الله في حاجة جديدة ❤️