കഫേ സുലൈമാനിയിലേക്ക് സ്വാഗതം !
ഈ പേജ് UAE യിലെ വിവിധ ഹോട്ടലുകളിൽ ലഭ്യമായ വൈവിധ്യമാർന്ന വിഭവങ്ങളെ കുറിച്ചാണ്.
നമ്മളെല്ലാവരും ഭക്ഷണപ്രിയരാണ്. ചിലർ വാരിക്കോരി കഴിക്കും. ചിലർക്ക് താൽപര്യം വൈവിധ്യമാർന്ന വിഭവങ്ങളോടായിരിക്കും. അൽപം കഴിച്ചാലും അത് രുചികരമായിരിക്കണം എന്ന് ആഗ്രഹിക്കുന്നവരുമുണ്ട്. അങ്ങിനെ ഒന്നല്ലെങ്കിൽ മറ്റൊരു രീതിയിൽ നമ്മൾ എല്ലാവരും കൊതിയന്മാരാണ്.
നമ്മൾ എല്ലാവർക്കും ഏറ്റവും ഇഷ്ടപ്പെട്ട ഒരു ഐറ്റം ഉണ്ടാകും. അതിനെ കുറിച്ച് ആലോചിക്കുമ്പോഴേക്കും വായിൽ വെള്ളമൂറും. ശരിയല്ലേ?
എല്ലാ കൊതിയന്മാർക്കുമായി ഞാൻ ഈ പേജ് സമർപ്പിക്കുന്നു. എല്ലാ ദിവസവും ഞാൻ ഇവിടം ഒരു പോസ്റ്റ്‌ ഇടും. ഓരോ ദിവസവും വെവ്വേറെ ഹോട്ടലിൽ നിന്നും കഴിക്കുന്ന ഫുഡിനെ പറ്റി ഞാൻ വിശദമായി പറയും. ഹോട്ടലിന്റെ പേര്, വിഭവത്തിൻറെ പേര്, വില, രുചി...അങ്ങിനെ ഒരു പാട് വിശേഷങ്ങൾ.
ഇതെല്ലാം എന്തിനെന്നു ചോദിച്ചാൽ ഞാൻ കുടുങ്ങും! തീറ്റകൊതിയന്മാർക്ക് എൻറെ വക ഒരു സൽകാരം എന്ന് കരുതാം. നിങ്ങൾക്ക് പുതിയ ഹോട്ടലിനെ, പുതിയ ഭക്ഷണത്തെ, പുതിയ രുചിയെ ഒക്കെ ഞാൻ ഇതിലൂടെ പരിചയപ്പെടുത്താം. നല്ല ഒരു ആശയമല്ലേ? ഓരോ ദിവസവും പുതിയ ഒരു ഫുഡ്‌, ഹോട്ടൽ ഇതൊക്കെ ഇരുന്നിടത്ത് വെച്ച് തന്നെ അറിയാൻ കഴിയുമല്ലോ! ഇഷ്ടമായാൽ അവിടം പോയി ആ ഫുഡ്‌ കഴിക്കാം. ഒരു ചേഞ്ച്‌ ആർക്കാണ് ഇഷ്ടമല്ലാത്തത്?
കഫേ സുലൈമാനി! ഒരു കിടിലം പേര് തന്നെ എന്ന് എന്റെ ഒരുപാട് ഫ്രണ്ട്സ് പറഞ്ഞു. നിങ്ങൾക്കും ഇഷ്ടമായെന്നു കരുതുന്നു. എങ്കിൽ ലൈക്‌ ചെയ്യൂ! എന്നെ ഫോളോ ചെയ്യൂ!
അപ്പൊ വിളംബാല്ലേ???
